رواتبكم يامتزوجات وين تروح

حبيبتي .. تتركين وظيفتك ليه ؟؟ عشان ما يستغلك زوجك وياخذ فلوسك وتساعدينه ( طبعا هذي الكلمة المتداولة ) في بناء بيت ومصاريف الحياة الكثيرة و ...
أول شي دامك ما تزوجت لسه خلي الأمور واضحة عندك .. وظيفتك مصدر أمان بالنسبة لك .. مو من زوجك لا أمان من الأيام والإنسان ما يضمن الدنيا غير كذا بس تستقلين عن أهلك ما راح تفكرين ترجعين تعيشين معاهم ثاني لا قدر الله وربي كتب عليك شي .. الوظيفة لا تفكرين تتركينها أبدا أبدا أبدا ..
بالنسبة لزوجك .. طبعا بيعرف انك تشتغلين .. لكن انتي لا تطرين موضوع مساعدته نهائيا .. الرجال يحب الحرمة اللي تعتمد عليه مو اللي تنافسه وتنفصل عنه .. يعني هو مسؤول عنك من إلى .. وراتبك كله لك .. تقولين إلى متى خليها عندك ما تدرين الظروف بعدين لازم يكون عندك مدخرات ومبلغ محترم محتفظة فيه ممكن يجي يوم تساعدين فيه زوجك ما تدرين لكن مو مساعدته بالبيت والمصاريف لا هو المسؤول ولا تحاولين تعرضين مساعدتك أبدا .. واذا هو طلب منك هذا شي ثاني لكن دامك مسلمته كل شي من الأول ما راح يطلب صدقيني اذا هو رجال وولد ناس مستحيل يطلب منك بالعكس بيتفانى عشان يسعدك ويوفر لك كل شي ..
خلي راتبك لك ومصاريفك هو مسؤول عنها .. واسمعي كلام أختك لأني أشتغل وما كنت أوفر شي من فلوسي ولقيت نفسي ما عندي شي ولا تقولين صرفتهم في أشياء مفيدة لا والله لا من زود مشتريات ولا من زود سفر ووناسة مدري وين راحوا لا تسأليني والله ..
عشان كذا خليك واضحه معاه من الأول والموضوع ما يبغاله كثرة كلام .. انت بس اطلبي منه ولا تصرفين من فلوسك وبس ومو لازم تعلمينه رقم بطاقتك وهالأشياء انتبهي .. ماله داعي مو شرط يكون هو شين لكن لازم تكون عندك خصوصيات خاصة هالشي وانتي دامك تشتغلين من قبل الزواج اكيد عندك مبلغ فخليه سر أحسن ..

الله يعطيك العافية يااختي معليش انا حطيت موضوعي من فترة ونسيت اشيك عليه, الف شكر لك وإن شاء البنات يتفاعلون

راتب الزوجه من حقها
لكن مو معناها تصير نحيسه
يعني تصرف على نفسها عادي
وتوفر
معقول ملابس ومكياج بتروح الراتب كله؟
يعني مفروض المره المتزوجه تصرف على نفسها ولو هو عطاها زياده يكون افضل
بس والله في ازواج رواتبهم ما تكفي لازم المره تساعد شوي
والله الموضوع معقد
يعني كل بيت فيه وضع مختلف
صح ولا لأ

أنا مع أختي زاهي الكحل .. الحمدلله الراتب صرف بجزء منه على نفسي وممكن لو اشتهيت شي للبين ناقص وأنا طالعه بدون زوجي ماراح أبخل عليه .. والأكيد ان أولا واخيرا هذا الراتب لي ولزوجي وللأولاد .. وهذا مايمنع ان في جزء منه يكون في ادخار بجمعيه مثلا ,,, وفي الأخير ماراح يسألني ويشيك على راتبي أو حسابي لأنه خاص فيني .. والمصروف الي منه هذا زيادة خير ,, ومستحيل أثقل عليه وأنا اصلا موظفه