رواية ثقيله مزحة الدنيا للكاتبه عاد انا اللي احبك

1. عبدالرحمن:عبدالله ترا وربي ان ماعلمتني ل أن تمووت وانا ماحللتك

المشهد رقم
" فرحه لاتكتمل! "
قام عن كرسيه ف مكتبه الوثير..طالع في أخوه بنظرآت مدهووشه ومب مصدق..

• انت تقولها صادق؟

وقف ب شموخ وكأنه واثق من اللي جالس يقوله..تكلم ب كل ثقه:أيه نعم صآدق..أسمعني ياعبدالرحمن..مسألة اني خالفت الوالد ب كم شغله مب معنآها اني مب من هجري العايله
عبدالرحمن:ب كم شغله؟؟..انت اصلاً اول سبب ف وفآة الوالد..بعدين انت ماتخاف ربك؟؟..تطالب ب الورث وتراب قبر ابوك ماجف؟
أخذ نفس..ورجع يتكلم ب هدوء لايفقد اعصابه:انا مب سبب ف موت الوالد..هذا اول شي..بعدين انا ورآي سفره ل الخارج..وأبي حقي الحين ..قبل لاأخذه غصصب
عبدالرحمن طالع ف أخوه الكبير..ورفع حاجب ب تحدي: اعلى مابخليك اركبه .. واصلاً ابوي كتب كل شي ب أسمي انا وخوله .. وانت اظن مالك نصيب..ف الاحسن انك تتوكل.."وب سخريه"..قبل لاتفوتك طيارتك
شد على قبضة يده..:زين ياعبدالرحمن..ان ماأخذت حلالي ماأصير عبدالله ..ريال ينطح ريال!!!
وطلع
جلس على مكتبه .. هذا هو توه ابو 22 سنه ماسك أدآرة شركه كامله ..صحيح معاه عمآنه الموثوق فيهم.. بس ابوه موصيه .. وخصوصاً ان مافي شي من الحلال يطيح ب يد اخوه الكبير.."العآق"..ب نظر ابوه..
طلع من الشركه وراح البيت اول مادخل كان الوضع مرتبش..شاف اخته خوله تطلع من غرفه..وتدخل المطبخ..لحقها وهو يسمع صرآخ زوجته وبنت عمه
عبدالرحمن:وش السالفه ياخوله؟؟
خوله :مضآوي تولد
ماأستوعب..مضآوي؟..تولد؟..ماقدر يعبر الا ب ابتساامه تايهه ومدهووشه..يصير أبو؟؟.. شاف اخته تطلع من المطبخ وتدخل الغرفه :طيب وش جابت؟
خوله:اقولك تولد يابن الحلال
جلس على الكرسي..وهو مبسووط وينتظر
المشهد رقم
" أنتقآم "
"مسكه قبل لايقطع الشآرع"- عبدالله انت بتسأفر باتسر..وش هالحكي
عبدالله :انا بعلم عبدالرحمن .. الحلال مب كله له
طالعه ب عيون حايره:..يمكن هو صادق..يسويها ابوك والله
عبدالله:وش أسوي .. عمر قل لي وش اسوي؟
عمر:اسمعني!..انت لازم تتأكد اول من الاوراق عند محامي ابوك
عبدالله:تأكدت والاوراق صحيحه ورسميه وكل كلآم عبدالرحمن صحيح..
عمر مسوي متفاعل:الله يحرق قلبه زي ماحرق قلبك
عبدالله:وش اسوي الحين أنا؟؟..مايكفي انه آخذ بنت عمي اللي ابيها..يجي ياخذ حقي من الورث
عمر: لازم تعلمه شلون تاخذ شي هو حقه
عبدالله : صح عليك..ابحرق قلبه قبل لا رجلي تتآطا
المطآر
عمر:وش نأوي تسوي
عبدالله طالع ف عمر و على عينه نظره خاليه من أي نوع من الرحمه :مضآوي بنت عمي
عمر:حبيبة القلب؟؟..وش فيها؟
عبدالله مبتسم:حآمل..وهي الحين ف شهرها
عمر:احس اني فهمت ..بس ماعليه فهمني
عبدالله يطآلعه ب تفحص:بس!...توعدني انك تسآعدي
عمر يضرب على صدره:أفأ عليك ..قدها وانا عمر
عبدالله:كفو!!!!
المشهد رقم
" روح رهن الاعتقأل "

• مبروك يامضآوي..

حضنت مضاوي ولدها:وش نسميه ياعبدالرحمن؟
عبدالرحمن:على آسم الوالد الله يرحمه..محمد!
مضآوي مبتسمه ب حزن:يستاهل عمي والله .. خلااص ب نسميه محمد
عبدالرحمن ب نظره حنونه ل ولده:وش رآيك ب محمد ؟؟..حلو؟
عفس محمد الصغير وجهه..وحرك يدينه الصغار..
ضحكت مضآوي وبعدها قالت ب حزن:مدري ليه احس ولدي ب يشوف الظيم ف حياته..قلبي ناغزني..مدري ليه احس فرحتي مب مكتمله
أبتسم عبدالرحمن :لا ان شالله ولدي محد بيقرب له ..ولا يمس منه شعره .. طول مارآسي يشم الهوآ..بعدين هذي وسآوس..يمكن ضايق صدرك على الوالد
مضآوي :الله يرحمه!

• مضاوي ماتبين تروحين المستشفى؟

أبتسمت مضاوي:لا خوله..ومشكوره..
خوله:ولوو انتي اخت لي
مضاوي:احس اني روعتك..وربي مب قصدي
خوله:ههه انا يوم ولادتي ب بندر سويت اللي هو أعظم..لاتضيقين صدرك بس..
مضاوي:ههه
قربت خوله وشالت محمد:هاه وش ناوين تسمونه؟
عبدالرحمن يقوم :محمد ..على الوالد
خوله:آآلله محمد ..حلوو...أحسه يشبه لك ياعبدالرحمن
عبدالرحمن طالعه مره ثاانيه:صدق؟
مضآوي ب أبتسامه ذبلانه من التعب:اجل بيطلع مزيون
عبدالرحمن:ههه دام انتي امه
خوله تهزه لايصيح:الله يخليه لكم
عبدالرحمن: اقول خوله انتبهي ترضعينه
خوله رفعت حاجب:ليش ان شالله ؟؟..وش فيه حليبي؟
عبدالرحمن:مافيه شي يابنت النآس..بس عشان لاجتك بنت..تصير له
مضآوي:ههه بدينا ي بنت العم ل ولد العم
خوله:ايه عيووني احنا أهل ومانطلع برا عايلتنا
عبدالرحمن:بس فيه احد سواها..
خوله:الله يهديه عبدالله .."تذكرت".. ماقلت له ان مضاوي جابت ولد
عبدالرحمن:انا بقوله..
المشهد رقم
" قسوه "

• وين عبدالرحمن؟

خوله:طالع مع مرته ل المستشفى
عبدالله: كان ودي اوقف عليه ..اجل وين محمد؟
خوله ابتست وطالعت الغرفه:هناك مع الشغاله..كبر ياعبدالله..ياحبي له ..صار عمره .."وتأشر ب يدها"...أسبوعين
عبدالله:أيه..الا على وين اشوفك لابسه عباتك؟
خوله:ابد البيت..بطل على بندر ولدي وارجع
عبدالله:أيه..خلااص اجل انا بروح المطآر
خوله:منت تارك السفر..عبدالله خلآص خل عنك هالسفر
عبدالله ب حقد وقهر:دام اخوك ب السعوديه انا ماني جالس فيها
خوله:اووه ياعبدالله !...لين متى يعني هالكره؟؟..
عبدالله:انا من اول كارهه وسآكت!..اما الحين ابحرق قلبه زي ماحرق قلبي
خوله:وش قصدك؟؟
عبدالرحمن:ماأقصد شي..انا بروح
أتجه ل الباب وركب السياره..اول ماتطمن ان خوله طلعت .. رآح ل البيت
/
قآل وهو يشيل محمد:أسمح لي ياولد اخوي..ادري مالك ذنب..بس لاتخآف..ب أحطك بين يدين آمينه
وطلع
المشهد رقم
" نهآية بدآيه "

• من هذا؟...ومن انت أصلاً؟

عبدالله طالع ف عمر اللي قأل:اسمع يابو مشاري!..هذا ولد لقيط مسكين..
ابو مشاري:وش علي منه؟
عمر:مو انت تبي ولد؟؟..تقدر تنسبه ل نفسك..دام ماعندك عيال..
عبدالله: انا سمعت ان مرتك ماتجيب عيال ...انا مستعد اعطيك فلوس تعالجها..عشان تنجب لك..بس تاخذ هالولد عندك..
عمر:هاه وش قلت؟
ابو مشاري يناظر ف محمد ومتنآسي ان اللي يسويه اكبر غلط ف حق هجري الطفل..وف حق نفسه ودينه :والله عرض مايتفوت..
قآم عبدالله وحط محمد على الكنبه..ومعاه الشنطه حقته..:أجل انا بكتب لك شيك ب قيمة نص مليوون..بس تكتم ع الموضوع
ابو مشاري طارت عيونه:نص مليون؟؟؟
عمر ابتسم:وبنزيدك خير..بس هاه
ابو مشآري:ماله اهل؟
عبدالله:لا ماله..المهم.."شق الشيك ومده"...وزي ماقلت لك..تراني وراك وراك ان علمت احد
سكت أبو مشاري..رجل مستور..فقير يحتاج الريال الواحد.. ماقدر يرفض عرض مثل هذا لانه لو بيرفض يمكن يخسر حياته او راحة باله..لانه يعآمل ناس..مستحيل يقدر عليهم
المشهد رقم
" سآعه وحده بس "

• شلون يعني ماتدرين؟؟

عبدالرحمن:مضآوي هدي نفسك..هو مع عبدالله ان شاء لله انه بخير
مضاوي:انت تعلب علي ولا على نفسك؟؟..دامه مع عبدالله عز الله مارجع لي الولد
عبدالرحمن :وش تقولين انتي؟؟
×
×

• وش تسوي ياعبدالله ؟؟..بطئ شوي

عبدالله وهو مسرع ب سيارته:ابي الحق على طيارتي
عمر:طيب مب طأي.......
ماتت الكلمآت..ودخلت سيارة عبدالله ف تريلا..
المشهد رقم
" مات مع موت آلآمل ف الرجوع "

• لو سمحت ..عبدالله محمد ال"......"
• غرفه رقم (..) الدور الثآني

رآح ل المكآن ركض..وصل ل الغرفه لقى جثة أخوه ممدده ..راح
عبدالله وهو يشد على مفرش المستشفى الابيض.. :آآآآآآآآآآه..هاتوا لي عبدالرحمن
وصل عبدالرحمن ل أخوه ومسك يده:عبدالله ..عبدالله وش اللي سوآ بك كذا؟
عبدالله ب حقد وكره:انت!..انت اللي سويت فيني كذا من يوم آخذت مضآوي..وانت تدري اني احبها اكثر من نفسي
عبدالرحمن ماسك نفسه:وين ولدي؟
عبدالله ضحك:ههه..ماراح اقولك وين..بس لاتخاف انا....انا ع..."بدت انفاسه تتسآرع"..انا عم رح..رحوم.. خليته بين ي...يدين امينه يتربى.."بدا يكح"..وعمر مات ولا راح يقولك

عبدالرحمن:عبدالله ترا وربي ان ماعلمتني ل أن تمووت وانا ماحللتك

عبدالله:ههه..ك..كثر منها تكفى..من مفروض يحلل الثأني وانت اخذت م..مني كل شي..اصلا انت من صرت تمثل دور المثآلي وانا صرت ك..كخه عند الوالد..بس لاتخاف انا بخليك شلون تجرب الحرمآن..بحرمك من ولدك اللي مابعد حتى شميت ريحته..ب.. بح...عب..عبدالرح..من!!!
وسط دهشته .. رمش كل من مره وهو يتخيل انه ماراح يشوف ولده..
ركض ل الدكتور ..
/
/

• شلون مات؟؟؟..ومن غيره يعرف مكان محمد؟

عبدالرحمن:في صديقه يعرف وين..كان معاه ب السياره بس
مضآوي تهز زوجها:بس أيش؟...
سكر عبدالرحمن عيونه ب قل حيله ..يمنع دمعته من التسلل ل الخآرج .. حس ب مضاوي تهزه:تكلم تكفى!!!!!!!!!!..وين محمد .. وش فيه صديقه
عبدالرحمن:هو في غيبوبه وأحتمال مايقوم منها ابد ..أبد
مضآوي جلست ع الارض ..طالعت ف ال"لاشي"..فجأه !..بدت تصيح ب هستيريآ.. :لالا..لاياعبدالرحمن..تكفى دور لي ولدي..الله يخليك !!!!!!!!!!!!!
عبدالرحمن:هدي نفسك يامضآوي..ان شالله بنلقآه انا بحط اعلآن ب الجرايد..وان شالله نلقآه