روايه حقيقه وليست من نسج الخيال دموع بنات

دموع بنات
عزيزاتي الفرشات ابكتب لكم روايه بس روايتي غير لانها حقيقيه ميه بالميه واحداثها واقعه ويشهد الله على ما اقول
اولا بعرفكم على الاشخاص الي بالروايه طبعا الاسماء مستعاره
ابو ناصر (الاب )ومتزوج من اثنتين رجل له شخصيه قويه يهابه ابنائه قبل الناس عياله يعتبرونه بعبع اذا دخل للبيت الكل يهرب ابوي جاء
ام ناصر الزوجه الاولى امرئه ذكيه تعرف كيف تخلي الناس يصدقونها شريره ومن تحت لتحت
لديها من الابناء
صفيه الكبرى طيبه مسالمه ورحيمه
ناصر ولد امه قوي الشخصيه يسمعه ابوه في كل شيء يحب السيطره ومايطيق كل الي تكرهه امه وخصوصا اخواته من ابوه وزوجة ابوه
مهاء شخصيه قويه يكرها حتى طالباته ولسانها طويل وياويل الي يقول لها كلمه
فيصل امين سر ابوه
جاسم ولد داشر سهرات دخان روحه وجيه
سميه فتانه تحب تنكد على الكل واولهم زوجة ابوهم وبناتها
ي وسف طيب وعلى نياته ويسمع كلام الحريم
محمد حبوب ابوه واخر العنقود والي يببيه بيحصله
هذي الحرمه الاولى وذرارينها خلصنا منهم
نجي لابطال القصه
ام حمود مره ماتعرف كيف تملك قلب زوجها خلت للكل فرصه يدمر حياتها تعاند زوجه وتتحداه دايم واذا زعلت حطة حرتها بالبنات
حصه البكر مكفوفه ما تشوف تحب اخواتها طيبه ودمعتها تسبق كلمتها ما تحب تشوف اخواتها يبكون
ساره صبوره تكتم بس تنفجر تحت الوساده باليل تحب تعوض خواتها عن كل نقص صار لهم ما تحب تنهزم قدام المشاكل وتتحدها بقوه
حمود الولد المدلل الي ياويل وياسواد ليله الي يزعله يحبه ابوه وامه تموت ولايبكي لانه وحيده
نوره حساسه عاطفيه تتعامل بعاطفتها اكثر تضل كل الجروح مغروسه بقلبها ولالتقدر تنساها تحب ا مها دايم تفكر فيهم واهي اكثر وحده يحبها اخوها وماتحب تجرح ابد لو غلط عليها احد
مي البنت الغير محضوضه حظها دايم طايح حتى على قلب امها عنيده ماتحب تجرح احد تجامل لانه تحب تفرح الي قدامها ترضى بالي يصير قنوعه
ساري ولد معاق يعني وجوده زي عدمه
صدقوني الروايه بتخليكم تبكون وخصوصا انه حقيقه يمكن تستفيدون منها يالله انتظروني
على فكره الروايه كتبتها احد البنات عمرها خمس وعشرين سنه يعني مغامرتها الين هذا السن
((((((((((((((((شجعوني عشان اكمل لكم ))))))))))))))))))))))