روايه رومنسيه في جده

مي: انا كل ماتصل علي البيت يطلعلي اخوهم اووف
وطلعت غرفتها بسرعة واتصلت علي جوال ملك
ودق الجوال وماردت عليها وتصلت علي ملاك ومارفعت وتتصل 123 ومحدمايرفع وفارس هو طالع سمع صوت الجوال بدق ودخل الغرفة ورد علي الجوال
مي: اخيرا ردتوا والله 5 ساعات وانا اتصل اسمعي .........
اشبك ياعسل وسكتت
فارس: الو مين - يستهبل كانوا مايعرف
مي:معليش علي ابلي ملاك اسفة باي
فارس: انتي اخت ماهر
مي: ايوة
فارس: عرفتك
مي: اش عرفك عني
فارس : دايمن ملك و ملاك بتكلموا عنك
مي:اوكي باي
فارس: دقيقة اشبك مستعجلة ليش تقفلي
مي : ماتكلمت
فارس: اشبك يا حلوة
مي: باي وقفلت بسرعة
متوترة وخايفة ودخل قلبها من كلمة ( اي واحد ممكن يلعب عليها بضحكة)
وراحت وجلست في الغرفة فارس سجل رقمها في جوالوا
ومسدوحة علي السرير والجوال برن اغنية ( اول ماقول ياحبيبي ....... لي عمرو مصطفي وطالعت انو رقم غريب
مارفعت اتصل 2-3 وماترفع اتصل 4 رفعت
مي: الوو
فارس: هلا باحلو
مي: مين معايا
فارس: نسيتي ياحلوة انا اخو ملك
مي: من فين اخذت رقمي
فارس: من عقلي
مي : لا تتصل مرة ثانية فاهم وقفلت علي وجهو
فارس: ماشاالله عليها مؤدبة بس ابغ اكلمها
وماهر هوطالع علي غرفتها
اتصل فارس
مي : مو وقتك ليش اتصلت ورفعت بسرعة الو
فارس: اخيرا سمعنا صوتك
مي: اسمع ماهر جي بعدين كلمني فاهم
فارس: تكذبي علي مين ابغ اقلك موضوع مهم
مي: والله بعدين اكلمك بس قفل ولاتتصل انا اتصل بيك باي
فارس : ان شاء الله ماشافها
ماهر اشبك جالسة لحالك تعالي اجلسي معانا
مي: خلاص دحين جيا
ماهر: امشي يالله جهزي نفسك عشان نروح رتسي
مي: مابغا اروح
ماهر: ليش كنتي متجننة ودحين ماتبغي
مي : انا مصدعة دحين مابغا اروح
ماهر: انا رايح
مي : طيب روح
ماهر: اوكي يالله انا رايح بعد ساعة لو تغيري رايك بسرعة فكري
مي: قلتلك مني رايحة
ماهر: علي راحتك باي
وجالسة تفكر في كلا فارس ايش كان يبغي مني
فكرت ايش كان يبغا منها
مي: اتصل ما اتصل اتصل ما اتصل خلاص حتصل
وحاط اغنية جوجو
اول ماشاف رقمها رفع بسرعة
فارس: اخيرا سمعنا الصوت الحلو
مي:اش تبغي
فارس:قولي سلا م كيفك مايهم اسمعي
مي : ايش
تابع

مي: سامعتك اتفضل
فارس: احبك الكلام الحلو
مي : بسرعة ادخل في الموضوع
فارس : قفلي وانا اتصل عليكي
مي : ليش
فارس: عشان الفاتورة مابغها تطلع عليكي كثير واخوكي اشك فيك
مي: مايهم اتفضل اتكلم بسرعة
فارس: قفلي وانا اتصل وقفل الخط ورجع اتصل
مي : هذا اشبوا
فارس: هلا ياحياتي
مي : بسرعة خير
فارس: شكلك معصبة رايح ابدا اسمعي بس لا تقاطعني
مي : اوكي بسرعة
فارس : تعرفي الواحد لمن يحب من كلا م غير وتعرفي الواحد لمن يحب وحدةمايعرف عنها شئ
مي: اش معني هذا الكلا م
فارس : معنا ياحلوة انوا في واحد يحبك
مي: اش تقول انت اسمع انا محد يقدر يلعب عليا فاهم
فارس: مين قال اني العب عليكي
مي: كلامك يقول
فارس :مي انا احبك
مي: سكت وقت طويل
فارس : اسمعي
مي : باي وقفلت الخط
وهي جالسة تفكر في كلامو
في بيت فارس:
فارس: ا ن شاءالله تصدق والله دخلت قلبي
نواف : مين دخلت قلبك ياواد مينن
فارس: وانت اش دراك انوا في وحدة دخلت قلبي
نواف : سمعتك يا واد بسرعة مين دخلت قلب اخويا الي مايحب البنات والبنات يحبوا مين
فارس: اسمع حبيت مين بس لحد مايعرف
نواف: بسرعة إبدا
فارس: حبيت اخت ماهر
نواف : ماهر صاحبك
فارس:ايوة
نواف : واش دراك فيها وكيف شفتها
فارس : افهمك اسمع انا ماشفتها
نواف كيف حبتها وماشفتها
فارس: حبتها كدا مادري كيف
نواف : فارس نعرف حركاتك لا تلعب علي البنات كيفايا البنات الي خلتهم يبكو حرام عليك
فارس: والله احبها
نواف : بس لو عرف ماهر تعرف اش رايح يصير
فارس : اعرف كلمتها قبل شوية
نواف : كيف
فارس :اخذ رقمها من جوال ملاك
نواف : يامحتال والله تعرف تلعب
فارس:والله احبها
نواف :فهمنا فهمنا خلاص
ملك : هلو
فارس: دقي الباب قبل ما تتخلي
ملك :دقنا الباب بس محد مارد علينا اسمع نحنا رايحين
فارس : والله وفين رايحين
ملك : رايحين علي رتسي مول تعرف
فارس:بهبل - رايحين علي رتسي وليش
ملاك: اسمع اخويا عشان واعدنا صحبتنا هناك
فارس: واعتو مي
ملاك : ايوة
ملك : اش دراك
فارس: متدربك ---- يعني دايمن تتكلمو عنها
ملاك : موافق
ملك: اكيد بوافق ليش مايوافق
نواف: كأني طرطور قدامكم اسألوني انا
ملك : مايهم نحنا رايحين
فارس: خلاص انا اوديكم \
نواف : صرت طيب
فارس : بصوت واطي- اسكت
ملاك :طيب ملك انا رايحة اتصل علي مي
ملك : طيب اتصلي مي علي بال تلبس وتتزبط ابغالها علي الاقل ساعتين
ملاك: اششبها ماترفع علي جوالها اتصل بالبيت
رن رن رن رن رن
الشغالة : الو
ملاك:اعطني مي
الشغالة ما تعرف تتكلم عربي
ملاك: اعطني مي
اخذ ماهر السماعة من الشغالة
ماهر : الو مين معايا
ملاك/ ............ممكن مي
ماهر: اقلها مين
ملاك: ملاك
ماهر: دقيقة مي
مي:جايا اش تبغى
ماهر:صديقتك
مي :هلا
ملاك:كيفك
مي:تمام
ملاك:اسمعي نحنا رايحين علي رتسي خلاص تعالي
مي:معليش ماقدر
وملاك مشغلة المكبر
ملك : ليش ماتروحي نحنا من اول نستناكي ليش
مي: اشبك معصبة انا تعبانة
ملك : مرة بتموتي
وفارس جالس يسمع
مي : معليش ماقدر
ملك : اخوكي ماوافق خلاص انا اكلمو
مي :لا ماهر موافق هو جاي بس انا مابغا
ملك :لوماجيتي اجي اجرك من شعرك مافي
مي : مادري افكر
ملك : اسمعي انا اجي اخذك
مي :لالا انا اجي خلاص
ملك : تجي
مي : ايوة خايفة منك بمزح
ملك : احبك
مي : اموت فيك
ملك :يالله جهزي نفسك نروح في نفس الوقت
مي : اوكي باي ماهر
ماهر: خير اش في
مي: ابغا اجي معاك
ماهر: غيرتي رأيك
مي: يس
ماهر: دقيقتين ماجيتي رايح اروح اوكي
مي: دقيقة وانا عندك
وراحت ولبست العباية شكلها مرة كاي وراحو
في رتسي مول
تقابلوا عند الباب
ملك: كيفك ماتجي مو
مي :خلاص
مي شافت فارس وهو يطالعلها وماطالعت في وابتسم
فارس: كيفك يا حبيبي وحشتني
ماهر: مرة كب عيني عينك
فارس: مولك لي غيرك
ماهر: مين
فارس:رتسي ههه قصدوعلي مي
ودخلوا المركز
ملك : مي اكشفي لا تتلثمي
مي: لالا
ملك :والله الي يشوفك يقول مرة تحب تغطي
مي:خلاص انا ابغ اتلثم
فارس:خلاص يا ملك البنت ماتبغي احسن منك
ماهر: اقول تتغزل في اختي
فارس: لا بس عشان تتعلم
ماهر:اكيد
مي:راحت جنب ماهر ماهر ابغ اروح علي الحمام
ماهر: دوبنا جينا
مي : دقيقة بس
ماهر: ماعرف تعرف يا فارس فين الحمام
فارس: ايوة تعالي
ماهر:خلاص نتطلع مع بعض
وطلعو
ماهر: فين
فارس : انا اوريها انت روح اشتري عصيرات
ماهر: الحمام بعيد
فارس: لالا قدامنا
ماهر: خلاص قدامك الحمام روحي وانت تعال
فارس : طيب
وراحت مي علي الحمام
فارس: دقيقة ماهر دحين جي ملك تبغاني
ماهر:روح خلاص انا اجيبوا لك
فارس:شكرا
وراح يستنى مي لحد ماتعرف وخرجت
وسحبها من يدها
مي : اه سيبني
فارس: هذا انا
مي: انت غبي اش تبغي لو شافنا ماهر بسرعة روح
فارس: مي انا مني مصدك انك معايا
مي:روح لحد لا يشوفنا
فارس: محد رايح يشوفنا
طاحت التلثيمةمن وجهها
مي :اه وقلبت وجهها
فارس:دقيقة ياحلوة وقلبها علي وجهو
مي : سبني وحطت التلثيمة علي وجهها
فارس: خليكي زي ماانت ي
مي:الله خليك سبني انا اخاف احد يشوفنا
فارس: خليني اتامل فيك لوجهك الحلو
مي : بعدين اكلمك الله خليك اخاف يشوفنا ماهر او احد ثاني
فارس:طيب يالله روحي بس
مي: عارفة عارفة بعدين وبسرعة راحت
فارس: والله اموت علي هذى البنت
ماهر: عفوا يابنات ماجات مي
ملك: لا ماجات
ماهر:وفارس
ملك: وفارس كمان ماجا
مي جات
ماهر: اشبك اتأخرتي
مي: معليش
وجا فارس
تابع

افا ولا رد تعبت على النقل وفي النهايه ولا رد شكل اروايه ما عجبتكم لاكن ما رح اكمل الا اذا رديتوا وقلتوا كملي
الله الله بردود

شكلها حلوة الرواية يسلمو
ياليت تكملي...

تسلمي على المرور وان شاء الله اكمل الباقي