رواية ماني على هواك ياروحي بجي

انا وصلت بالرواية للبارت الخامس والحين بنزل تكملة البارت الاول وبنزل البارت الثاني والثالث واذا شفت الردود ان شاءالله كملت
البارت الاول
صار طلال واسيل يتمشون بارجاء باريس وهم في قمت السعادة لان طلال هو الانسان الوحيد اللي يقدر يقلب مزاج اسيل ويخليها تبتسم وهي في قمة احزانها
دق تلفون طلال ورد عليه
طلال : هلا وغلا بالغالي
ابو طلال : هلا فيك شلونك ؟
طلال : تمام الحمدلله وانت يبه اخبارك واخبار الاهل ؟
ابو طلال : والله كلنا بخير نحمد الله ونشكره .. انا اتصلت فيك ابيك تجي الرياض ياولدي اشتقنا لك امك تحن علي صبح وليل تبيك ترجع
طلال : بس يب..
ابو طلال يقاطعه : لا بس ولا شي واذا على اسيل امك تقول جيبها معاك والله ياوليدي ان حنا بنحطها بعيونها تعالوا بدال لا تقعدون بديار الغربة
طلال : هذي هي يبه عندي كلمها انت لاني اذا كلمتها مستحيل توافق
اسيل اخذت السماعة وهي مستغربة شنو يبي منها ابو طلال : هلا عمي
ابو طلال بحنية : هلا فيك يابنيتي شلونك اخبارك ؟
اسيل : تمام الحمدلله وانت ياعمي اخبارك واخبار الاهل ؟
ابو طلال : بخير لله الحمد يابنيتي انا عازمك تجين عندنا شقلتي ؟
اسيل : والله ياعمي ودي بس تعرف اني مااعرف شي عن السعودية واخاف اضايق الاهل
ابو طلال : لا بالعكس انتي منا وفينا وانتي متربية مع طلال يعني حسبة بنتي يابنتي انا طالبك لا ترديني ابيكم تكونون عندي باسرع وقت
اسيل ابتسمت : ابشر ياعمي ماعاش من يردك
ابو طلال : تسلميين يابنيتي يلا سلم لي على طلال فمان الله
اسيل : يوصل فمان الكريم
طلال رفع حواجبه : ههه شفتي ان ابوي يقدر يجيب راسك
اسيل : ترا بس عشان خاطر ابوك بروح مو عشانك يعني لا ترفع خشمك علي
طلال : اعترفي انك بتروحين عشاني
اسيل : والله انك ماخذ مقلب بنفسك بقوة اقول امش للبيت نجهز اغراضنا ونروح باجر الصبح
طلال : اوكي يلا مشينا
وصلوا للبيت وجهزوا اغراضهم واطلبوا بيتزا وجلسوا يطالعون فيلم رعب ومندمجين بقوة ولمن جا الاعلان
اسيل : طلول باجر ان شاءالله بشوف البنت اللي تحبها ااسمها سارة صح
طلال : آآ من قال اني احب سارة انتي اكيد انهبلتي انا اعتبرها اختي
اسيل تلعب بحواجبها : اقول طلول مو علينا شوف وجهك شلون صار اشارة مرور حتى كلمة وحدة مو عارف تقول ( كملت تقلده ) انا اعتبرها اختي ( وكملت بصوتها العادي ) ههه شايفني غبية ماالاحظ انا اكثر وحده تعرفك وبعدين تعال ناسي اني عايشة بباريس يعني الرومنسية تمشي بدمي واعرف اطلع اللي يحب من اللي مايحب
طلال : بس بس كل هذي محاضره ماتسوا علي حبيت
اسيل : ها شفت اعترفت انك تحب
طلال : اسيل بليز لا تفشليني باجر عندها اعرف سوالفك
اسيل تضحك على شكله وهو يتمسكن عندها : ههه خلاص بمسك لساني وبطلع جنتل مان
طلال : أي كفو والله
اسيل : يلا عن اذنك انا بروح انام bonne nuit (تصبح على خير )
طلال : bonne nuit
راحت اسيل تنام وبعدها بساعة نام طلال
صحت الساعة 6 قبل موعد الطيارة بساعتين علشان تقدر تتجهز براحتها لبست جنيز اسود سكني وتيشيرت ابيض وصندل ( وانتو بكرامة ) ناعم وسلسال على حرفها A و شعرها فتحته وهو قصير بالاساس قاصته فكتوريا ولونه عسلي يجنن حطت بس كحل وقلوس وتعطرت وطلعت
طلال كان بنطرها بالسيارة وكان لابس جينز ازرق وتيشيرت اسود عليه كتابات بالابيض ولابس كاب اسود
وصلوا للمطار وركبوا الطيارة وهم مايدرون عن المفاجاءت اللي بتصير لهم بالمملكة وخصوصا اسيل
انتهى البارت

البارت الثاني :://::
وصلوا لارض المملكة وفي المطار كانت الانظار كلها على اسيل بسبب لبسها واسيل خافت ومسكت يد طلال
اسيل : طلال ليش كل الحريم يلبسون عبايات ؟
طلال ضحك من قلب : ههه اسيل انتي الحين بالسعودية مو مثل باريس الحرية في اللبس هني ممنوع تطلعين بدون عباية
اسيل : واذا ماابي العباية ؟
طلال : موعلى كيفك بس انتي مو سعودية يعني ما اعتقد بيجبرونك تلبسينها ..
يلا اسوله خلينا نروح للبيت حددي مشتاق لاهلي
اسيل : اوكي
بعد طريق نص ساعة من المطار الى بيت طلال وقفوا عند باب بيت كبير بس بالنسبة لقصر جد اسيل اللي ساكنة فيه صغير
طلال : ادري البيت مو مثل بيت جدي بس البيت كبير وحلو
اسيل ابتسمت : طلول شفيك عادي حتى لو تعودت على القصور انت تعرفني عادي عندي لو اقعد ببيت صغير
ابتسم طلال لانه يعرف ان اسيل متواضعه حيل ولا عمرها افتخرت بمنصب جدها او امها وكانت تساعد كل الناس لان قلبها ابيض بكل معنى الكلمة
دخلوا للبيت الفخم والمرتب بطريقة حلوه
كان بالمجلس جد طلال ابو طلال وعم طلال ابو فهد وعمه ابو احمد واخوان طلال حمد وفارس وعيال عمه فهد واحمد ومشاري وناصر
طلال : السلام عليكم
الكل انصدم لان عمهم ماقال لهم ان طلال بيجي
الكل سلموا عليه واخذوه بالاحضان واسيل واقفه تطالع فيهم وهي تشوف السعادة بعيون طلال طول عمرها تتمنى يكون عندها اهل نفس طلال وهي تدري انه يتحمل الغربه عشانها لانه مايحب تكون بروحها
انتبه طلال لها : يبه هذي اسيل
ابو حمد(ابو طلال ) والكل جمدوا في مكانهم في حياتهم ما شافوا بنت بهذا الجمال
راحت اسيل وباست راس ابو طلال وابو فهد والجد
ابو حمد : كيفك يابنتي ان شاءالله بخير
اسيل ببتسامة جذابة : بخير دامك بخير
ابو فهد : ما شاءالله انا بصراحة اول مره اشوف بنت بجمالك
استحت اسيل ونزلت راسها
مشاري طق طلال على راسه : انا الحين عرفت ليش ماتبي ترجع لنا الله لا يلومك عندك هالزين وتجي تقابل وجيهنا
طلال ضحك : يااخي ابي يوم واحد يكون تفكيرك شريف اسيل اختي وهي تعتبرني اخوها ناسي ان البنت ماعندها سند غيري انا وجدها بس اللي توثق فيهم
مشاري : حتى ولو والله لو اني مكانك ماارجع للبيت خير شر
حمد : اجل الحمدلله انك مو في مكانه
ابو حمد يكلم طلال : طلال ياولدي روح سلم على امك وجدتك وعماتك داخل واخذ اسيل خلهم يحطونها بعيونهم
طلال : حاضر يبه
راحوا طلال واسيل للصالة الداخلية بس وقف طلال عند الباب
طلال : ياولد درب
اسيل استغربت كلمته لانها بحياتها ماسمعتها
فز قلب ام حمد لمن سمعت صوت ولدها
ام حمد : طلال يمه هذا انت ادخل ماعندنا احد غريب
تغطوا بنات عمه ودخل طلال وجنبه اسيل وام طلال استقبلت طلال بحضنها ودموعها وجدته وعماتها نفس الشي
طلال بحنان : يالغاليه ليش الدموع هذاني قدامك ما فيني الا العافيه
ام حمد : والله مو بيدي ياوليدي اشتقت لك كل يوم ادعي الله يردك لي سالم
طلال لف اسيل وقال لها تقرب
طلال : يمه هذي اسيل بنت خالي
ام حمد والكل ماكانوا اقل صدمة من الرجال باسيل بحياتهم ماتوقعوا ان اسيل حلوه يمكن لانه شافوا صور بنات خالاته الثانيات بس اسيل بحياتهم ماشافوها وتقعوها قبيحه بس جمال اسيل ونعومتها ضيع الحروف منهم
ام حمد تداركت نفسها : هلا وغلا تو نورت المملكة
اسيل سلمت عليها : منوره باهلها
ام حمد فاجت اسيل ضمتها بقوة وقالت : يابنيتي اعتبري نفسك ببيتك وحنا اهلك
الكل سلم على اسيل واستقبلوها بالاحضان
اسيل فرحت كثير وارتاحت
غلا اخت طلال : يمه حنا بنروح لغرفتي بنقعد مع البنات ونتعرف على اسيل
ام حمد : اوكي
صعدوا البنات واسيل لغرفة غلا الموجوده في جناح البنات لان الطابق الثاني مقسم لثلاث اجنحه جناح ام حمد وابو حمد وجناح للشباب وجناح للبنات
غلا : يلا بنات كل وحد فيكم تعرف نفسها لاسيل وقول كم عمرها وشنو تقرب لطلال ... انا ببدا احم احم
سارة بنت ابو احمد عم طلال : اقول اخلصي علينا ماقلنا لك غني بس قولي اسمك وعمرك واختمي الفقره
غلا : واي ناس ماعندها ذوق انا غلا اخت طلال عمري 16
سارة : وانا سارة بنت عم طلال عمري 18
ضي : وانا ضي بنت عم طلال عمري 19
تهاني : وانا اخت طلال عمري 19
ليان : وانا ليان بنت عم طلال عمري 16
مها : وانا بنت مها بنت عم طلال عمري 17
اسيل ابتسمت لهم : العمر كله
غلا : وانتي اسيل كلمينا عن نفسك شوي
اسيل : آآم شقول عمري 16 ولدت بباريس و اعرف اتكلم عربي لان امي من كنت صغيره تجيب لي معلمين يعلموني كل اللغات
غلا : واو يعني انتي تعرفين اكثر من لغة انا انقليزي ومادري وين الله حاطني فيه
اسيل ضحكت : ههه يمكن لان انتي مااضطريتي تعيشين بدول غير دولتك وغصبن عنك تتكلمين بلغتهم
غلا بحماس : طيب باريس حلوه يعني دولة رومنسية
اسيل : حيل بشكل مو طبيعي بس باريس اللي يعيش فيها يمل منها لان الناس على نفس الروتين مايغيرون في حياتهم شي وانا وحدة احب الاكشن والتجديد
غلا : يعني نفسي انا مااحب اللتزم بشي
سارة : ليش انتي بحياتك التزمتي بشي كل شي على راسنا
غلا بوزت : اقول سوير لاتطلعين الفضايح
ضحكت اسيل ودخلت معاهم جو واقعد اللين جات الساعة 10 بالليل قام اسيل
غلا باستغراب : اسيل وين رايحه ؟
اسيل : بروح للفندق
غلا : أي فندق
اسيل : جدي حاجز لي فندق هني
غلا : انتي من صجك جدتي قالت لي انك بتنامين عندي وانا جهزت فراشك وكل شي وانتي تبين تروحين لفندق لا ياحياتي انا بحياتي ماسويت شي لاحد والحين يوم اني سويت ترفضين لا مو بكيفك
اسيل ضحكت : يعني غصب
غلا : أي غصب
اسيل : اوكي كل شي ولا زعل غلا
غلا : أي ادري مايهون عليك زعلي
اسيل : حدك واثقه ( كملت ) انا بتصل على طلال وبقول له اني بنام عندك
غلا : لا تتعبين نفسك طلال عنده خبر حتى اغراضك وملابسك موجودين
اسيل : ثينكس
دق تلفون اسيل وكان طلال
ردت بابتسامة : الطيب عند ذكره
طلال : كنتوا تحشون فيني صح
اسيل : أي صح
طلال : ترا انا لغيت حجز الفندق اسوله مو حلوه انك تقعدين بفندق وبيتنا موجود
اسيل : لا تخاف طلول غلا مراح تخليني اصلا اطلع تقول حطيت اغراضك وانا بحياتي ماسويت شي لاحد يعني انا اول وحده وغصب عني اقعد
طلال : احسن زين تسوي فيك انا الحين بنام اذا احتجتي شي قولي لي اوكي
اسيل : اوكي تصبح على خير
طلال : وانتي من اهل الخير
سكرت اسيل السماعة واللتفت على البنات وقعدوا يسولفون لين الفجر وكل وحده راحت بيتهم الا اسيل صلت الفجمع غلا وناموا
نهاية البارت
آآآم منو تتوقعون البطل بالرواية ؟
وشنو المفاجاة الكبيرة اللي بتصير لاسيل بوجودها بالمملكة ؟

البارت الثالث :://::
صحت اسيل من النوم وقامت للحمام ( وانتو بكرامة ) وتوضت وصلت ولبست جينز وبلوزه ورديه نص كم على صورة بنوته صغيره كيوت وخلت شعرها على طبيعته لانه حرير وحطت كحل وقلوس وتعطرت وراحت صوب غلا تصحيها
اسيل : غلا قومي بسك نوم
غلا : همم بنام ياعالم خلوني والله احس راسي بينفجر
اسيل : الساعه 8 قومي
لفت لها غلا وطالعتها بصدمة : انتي من عقلك تتكلمين الحين الناس عطله وانتي قايمه 8 انا بنام واللي مستعجل على قبره يقومني
اسيل ضحكت عليها وطلعت
نزلت للمطبخ مالقت احد صاحي بس الخدم
نزل طلال وقبل لا يدخل المطبخ تنحنح
طلال : ياولد
اسيل : مافي احد ادخل
دخل طلال
طلال : صبااح الخير
اسيل بابتسامه : صبااح النور
طلال : انا قلت الحين غلا بتخرب لك نومك بس قمتي بسرعة
ضحكت اسيل وهي تتذكر شكل غلا : ههه تخيل قلت لها قومي الساعه عطتني نظره وقالت اللي مستعجل على قبره يقومني ههه
طلال : ههه هذي هي من يوم يومها وهي دينها ودين اللي يقومها من النوم .. افطرتي ؟
اسيل : لا
طلال : تعالي الحديقه نفطر مع بعض
اسيل : اوكي
طلعوا للحديقة وقعدوا على الكراسي وجابت لهم الخدامه الفطور
طلال : شرايك بالليل نطلع ونتمشى بالاسواق وتتعرفين ع المملكه ؟
اسيل تحمست : اوكي بس البنات بيروحون معانا ولالا ؟
طلال : اكيد لان مااقدر اطلع معاك بروحنا
اسيل عقدت حواجبها : ليش ؟
طلال : لان هنا مو فرنسا تطلعين مع ولد عمك او خالك انتي لاحظتي ان البنات بتغطون عني وانا لازم اتنحنح قبل لا ادخل
اسيل : يعني لو انا عايشه هنا ماكنت اقدر اقعد معاك او نسهر مع بعض
ضحك طلال : ههه اتخيلك تقولين لجدتي بسهر مع ولد عمي او خالي تقتلك في مكانك لان عييب هنا
اسيل : ههه يعني الحين غلا والبنات يتغطون عن عيال عمهم ؟
طلال : ااكيد طبعا
اسيل : اهاا بس اذا بتتزوج شلون يعني تتزوج وانت ماتعرف شلون شكل زوجتك السالفه يعني على حظ الواحد ؟
طلال : لا في شوفه شرعيه يعني اشوفها قبل لا اتزوجها اذا عجبتني توكلنا على الله
جا حمد
حمد : صباح الخير
اسيل + طلال : صباح النور
قعد حمد جنب طلال وهو مستحي من وجود اسيل
طلال : اخبار المعرس الجديد شلون الزواج تنصحني اتزوج ولالا ؟
حمد : ياولد تزوج وفكنا كل يوم جدتي ناشبه لنا دوروا لطلال حرمه سنعه وانت تدور باوربا ولا عليك منا
اسيل بصوت واطي مايسمعه الا طلال : لو ان العروس ساره كان ازعجنا يبي العرس الحين
طلال طقها على راسها : ياخبله لحد يسمعك خصوصا غلا ناقصني مشاكل
اسيل بصوت عالي شوي يسمعه حمد : آآآي اصلا انا مراح اخليك تتزوج الا وحده دفشه لان حرام تاخذ بنوته ناعمه وانت بصوب والرقه بصوب
حمد ضحك على كلامها : خليه يوافق الحين وازوجه خدامتنا روز بتتحمل دفاشته
اسيل : لا انا بزوجه جيسكا
طلال : لالالا والله احرم الزواج اذا كانت جيسكا زوجتي
حمد : منو هذي جيسكا ؟
طلال : هذي بنت خالنا تقول واحد من الشباب مافيها أي ذرة انوثه جسمها كله عضلات تخووف اللي ما يخاف
اسيل : ههه بس هي بتتحمل دفاشتك
طلال : لاوالله اصير رومانسي مع زوجتي ورقيق بس لا تزوجوني هذي ابدا
جا بو حمد وام حمد : صباح الخير
الكل : صبااح النور
ام طلال : يمه اسيل شلون نومتك بالليل ارتحتي ولا ناقصك شي ؟
اسيل ابتسمت على حنانها : لا خالتي الحمدلله ارتحت
قطع عليهم دخول غلا والبنات كلهم واعمامهم والعيال
الكل : صبااح الخير
الكل : صباح النور
وقاموا سلموا على بعض والبنات كلهم متغطين عن العيال ودخلوا داخل وقعدوا كل العائله بالمجلس الكبير
الجد والجده مسكوا اسيل يسالونها اذا مرتاحه ولالا وهي ترد انها بخير
قطع على الكل صوت جوال اسيل
اسيل : good morning ( صباح الخير )
لوسي ( ام اسيل ) : good morning baby how are you ? ( صباح النور كيفك ؟
Fine and you ? اسيل ( تمام وانتي )
Am fine I miss you when you are gonna back to paris لوسي ( تمام اشتقت لك متى راح ترجعين لباريس ؟)
I don’t know but I will back as soon as I can اسيل ( ماادري بس متى ماقدرت رجعت )
How are talal family with you لوسي ( شلون اهل طلال معاك )
They are realy great and kind they take care of me اسيل( طيبين ويهتمون فيني )
Ok can I talk to tala لوسي ( عطيني بكلم طلال )
Ok اسيل (اوكي )
اخذ طلال الجوال وكلم خالته
Hello Aunt lusi how are you طلال : ( مرحبا خالتي لوسي كيفك ؟)
Am fine and you لوسي : ( تمام وانت )
Fine طلال : ( تمام)
لوسي : ( طلال بليز اهتم ببنتي انت تعرف انها اهم شي بحياتي ) Tala pleasa take care of my baby you know that she is the most important thing in my life
Don’t worry I will take care of her طلال : ( لا تخافين راح اهتم فيها )
سكر طلال من خالته بعد ما وصته الف مره على اسيل ( لاتمرض . لا تقعد بالبرد . أي شي تبيه قول لي اجيبه لها ... الخ من هذي السوالف )
طلال : اسيل انتي شنو قايله لامك لو كنتي رايحه حرب ماوصتني عليك كذا
اسيل ضحكت : ههه حرام عليك امي خايفه علي
طلال : تقول أي شي تبينه اتصلي عليها تجيبه لك لو شنو كان الظاهر خالتي عبالها مافي شي هنا
اسيل : لا تلومها امي ماعمرها راحت لاي دوله عربيه كل حياتها الغرب
طلال : بس والله راسي يووجعني من نصايحها
مشاري : ياخي انت وبنت خالك اللي صج وجعتوا روسنا قعدت ترطنون انقليزي وانتوا تدرون ان حنا حمير مانفهم والله حاولت افهم وراسي وجعني
طلال ضحك : على فكره ترا اسيل انا اللي معلمها العربي ولا بالعايله مافي احد يتكلم عربي غيري وبعدين اذا انت راسك وجعك من الانقليزي تعال عند اللي جنبي وهي تتكلم ايطاليا ينفجر راسك مره وحده
مشاري : لا ياخوي مستغني عن شرف ان راسي ينفجر
غلا : اسوله تعرفين ايطالي ؟
اسيل : ااي اعرف اكثر من خمس لغات
غلا : ما شاءالله انا انقليزي ويخب علي
ساره : عاد اللي يسمعك غلوو يقول شاطره فيه كلها كلمتين ومصدعتنا فيهم
غلا : اقوول سوير مو كني عطيتك وجه
ساره : اقول امشي فوق خلينا ناخذ راحتنا انكتمت من الغطا
غلا : يلا
صعدوا كل البنات لفوق ومعاهم حريم اخووانهم وحريم عيال عمهم وقعدوا بالصالة اللي فوق
ملاك ( زوجة حمد ) : غلا حطي لنا اغنية نرقص عليها
غلا : اوكي
شغلت غلا اغاني وقعدوا البنات يرقصون اما اسيل وقفت تطالعهم وهم يرقصون
سحبتها غلا : تعالي ارقصي ولا تنطرين احد يعزمك
اسيل : لا بس انا مااعرف ارقص نفس رقصكم يعني مااعرف للشرقي بس اعرف للغربي
غلا : مو مشكله عندك الاستاذه غلا تعلمك
غلا قعدت تعلم اسيل الرقص وتعلمت بسرعة
غلا : واو اسوله انتي من اول مره ابدعتي
اسيل : ههه انا داخله نادي رقص بباريس وجسمي فيه لياقه يعني اقدر اتعلم بسرعه
غلا : واو اسووله جسمك يجنن شكلي بسوي ريجيم عشان اصير مثل جسمك
ساره : انتي ماينفع معاك ريجيم الا عملية شفط
طقتها غلا على راسه :وجع شنو شايفتني دبه
ساره : زين انك اعترفتي من نفسك
غلا : انا دبه يافيل
ساره : انا فيل يا .
تهاني توقف : بس بس خلاص بطيتو راسي
سكتوا غلا وساره
غلا : بنات شرايكم اقول لابوي يودينا باجر للمزرعه نغير جو ؟
البنات تحمسوا للفكره
وكلموا اهلهم ووافقوا ان باجر يروحون للمزرعه ويقعدون فيها اسبوع او اكثر
نهاية البارت
شنو تتوقعون بيصير بالمزرعه ؟
البطل شخص مراح تتوقعونه بس حاول تتوقعون منو هو ؟

الرواي روعه
جنان
بانتظار البارت القادم على نار
واتوقع البطل طلال
بليز بليز لا تطولين علينا

الروايه حلوه كملي بليز

وين البارت بليز لا تطولين

البارت الرابع :://:: العصر كلمت غلا ابوها وعمانها ووافقوا انهم يروحون باجر للمزرعه ويغيرون جو اسيل قالت للبنات يروحون معاها هي وطلال بالليل السوق عشان يشترون ملابس للمزرعه غلا بصدمه : من صجك طلال اخوي قال لك انه يبي يودينا السوق ؟؟ اسيل ماتت ضحك على وجه غلا المنصدم : أي ليه طلال وحش يعني مايوافق ؟ غلا للحين مصدومه : طلال يكره شي اسمه سوق ولو يموت مايدوينا السوق لانه يقول ( تقلد صوت طلال ) انتو البنات لو تدخلون السوق ماتطلعون واتوقع لو قالوا لكم ناموا بالسوق ماعندكم مانع اسيل والبنات ماتوا ضحك على غلا اسيل : حرام عليك وربي طلال طيب وكل يوم ياخذني لسوق بباريس غلا اتصلت على طلال غلا : اقول صج اللي سمعته طلال استغرب منها : شنو اللي صج اسيل تقول انك بتودينا السوق ؟ طلال : أي الله يعين انا كنت باخذ اسيل بروحها بس حدتني الظروف اخذكم معاي غلا بقهر : لا والله انت ماتحب تاخذ أي بنت للسوق ليش اسيل توديها عادي ؟ طلال ضحك : لان اسيل كل ملابسها يكونون من مصممين وتوصل للبيت مع كل اغراضها واذا راحت للسوق بس تشتري اكسسوارات مو نفسكم تخيمون بالسوق اعوذ بالله ماكانكم رحتوا للسوق من قبل غلا بقهر : ابشرك حنا بنروح معاكم وبنخيم على قولتك بالسوق ومووت قهر قفلت بوجهه وطلال ميت ضحك على صوتها المبين انها مقهوره منه حيل غلا : اوف وربي قهرني حنا مانطول بالسوق اسيل : ههه يعني انتي الحين مقهوره من طلال ترا طلال هوايته انه يرفع الضغط غلا زفرت : صادقه بس هو محترف بهوايته عرف شلون ينرفزني ساره : احسن تستاهلين انتي كل يوم ترفعين ضغطي الحين جا اللي يرفع ضغطك ههه وربي استانست يوم طلال رفع ضغطك غلا حذفت المخده على ساره : اقول اكرمينا بسكوتك احسن لك دق تلفون اسيل وكان المتصل طلال اسيل : هلا طلال : اللبسوا الحين عشان نروح للسوق بسررعه لان لو رحنا متاخر بنرجع الفجر من غلا واغراضها اللي ماتخلص اسيل : ههه لا تسمعك بس حدها شابه نار منك طلال : وهذا المطلوب يلا بسرعة قولي للبنات يلبسون اسيل : اوكي ... سكرت من طلال ولفت للبنات وقالت لهم يلبسون البنات لبسوا عباياتهم وتغطوا اما اسيل فلبست جينز ازرق غامق وتيشيرت بنفسجي عليه كتابات بالفضي وخلت شعرها مفتوح ولبست صندل وانتوا بكرامه لونه فضي وطلعت للبنات غلا باستغراب : اسوله بتطلعين بدون عباية ولا طرحه ؟؟ اسيل : أي غلا : ووناسه بتسوين اكشن بنت داخله سوق بدون عباية والله اليوم بيتحطمون الشباب عليك اسيل ضحكت : ههه اقول يالخبله امشي ترا تاخرنا على طلال اخاف يروح ويخلينا وبعدين عادي مبين من شكلي اني مو سعوديه يعني مااتوقع يتكلمون معاي مشوا واركبوا السيارة مع طلال وراحوا للسوق اول مادخلوا المجمع كانت كل الانظار على اسيل وناظرات الشباب مارحمتها ابدا اسيل تمسكت بغلا : غلوو شنو هذا وربي بمووت من نظارتهم غلا : لا تطالعين فيهم وتعالي نجلس بالكوفي مشوا البنات وقعدوا بالكوفي اما طلال قعد مع اصدقائه وعيال عمه اللي تواعدوا انهم يتقابلون بالكوفي وقعدوا على طاوله قريبه شوي من طاولة البنات طلال : عمى شوف شلون الشباب يطالعون اسيل وربي يقهروني فارس : لا تلومهم بنت خالتك كاشفه على الاخير طلال : شسوي يعني انا ماودي انها تطلع وهي كاشفه لهم بس هي عاشت بمجتمع غير 180 درجه عنا يعني هي متعوده على انها ماتتحجب حمد : خلاص انتوا خلوهم بحالهم واذا احد قرب منهم حنا نتصرف عند البنات اسيل : وربي يقهرون شكلي بتغطى والسبب عيون الشباب غلا : هم ماخلو المتغطيه بحالها شلون عاد اللي كاشفه ع الاخير ساره : خلونا منهم وامشوا ندخل المحلات نشتري ملابس لباجر اسيل : اوكي بس بنات ترا حسابكم علي كلكم البنات : مناك بس تدفعين انتي ضيفه وحنا ندفع بدالك اسيل : شفيكم انا معاي بطاقة من جدي اشتري كل اللي ابيه والحساب على الشركة يعني لو بغيت شريت المجمع كله غلا : اقوول احنا اللي بندفع اسيل : خلاص اذا مصرين كلنا ندفع احسن شي البنات : اوكي دخلوا البنات كل المحلات وشروا كل شي في المجمع والاكياس مايقدرون يشيلونها اسيل بتعب : آآآه مااقدر اشيل اكثر من كذا بتصل على الشركة يجيبون لنا رجال يشيلون عني الاغراض غلا : انا بعد لي مالي خلق اشيل اسيل : اوكي اتصلت اسيل على الشركة ودزوا لهم 5 حراس يشيلون لاسيل الاغراض اسيل : بنات انا بروح باسكن روبنز بالدور الثاني منو تروح معاي ؟ البنات : مالنا خلق روحي بروحك اسيل : اوف صج انكم عجايز كل ماقلت لكم شي قلتوا مالي خلق غلا : اقوول يالنشيطه انقلعي لباسكن روبنز لا احط حرتي فيكِ واعلمك منو العجوز اسيل راحت للطابق الثاني وهي ميته ضحك لانها قهرت غلا وكان مع اسيل 3 حراس بالاساس هي ماتطلع مكان الا معاها حراسها اللي ماتركوها من يوم وصلت للمملكه بس هي ماتحب تخلي الناس يشوفونهم وهم كان يمشون وراها وبينهم مسافة ولابسين بدل عادية علشان محد يشك وقفت بالطابور تنطر دورها وكان في ولد واقف وراها الولد : الحلو ليش مايعطينا وجه ؟ اسيل تنرفزت وطنشته الولد : ترا بس ابي الرقم ولا انا مااكل اسيل : وربي اذا مارحت عن وجهي لتشوف شي ماعمرك شفته بحياتك الولد باستخفاف : هه يلا خلينا اشوف انا احب اشوف الاشياء الجديده اسيل : روح احسن لي ولك الولد : قلت لك انا مراح اروح الا اذا اخذت رقمك اسيل : خلاص تحمل اللي بيجيك اشرت اسيل للحراس يجون الحارس 1 : نعم طال عمرك بغيتي شي ؟ اسيل : شوف هذا مو راضي يبعد عني وجهي تفاهموا معاه الحارس 1 لف على الولد : نعم اخوي بغيت شي ؟ الولد خاف من شكل الحراس لانهم طوال وعراض واجسامهم رياضيه لاخر درجة الولد: آآ انا ماسويت شي بس بغيت رقمها ومراح اروح بدونه الحارس 2 : اعتقد انها قالت لك روح الولد : بس انا قلت مراح اروح الا معاي الرقم الحارس 3 : شوف اذا مارحت بتشوف اللي بحياتك ماشفته الولد باستخفاف : يارربي انتوا كل دقيقه اللي بحياتك ماشفته يلا وروني اياه الحارس 1 طلع من حزامه مسدس وحطه على بطن الولد ومحد من لناس منتبه الحارس 2 : احنا نقدر نذبحك الحين ولا احد راح يتكلم معانا لان شغلنا يخلينا نقتل كل من يوقف بطريقنا فاحسن لك روح عن وجهي الولد راح وهو يرجف منهم ماتوقع انهم مجرمين الحارس 3 يكلم اسيل : طال عمرك أي واحد يضايقك اشري لنا بس وحنا نتصرف اسيل : ماتقصرون يلا روحوا قبل احد ينتبه عليكم راحوا الحراس اما اسيل شرت أيس كريم وقعدت على طاوله كانت الوحيده الفاضيه لان المكان ممتلئ بالناس شافت حمد يتلفت يدور مكان بس شكله ماحصل طاوله اشرت له يجي وجا عندها حمد : واخيرا وربي قلت اكيد مافي طاولات اسيل : انا حظي حلو هذي كانت الوحيده الفاضيه حمد : وين البنات ؟ اسيل : تحت ماخلصوا من التسوق وربي الليي يشوفهم يقول هذول ماعندهم ملابس حمد : ههه اجل لا تستغربين اذا حنا ماوديناهم السوق والله مايطلعون الا نص الليل اسيل : انا بس شريت ملابس حق المزرعه مع ان عندي ملابس وواجد جايبتهم معاي من باريس جا طلال وقعد معاهم طلال : يالخاينين ماتقولن نشتري لطلال شي يبرد على قلبه اسيل : اعتقد عندك ايدين ورجول تشتري لك فيهم طلال : حتى ولو ل.... قطع عليهم صوت تلفون اسيل اسيل ابتسمت لمن شافت الاسم وردت طبعا تكلمت بالانقليزي بس بترجم لكم على طول مالي خلق اكتب بالانقليزي ههه اسيل : ياهلا وغلا الجد : ياهلا فيكِ يانور عيني وينك ماتتصلين علي يعني نستك السعوديه اهلك وناسك اسيل : انا انسى احلى جد بالعالم مستحيل الجد : أي أي العبي على بكلمتين حلوين اسيل : انزين اذا انا مافيني خير ليش انت ماتصلت علي الجد : انا عندي مشاغل وشركات ماافضى اسيل : انا قلت اخاف اتصل وتكون مشغول الجد : ههه تصرفين اسيل : ههه تعرفني عدل الجد : المهم انتي شلونك وطلال اخباره ؟ اسيل : كلنا تمام الحمدلله جدي بحط سبيكر طلال عندي الجد : اوكي حطت سبيكر الجد : طلالوه يالدب انتبه لاسيل ترا اذا زعلتها لطلع عيونك طلال بقهر : الحين انا بعرف ليش تحبها اكثر مني الجد : اقوول لا تقارن نفسك باسوله حبيبة جدها اسيل : احم احم طلول لا تزعل بس هذا الواقع طلال : مناك بس هو يحبني بس يخاف على مشاعرك اسيل : وربي انك ثقه طلال بغرور : يحق لي الجد : اسيل حرام خليه يواسي نفسه طلال : مقبوله منك ياجدي الجد : انزين ياعيال انا بسكر الحين بيبدا الاجتماع اسيل : جدي انت حياتك كلها اجتماعات وشغل وبس ترا انا مالي شغل فيك الشهر الجاي بنروح انا وانت ونسافر تاخذ اجازه العمر يخلص والشغل مايخلص الجد : اوكي اذا فضيت الشهر الجاي رحنا طلال : خيانه عيني عينك ترا انا معاكم ياحلوين الجد : انا وين اودي هذا في كل مكان يقط وجهه طلال فتح عيونه : لا والله انا قلت لكم ومااخذت رايكم رجلي على رجل اسيل وين ماتروح بروح اسيل : الله يعيني بس عليك الجد : يلا باي اسيل وطلال : بايات بعد ساعتين راحوا البنات مع اسيل لمطعم تعشوا فيه وبعدها رجعوا كل وحده لبيتها وناموا عشان يقومون الصباح ويروحون للمزرعه الصباح قاموا الكل وتجهزوا وراحوا للمزرعه وصلوا قبل اذان الظهر بشوي توجهوا البنات لغرفهم وكانت غرفة كبيره مره للبنات وفيها اسيل + غلا + مها + ساره + ملاك + ليان + تهاني + ضي غلا بتعب : انا بنام لحد يصحين الا العصر اسيل انسدحت جنبها : وانا بعد ساره تخصرت : لا والله اقعد بروحي غلا : تعالي نامي محد ماسكك ساره حذفت نفسها جنبهم ناموا ساره واسيل وغلا والباقي قعدوا يرتبون اغراضهم وبعدها ينزلون يتمشون نهاية البارت مراح احط اسئلة لكم الحرية في التعليق

بارت عجيب
ثينكس
عجبتني شخصية غلا واسيل يجننون
بس لحد الحين مااعرف من البطل

البارت الخامس :://::
العصر صحوا البنات من النوم وتوجهوا للمطبخ
اسيل : انا ابي الجلكسي
غلا : لا والله انا اللي باخذه
اسيل : نو واي لا تحاولين معاي انا مشتهيته حددي
غلا : اشتهيه محد ماسكك بس انا اللي باكله
كانوا يتهاوشون على اخر حبة بالجلكسي ومانتبهوا لساره وهي تاكلها
غلا شهقت : سوير انتي تشوفينا ساعه نتهاوش عليه واخير شي تاكلينه بارده مبرده
ساره تبي تقهرهم : يمي يجنن بصراحة الجلكسي هذا كان طعمه غير
غلا بقهر : سم ببطنك ان شاءالله
اسيل : امين
ساره شهقت : استغفري انتي وهي
ساره واسيل : استغفرالله
تهاني دخلت المطبخ
تهاني : يلا بنات تعالوا ساعدوني بسوي حلا
غلا : انا اغسلي يدك مني مستحيل اساعد احد
ساره : وانا معاها
اسيل : انا بساعدك
تهاني : لا اسووله انتي ضيفه خلي الكسولات الي وراكِ يسوونه
غلا وساره : ياعمتي طيري
اسيل : مستحيل اصلا يتنازلون ويساعدون احد وانا بساعدك ترا كله حلا مراح يتعبني ولا شي
تهاني : مشككوره اسيل والله انتي طلعتي احسن منهم
غلا : هي انتي قاعده وتسبين فينا بس علشان قلنا لك مانبي نساعدك انا ابدا مالي خلق اسوي شي لو لي خلق كان سويت لك مليون صحن حلا
تهاني : الا انتي تقوم القيامه وانتي ما جا لك خلق من يوم عرفتك كل ماقلت لك شي قلتي مالي خلق او بعدين ي ربي كسل مو طبيعي
غلا : انا بروح برا بقعد ع العشب سووير امشي ننادي البنات يقعدون معانا اسيل تجين ؟
اسيل : لا بساعد تهاني
غلا : كيفك ترا بعدين تصير لك نشبه لا تعطينها وجه ولا كل دقيقه تبي مساعدتك
تهاني حذفت عليها العصا : انا نشبه ياكسووله
اسيل :عاادي انا اصلا ماعندي شغل يعني فاضيه لاي مساعده تبونها مني
تهاني تبوس اسيل على خدها : بعددي والله هذي البنت السنعه مو انتم اعوذ بالله انتوا لو تزوجتوا شنو بتسوون
غلا وساره بنفس الوقت : يصير خير ذيك الساعه تعالي كلمينا
طلعوا غلا وساره من المطبخ وتوجهوا مع باقي البنات بيقعدون على العشب
في المطبخ
تهاني : آآمم شنو تبين حلا نسويه كيك ولا ايسكريم
اسيل : الجو الحين حار اتوقع ينفع ايسكريم
تهاني : أي صح بنسوي اكثر من نكهه علشان الاذواق مختلفه
اسيل : اوكي نسوي فواكهه وفانيليلا وشوكلت
تهاني : حلو بس انتي تعرفين تسوينهم
اسيل : يب انا اعرف للطبخ بفرنسا كنت اذا طفشت اقعد عند بيتر طباخنا وكنت اساعده وكان يعلمني
تهاني : اوه يعني عندنا شيف هنا
اسيل ضحكت : لاتتفائلين كثير انا كنت اساعده واتعلم بس بحياتي ماجربت اسوي شي بنفسي حتى غرفتي ماعمري رتبتها
تهاني : انتي كنتي مبسوطه هناك ؟
اسيل : بصراحة عاديه حياتي روتينيه كنت اقضي وقتي كله برا البيت واذا طلال عندنا انبسط لانه يغير علي الجو وجدي مااشوفه الا قليل يعني بالاسبوع مرتين اذا رجع للبيت بدري اما امي اشوفها بالسنه اكثر شي ثلاث مرات امي بزنس ومن 24 ساعه مسافره وتضطر تخليني ودايما اسافر مع اولاد وبنات خوالي كنت انبسط معاهم بس مو لدرجه كبيره يعني احس اني غيرت جو
تهاني : الشخص الوحيد اللي تعرفينه ويتكلم عربي هو طلال ؟
اسيل : لا ماي بست فريند مرام سعوديه كانت تجي فرنسا للعلاج من وهي صغيره وتعرفت عليها وصارت اعز صديقه لي
تهاني : يعني تعرفين احد هنا غير طلال هي وين ساكنه
اسيل : هي ساكنه بنفس مدينتكم الرياض
تهاني : شرايك اذا رجعنا للبيت تعزمينها ومنها نتعرف عليها
اسيل انبسطت : اوكي
خلصوا شغلهم وكان شكل الحلا يجنن وخصوصا اللي مسويته اسيل لانها قعدت تتفنن بالرسم عليه
تهاني : واو اسيل شكله يجنن بس مو كاننا مسوين كثير
اسيل : لا بالعكس انتي ناسيه ان العايله كبيره وبنودي للرجال بعد
تهاني : أي صح
دخلت ملاك زوجة حمد
تهاني ميلت فمها : اووف جت الغثاء
اسيل : حرام عليكِ
ملاك : واو الحلا يجنن منو مسويه ؟
اسيل : الفنيليلا والشوكليت انا اما الفراولة والموز تهاني
ملاك : نشوف اذا طعمه نفس شكله
تهاني : اكيد حلو لا تخافين
ملاك : الناس اذواق ياعمري
اسيل حست الجو توتر : تهاني خلينا ننادي الشغاله تجي تاخذ الحلا وتوديهم عند الرجال
تهاني : الشغالات ينظفون المخزن
اسيل : خلاص بتصل على طلال يجي ياخذهم
اتصلت على طلال وجا عند الباب وتنحنح قبل يدخل
ملاك ماكلفت على نفسها تتغطى
تهاني انقهرت منها لانها تدري ان ملاك تلعب على الحبلين : لحظه طلال ملاك بتتغطى
ملاك حقدت على تهاني اللي فاهمتها عدل وطلعت من الباب الثاني للمطبخ
دخل طلال وانصدم من الحلا
طلال : منو اللي مسويه تهاني مااعتقد انتي مسويه كل هذا لوحدك ؟
اسيل تخصرت : هي ماتشوف اني واقفه انا بعد مسويته معاها
طلال : انتي اخر وحده اصدق انها تفكر تدخل المطبخ
تهاني : والله اسيل اللي مسويه الشوكليت والفانيليلا وانا اللي مسويه الموز والفراولة
طلال انصدم : اسيل انتي تعرفين ولمن اقول لك بفرنسا سوي لي شي اكله حدي جوعان تقولين ( يقلدها ) انا اسيل ادخل المطبخ اصلا انا مااعرف ولا ابي اعرف اطبخ لان عندي بدال اللي يطبخ لي مليون
اسيل ضحكت : ههه وانت تصدق على طول اصلا بيتر كان كل يوم يعلمني بس انا اقول له لا تقول لاحد لاني اعرفك اذا عرفت اني اعرف اطبخ بتنشب فوق راسي لانك ماتحب اكل الشغالات كثير وبتحاول تكسر خاطري لين اسوي لك
طلال : اوف منكم حريم كيدكم عظيم
تهاني : يلا قول و تنافخ على روسنا وروح اخذ الحلا للرجال
طلال : ابشري طال عمرك اوامر ثانيه
تهاني : أي ياليت تروح للجمعيه وتجيب لي ..
قاطعها طلال : اقوول انتي مصدقه باي
اخذ الحلا وطلع ن
تهاني : ههه حرام عصب
اسيل : ههه يستاهل يلا خلينا نروح للبنات
راحوا عند البنات ومعاهم الحلا والعصير
غلا : واو بنات انتوا اللي مسوينه
اسيل : yes we both make this
غلا تنحت : عفوا ياتهرجين مثلنا ولا تطلعين برا
اسيل ضحكت : الحين ابفهم انتي ماتدرسين انقلش شلون ماتعرفين له
ليان : هذي معاي بالحصه وربي اني اسمع شخيرها بحصة الانقليزي
غلا : والله ماادري بس من تدخل الابله ينزل علي ملك النوم ومااقدر افتح عيوني
اسيل : انتوا علمي ولا ادبي؟
غلا وليان : علمي
غلا : ياليتني دخلت ادبي على الاقل ليون شاطره انا مدري شنو اللي خلاني اتلقف وادخل علمي بنات الادبي يقهروني يهربون من الحصص وفالين امن جابتها وانا اووف مقابله ابله نظيره مالت عليها
اسيل : يعني انتوا نفسي انا علمي بس كرهت نفسي فيه حدده صعب
غلا : أي يع الكيمياء والفيزياء ماادري يحسسوني اني بصير اينشتاين وانا مادري
ليان : انا طموحي طب
غلا : انا والله ماادري شنو بدخل بس على حسب نسبتي وانتي اسيل ؟
اسيل : طب اوفكورس
غلا : بفرنسا نفس المواد اللي هنا ؟؟
اسيل : يعني في نفسها بس ماندرس عربي
غلا : وناسسه ياحظكم
اسيل : الا انتوا اللي ياحظكم احنا ندرس فرنسي واسباني غير الانقليزي
غلا شهقت : شنو اجل يازين المملكه طلعنا مدلعين وحنا ماندري
ليان : انا اتوتر اذا امتحان الانقليزي الحين تقولين لي فرنسي واسباني عزالله ماطلعنا
ساره : كان غلا تاخذ معاها مخده وبطانيه للمدرسه وتنام عدل بالحصص
غلا : اصلا على طول احول ادبي وافلها
اسيل : بالعكس ترا الفرنسي اسهل من الانقليزي
غلا : والله انا لا فلحت بهذا ولا بذاك حتى العربي امتحاني لازم اجيب فيه العيد
اسيل : احنا ماعندنا تهريب اذا ملينا من الحصص نطلع والكل ملتزم بالنظام بس انتوا احس وناسسه اكثر
غلا : أي حدده وناسه والحين بس باقي لنا سنه انا وليون ونتخرج
جا عندهم ابو احمد عمهم
ابو احمد : السلام عليكم
البنات قاموا يسلمون عليه : وعليكم السلام
ابو احمد يطالع اسيل بحنان كبير مايدري شنو سببه : شلونك يابنتي ان شاءالله مرتاحه معانا ؟
اسيل ابتسمت له : أي الحمدلله ياعمي مرتاحه كثير
ابو احمد : عسى دووم ي رب أي شي ناقصك لا يردك الا لسانك ترا حنا كلنا اهلك
اسيل : تسلم ياعم وماتقصر
ابو احمد يوقف : يلا اجل انا اخليكم الحين بروح عند الشيبان
غلا : عمي مو كانك واحد منهم
ابو احمد بغرور : اسم الله علي توني بعز شبابي
غلا : قابلني اذا كنت بعز شبابك
ابو احمد : غلوو ورا ماتسكتين احسن لك
غلا تقوم وتبوس راسه : فديت الشياب اقصد الشباب والله بس انت تعرفني احب اعصب كل اللي عندي
ابو احمد : والله من عقلك الزايد أي صح نسيت تسلم يدك ياتهاني على الحلا ماخليت من الكاكاو شي
تهاني ابتسمت : انا مو اللي مسويه الشوكليت اسيل اللي مسويته
ابو احمد : مايصير يابنات اسيل تطبخ هي ضيفه
اسيل : لاعادي انا حبيت اساعد تهاني وبس
ابو احمد : اجل تسلم يدك وربي كان احلى حلا ذقته بحياتي
اسيل انحرجت : الله يسلمك
راح عنهم ابو احمد
غلا نقزت : بنات شرايكم نروح لاخر المزرعه وناخذ راحتنا اكثر
الكل : اوكي
اسيل : انا بروح المطبخ بجيب علبةالعصير الكبيره عشان اذا خلصت اللي عندنا مانضطر نمشي مسافة طويلة من جديد
غلا : يعجبني تفكيرك نفسي كسووله
اسيل :هو مو كسب بس تفكير ايجابي
ساره : اقول لا ايجابي لا هم يحزنون تعالي معاي انا بجيب المشروبات الغازيه وانتي العصير
اسيل : اوك
راحوا ساره واسيل للمطبخ وكان طلال هناك ساره وقفت عند الباب وماتحركت
اسيل تسحبها لداخل : سووير تعالي ترا طلال ماياكل
طلال انتبه لهم وقلبه طار من محله لمن شاف ساره واقفه جنب اسيل ومنزله راسها صحيح انه مايشوف وجهها بسبب غطاها بس قلبه يفز لو لمحها من بعيد كيف لو هي واقفه معاه بنفس المكان
طلال : شلونك يا ساره ؟
ساره بصوت بالموت طلع : تمام الحمدلله وانتي كيفك ؟
طلال : عسى دوم ي رب انا تمام
اسيل واقفه وكاتمه ضحكتها على اشكالهم اللي مبين عليهم الخجل قررت تسوي حركت نذاله بساره وتاخذ العصير وتتركها لوحدها مع طلال لان ساره بحالة ارتباك شديد ولا حتى مستوعبه ليش هي بالمطبخ
سحبت العصير بهدوء وطلعت بسرعة بدون لا تنتبه للشخص اللي كان واقفه قدامها وصدمة فيه كانت بتطيح على الارض بس يده كانت اسرع لها ومسكها من خصرها
حمد : تعورتي ؟
اسيل : لا
حمد تركها ونزل راسه : انا اسف مانتبهت
اسيل : لا عادي انا اللي مفروض اعتذر لاني طلعت بسرعة بدون لا انتبه لك
مشت اسيل وهي تسب تسرعها اللي طيحها بموقف محرج مع حمد
وصلت للبنات وبس قعدت تذكرت سارة وانفجرت بالضحك
غلا قربت منها : الحمدلله والشكر تضحكين فجاءة شفيكِ ؟
اسيل قالت لها عن ساره
غلا انسدحت على الارض من الضحك : هه ههه ياويلك منها والله غير تقتلك ههه حسافه لو انك صورتي شكلها وهي قدامها طلال ههه
اسيل : حرام مو مستوعبه اني تركتها وطلعت البنت بوادي حتى طلال مو مستوعب شي ههه شكلهم وربي فله
جات ساره من بعيدد تركض ووجهها احمر من لعصبية واسيل قامت من مكانها وانحاشت وغلا وراها وتتحلف فيها
اسيل من بين انفاسها : سوير سوري ادري حركتي سخيفه بس قلت حلو اني اخلي لكم الجو
ساره تلحقها : مشكوره ماابي جوك اللي نفس وجهك بس خليني امسكك والله مااخليكِ احرجتيني قدامه
اسيل ميته من الضحك وتركض باسرع ما عندها وقفت قدام اصطبل مغلق حاولت تفتحهه ونجحت بعدها دخلت اما ساره صرخت
ساره بصرخة : اسيل لا تدخلين ممنوع احد يدخل هنا
اسيل : كانت بتطلع بس انتبهت لفرس لونها اسود مثل اللي واقفه بكل شموخ وتناظر باسيل
ساره عند الباب : اسيل هذي فرس جامحه ومانقدر نسيطر عليها حنا تركناها هنا ونعطيها اكل ومويه بس اذا اقترب منها أي احد تاذيه
اسيل بكل شجاعه قربت منها : لا تخافين انا بروضها
ساره بصدمه كبيره : تتكلمين من جد الكل حاول يروضها واغلبهم تعرضوا لكسور بسببها حمد ولد عمي انكسرت يده قبل 6 شهور ولحد الحين يحاول يروضها بس ماقدر عليها ولا حتى اخواني وعيال عمي
اسيل فتحت الباب ودخلت عند الفرس وكانت الفرس اللي اسمها الشامخه عينها على اسيل اللي تقرب منها بكل ثقه ولا كانها ممكن تتاذى
ساره : اسيل يامجنونه
اسيل : انا بطلعها للساحه علشان اقدر اركبها
ساره خافت : والله ليذبحونا عماني
اسيل : انا بحاول اروضها
مسكتها اسيل مع لجامها وطلعتها للساحه
البنات اول ماشافوا الشامخه مع اسيل انصدموا اما ساره بعدت وراحت للبنات لانها تعرف الشامخه تاذي كل اللي قدامها
غلا : شنو بتسوي المجنونه
ساره : تقول بتروض الشامخه
البنات : ايش ؟
اسيل ركبت بالشامخه واول ماصعدت حاولت الشامخه تطيحها وصارت تركض وتنقز تحاول تنزل اسيل من على ظهرها بس اسيل كانت متمسه فيها بقوة جوا الشباب والشياب لانهم يعرفون صوت الشامخه
ابو حمد بصراخ : منو اللي مطلع الشامخه ماتعرفون انها خطر عليكم طلعوا أي خيل ثاني
غلا شوي وتبكي : ندري يااعمي بس اسيل عنيده وقالت انها تبي تروضها
طلال : ايش كلنا حاولنا نروضها وماقدرنا واسيل اكيد راح تتاذى الحين شلون بنساعدها
وقف صوت الشامخه ونصدموا لمن شافوا اسيل تمسح على شعرها والشامخه مستجيبه لها وبعد صارت تمشي بقيادة اسيل
ابو احمد : انتوا تشوفون اللي اشوفه ؟
الكل : مستحيل
مشاري يلف لحمد بخبال : عيبٌ عليك يا ابن عمي استطاعت فتاة ان تغلبك وقامت بفعل شي لم تستطع ان تنجزه
حمد حذف عليه الحصى : الحين اللي يقول بس انا اللي حاولت اروضها مو كانكم كلكم حاولتوا وماقدرتوا
مشاري يحك راسه بغباء : أي صح نسيت عبالي بس انت بروحك اللي حاولت قلت بستهزء فيك طلعت لازم استهزء بنفسي اول
حمد : زين انك عرفت
قربوا كلهم من اسيل
اسيل بخجل : انا اسفه لاني طلعت الخيل بدون اذنكم بس ماادري اول ماشفتها حسيت اني بقدر لها
ابو حمد : ي بنتي انتي مثل غلا وتهاني وباقي البنات لا تفرقين نفسك عنهم
اسيل اكتفت بابتسامة خجل لانها حست انها غبية على اللي سوته
طلال : اسيلوه كيف قدرتي لها كلنا حاولنا فيها
اسيل : ماادري صعدت عليها مثل أي خيل ثانيه
حمد : مستحيل جامحه حاولنا كلنا نروضها ومحد قدر يكسر غرورها
اسيل حست بخجل فضيع لانها مو متعوده عليهم : عن اذنكم بروح للبنات
الكل : اذنك معك
عند البنات
غلا تصفرر : مررحبا بالبطله اسيل
اسيل تدفها : خلاص عاد ترا استحي
غلا : اخخ انا مره حاولت اركبها وعلى طول عصبت اما انتي رضت لك
اسيل بغرور مصطنع : تقرنين نفسك فيني
ساره تكش عليها : مالت مو لايق عليكِ الغرور
اسيل : eau’je veux une tasse d ( ابي مويه )
غلا : هاذي اللي والله تبيني اقوم اكفخها انا كم مره قلت لك انا انقليزي اعرف فيه كلمه او كلمتين هذا اذا ماكانوا حروف اللي اعرفه الحين جايبه لي لغه مادري شنو تبي بالضبط
اسيل ماتت ضحك : ههه سوري ابي مويه بس اصبروا علي ساعات تفلت الكلمات مني بدون لا احس
ساره : أي لغة اللي جو فا مادري شنو
اسيل : هذي الفرنسيه
ليان : ما شاءالله عليكِ ترطنين فيها رطن
اسيل : هذي لغتي بس العربيه علمني اياها طلال من وانا صغيره عشان اقدر انطق الحروف سليمه بس لغتي الاساسيه الفرنسيه
غلا : تكفين فكينا وربي قاعده احاول انطق للي قلتيه احس لسان مايتحرك ماادري شلون تتفاهمون بكلام خرابيط ومسحوب الراء عندكم
اسيل انفجرت ضحك : ههه حلووه هذي محسوب الراء
غلا : اقوول امشوا داخل حددي تعبانه من الوقفه ولا تنسون ورانا سهره
نهاية البارت