جايب هالقساوه منين

الجزء الاول//
علي انسان عصبي لكن حبوب ومدلع اخته ويخاف عليها لكن احيانا يصير العكس ويصير قاسي لاخر حد معها
لانه هو المسؤؤل عنها بما ان ابوه وامه ماتوا قبل مده طويله وعمره 26 سنه
خلود بنت رقيقه جميله هادئه بكل معنى الهداوه وخوافه تخاف حتى من ظلها واكثر شئ تخاف منه هو الوحده والفراق
لانها هي دايم تجلس بروحها في البيت واكثر شئ مقابله النت عاطفيه لابعد الحدود وعمرها19 سنه
علي بعصبيه:والله ماتروحين معي الشرهه مو عليك على الي بيطلعك
خلود ببرائه:طيب ليه وش سويت لك
علي عصب بزياده:غيري لبس هالعباءه المخصره واللثام الي مابقى شئ ماخليتيه اكشفي احسن
خلود:ماعرف البس غير هالعباه واالله ماعرف
علي:اجل موتي مافيه طلعه
خلود تحرك شفيفها استعداد للبكاء وتنفجر بالبكاء وهي تناظر له وتركض لغرفتها بالدور الثاني وترمي روحها على سريرها الكبير المزدوج
علي شافها انكسر خاطره عليها يكلم روحه:لكن احسن بنات اليوم ماينفع فيهم الا العين الحاره اجل تروح للسوق وبهالبس والله لو ماتلبس
عباءه ماتطلع جذابه مثل هالطريقه
خلود تبكي بقوه تكلم بقلبها:حرام عليه انا لي شهر ماطلعت ولا شفت احد استكثر على هالطلعه والله لو اني مو لابسه شئ
يدور الحبوب على الدروب هو يتسلى وكل يوم يطلع وانا من زمان عن العالم اخ اخ متى تجي ياعبدالله وتخطفني من انامل
علي القاسيه اهئ اهئ تبكي بزياده
علي ماهانت عليه:لا انا لازم اروح لها يطلع ويطلع للدرج وهو متردد مايبي يعودها على التمرد
وصل للباب مسك قابض الباب ونزل يده:لا انا ماعلى منها بالطقاق خلني اروح احسن لي راح وبعدها رجع
مسك القابض مره ثانيه بعدها هز القابض:لاوالله ماعلى منها ليش انا الي لازم اراضيها حتى لو اخطئت!!! والروحه اعوضها
الايام جايه بس اليوم بطنشها نزل وطلع اغلق الباب الحديدي وصوته مزعج
ناظرت خلود من الدريشه شافت اخوها طالع زاد بكاءها:يباه يماه تعالوا خوذوني معكم انا اكرهه مايخذني
ولا يطلعني ليه ماجبتوا بدال الولد بنت تسليني وتسد الفراغ الي انا عايشه فيه
لكن خلود ماستسلمت مسحت دموعها وراحت للنت تتسلى مع صديقاتها الي بالثانويه بالماسنجر
خلود/ تصدقين ماطلعت
ريم/احسن مسكينه ههه
خلود/ يازينك ساكته
ريم/اخبار عبود
خلود/اسكتي ترا مافيه احد يعرف اني احبه الا انتي
ريم/هو وش يقرب لك ولا تعرفتي عليه عن طريق النت
خلود/ههه بجد مجنونه انتي كيف عن طريق النت
ريم/لا فيه كثير يحبون بالشات
خلود/وانتي مصدقه اغلبهم اولاد باسم بنات والبنات باسماء اولاد
ريم/ام طيب انا تعرفت لي على واحد بالشات
خلود/تدخلين الشات؟؟؟؟
ريم/ايه!!
خلود/لاتكلميني ولا اكلمك
تغلق الماسنجر وتطلع :احسن لي اكل خلني اتعشاء جوعانه اوف علي مايبيني وريم انا مابيها عليها حركات
ترن رن
خلود تكشر وتحرك يديها وراسها يمين ويسار:هذي اكيد ياريموه ولا علييوه مالت عليكم ثنيناتكم وتفصل التلفون
جوالها يدق اوف تشوف مالت عليك ايه خليني اشوف اخرتها مع هالماصخه اجل متعرفه على واحد
بالشات
خلود من غير نفس:الو
ريم:شدعوه خلوده شفيك زعلتي
خلود:لا وليه ازعل صديقتي الروح بالروح تتعرف على رجال نصابين بالشات وش تعتبرينها هاه مو تقاطيعنها
ريم:ههه ليه وانا دينماركيه تقاطعينها
خلود تقلد ضحكتها بمصخره: ه ههه هه هه
ريم:بصراحه ماتوقعتك معقده انتي قلتي انك تحبين واحد اسمه عبدالله وبعد ماخطبتك لاخوي محمد وانا مازعلت وانتي تزعلين علشاني
متعرفه على واحد خلاص ياستي اقاطعه اذا تبين
خلود:انا مابيك تصيرين مضحكه بيد الشباب
ريم تبي تغيضها:واسمه عبدالله بعد لايكون عبدالله الي انتي حاجزته وتبينه
خلود تقطع الخط
علي مع صديقه الروح بالروح اسمه ماجد
ماجد اسمرحلو طويل وشعره بعد طويل يحب الاعمال الاجراميه مثل الذبح ويتلذذ بالقتل ابوه وامه ماتوا وهو صغير عمره 6 سنين
وعاش مع عمه الي انجبر على تربيته وعامله بكل قسوه يقوم وينام على ضرب المسكين إلى صار عنده
انفصام بالشخصيه مات عمه وعمر ماجد 24 سنه طبعا بيده بعد ماذبحه تعزيرا لانه تعب من كثر التعذيب والوان التعذيب الي شافه
واخفى جريمته في اقذر مكان على وجه الارض في البيارات وانتم بكرامه وهو غني لان ابوه وامه كانوا اغنياء وبعد مامات
وعمه بعد غني الي تزوج سوريه وحبها وحبته لكن بعد ماراح للسوريا هددوه في السلاح وهو بعدها ماتزوج لانه كان يبيها
وبعدها مافضى ويبي يعيش بحريه وماجد ورث ابوه وعمه الي اغنياء لاخر حد
ماجد انسان امي لايعرف القراءه والكتابه في وسط عالم مايعترفون الا بالماجستير والدكتوراه
عمه ماخلاه يتعلم زي باقي العالم وهو متسرع في قراره وعصبي لابعد حد الابتسامه نادره عنده
في المقهى كل واحد معه زجائره
علي:اخبارك وينك امس ماكلمتني ولا شئ
ماجد:والله عاد امس كله نايم ماشفت احد ابدا تعرفني اواصل يومين وانام تعويض اسبوع
علي:ياخي غير منهجك والله ماتحس بالحياه كذا
ماجد يقلده:ياخي غير منهجك والله ماتحس بالحياه كذا!!وش دخل فيني احد شاكيك على
علي:هد اعصابك شفيك انت
ماجد:اقولك ابيك بكره تبيع الشركه كلها زين
علي قام مفزوع:كيف وليه
ماجد عصب:احسن قم اصفقني اضربني تعال
علي تحكم باعصابه لانه هو يشتغل مدير في هالشركه:لاوش دعوه بس فاجئتني
ماجد:اجل زي ماقلت لك ابيك تبيع الشركه بكره لان وراي سفره
علي ابتسم:ولا تقولي ولاتبيني اخاويك(يعني اروح معك)
ماجد:لا انا ابي اروح لحالي بروحي مامعي احد زين
علي تغيرت ملامحه:طيب وين بتسافر
ماجد رفع حاجبه:الدعوه تحقيق
علي:لاوش دعوه من باب الصداقه
ماجد تنهد:ابسافر لجزر المالديف
علي يضحك:ههه هاذي كيف قدرت عليها
ماجد ناظر له بنظرات واحد حاقد:شقصدك جاهل
علي انتبه وبلع ريقه:لا قصدي قويه جزر المالديف انا مو خابرك راعي سفرات
ماجد بنظرات تهديد وهو قايم:على كلآ ابي الي قلته لك يتنفذ زين
علي:خلاص زين
ماجد راح
علي بقلبه والله لو تطير ماتنفذ الي براسك يامهزوز الشخصيه
ههه الظاهر هاذي حوبت خلود لاني ماطلعتها ههه اقول خلني اخذ العشاء واتعشاء انا وياها
خلود يارب مابيك تحقق لي الا الامنيه هاذي الوحيده ابي
الجزء الثاني//
خلود بالمطبخ تاكل اندومي وهي جالسه على الطاوله(تفكر بعمق
خلود يارب مابيك تحقق لي الا الامنيه هاذي الوحيده ابيك يارب تعمي عيون عبدالله عن كل البنات
وماتخليه يفكر الى فيني انا يارب !!يارب حقق لي هالامنيه الوحيده يارب انت باسط الارض ومثبت السموات بلاعمد
وخالق الناس وكل يوم يزيد العدد يارب قل كن قل كن وريح قلبي انت يارب بليتني في حبي له يارب خله لي بالحلال يارب
اوف انا الي متى وانا على هالحال بجد مليت حالتي تكسر الخاطر بجد طفشانه وعاشقه بعد اوف
يارب اذا انت مو كاتبه لي كرهني فيه مو كل يوم يزيد حبي له
!!!!!!!!!! الحمدلله لقيت فكره ابقول لعلي اني ابي اغير جو في الشرقيه لاني مشتاقه للبحر وخالي ام واكيد بنسكن عندهم
يمكن يخف الشوق الي بقلبي ابقنعه واقنعه واقنعه ذا الدجاجه المليانه فلونزا بعد ههه
علي فتح الباب بهدؤ وشاف خلود قاعده تضحك في المطبخ انهبل:خلود
خلود تفز وتقوم:مين
علي:خلود انتي جنيتي
خلود لقتها فرصه علشان تسافر(بحزن:ايه انا طفشانه
علي:تضحكين مع مين
خلود دموعها نزلت حست انها مجنونه وتصرفاتها مو تصرفات عاقله:ساكته
علي يناظر بتعجب:خلود وش فيك
خلود:ايه فيني انا مليت
علي:طيب اطلبي وانا انفذ لك
خلود: انت نصاب ماتضحي علشاني
علي:نصاب طيب اطلبي وشوفي انا نصاب ولا لأ
خلود:ابي اسافر للشرقيه
علي مستغرب!!!!!!!:الشرقيه
خلود بيأس:ماقلت لك انك نصاب بس كلام ولا الفعل مو يم سالفه (يعني خرطي
علي:لا خلاص انشالله نسافر حتى انا مشتاق لولد خالي وكل مره داق على يعزمني
خلود طارت فرح:مين الي يعزمنا؟؟؟
علي:عبدالله ولد خالي خالد
خلود استانست حيل لان عبدالله على الاقل يفكر ان فيه احد بالرياض:طيب متى بنسافر
علي:اليوم الاثنين انشالله بكره
خلود فرحانه:واو مشكور (وتبوس راس اخوها
تطلع فوق مسرعه علشان ترتب اغراضها
علي:انتظري لحظه
خلود:وش فيه
علي:بتروحين للمدرسه بكره
خلود:اكيد انشالله واستاذن ليوم الاربعاء علشان اغيب
علي:خلاص رتبي اغراضك واغراضي زين
خلود تأشر على عيونها وهي مبتسمه:من عيوني الثنتين ((تروح فوق
علي:غريبه للدرجه مستانسه بس المسكينه كسرت خاطري وهي تسولف لحالها ايه انشالله اعوضها
ويلفت انتباهه رائحة الاكل المشهيه يوه العشاء ياخلود تعالي العشاء
خلود وهي تفتح دولاب الملابس:يوه لا يكون غير رايه يانعم
ماجد في بيته الغريب مع ان له فلل فخمه الا انه عايش في بيت غريب اغلب اغراضه حديديه سرير حديدي
مو خشب ومافيه تحف للزينه ابدآ الكنب غريب جدا لايصدقه من على وجه الارض لانها مصنوع من سعف النخل
المطبخ يوجد فيه اواني فخاري قديمه وموقد النار جدا غريب لانه يستخدم(الدافور) او (القاز) ويوجد
ابريق نحاسي تحول للون الاسود من كثر استعماله ووضعه على الحطب للمده طويله
ماجد جالس في الصاله الكبيره الموحشه الي ملئ في زواياه كتل من العناكب العجيبه وبيوتها المرعبه
اضاءته ثريا صغيره كانها شمع ثريا اوسراج غريب لونه اصفر وخفيفه الاضاءه
ماجد يتابع فيلم امريكي اجرامي بعد ماخلص من فلم روسيدينت افيل وخلص من فلم الجماجم المخيفه ومصاصين الدماء
يتابع بشغف وبيده سكينه كبيره وهو يبرد السكينه علشان تصير حاده وهو يبرد ويناظر متحمس تجرح السكين يده لانها جدا حاده
وياخذ الكاس الي على الطاوله ويضربه بالارض من العصبيه ويرمي السكين وياخذ الجوال
ماجد بعصبيه:الو احسن لاترد
علي:هلا كنت اتعشى ماعليش
ماجد:المهم بكره ابي المستندات الي تبع الشركه تنهيها زين
علي:بس اقولك انا بكره مسافر
ماجد:وين وليه
علي:طال عمرك ابسافر للشرقيه لان اهلي يبون يغيرون جو
ماجد:انا قلت بكره تكون الشركه مخلصه
علي:انشالله طيب
ماجد:اجل كمل عشاءك (ويغلق الخط
علي وهو يتعشى:اوف من هالبلشه
خلود:مين
علي:هذا ماجد صديقي مالت عليه يبيني ابيع الشركه
خلود:مين صاحبها هو ولا انت
علي:هو بس الغبي مسوي لي وكاله شفتي شلون
خلود:يوه طيب ليش مو هو الي يدير الشركه بنفسه
علي:المسكين مايعرف يقرا ولا يكتب
خلود تضرب راسها:مش معقول هذا بأي عصر كم عمره
علي:عمره الظاهر 24 سنه
خلود:لا ماصدق طيب كيف
علي:والله مادرري ليه كل ما سألته يقولي مالك دخل وهو عصبي فوق اللزوم تصدقين مره وحده في السوق تغازله
خلود تفاجئت:تغازل بنت تغازل
علي:ايه بس مو بالسعوديه مع ان الفاسدات بكل مكان بس كنا في الخارج
خلود:ايه كمل
علي:تحاول تاخذ رقمه عاجبها الولد وتجيي اي خدمات تبون وهو مو معطيها وجه المشكله اني متمشخص ذاك اليوم وماحد عبرني
خلود:ههه تستاهل
علي:شافها زودتها اخذ الصحن الي بيده وضربها براسها غير جو الاسعاف وشالوها
خلود تضرب خدها:اوف ماعنده تفاهم صديقك ذا الي من العصر الحجري يوه يوه يوه بس تستاهل ذي البنت قلة ادب
وبعدين دخل السجن صح
علي:لا سكتهم بكم الف والبنت ماكانت تبي فلوس لكن اهلها الي بغوا على بالهم ديه
خلود:الحمدلله اكرمك الله انا شبعت ابروح اجهز اغراضي بس عندي طلب واخر طلب بعد
علي رفع حاجب:وشو؟؟؟؟
خلود تلمس شعرها:ابي اروح للكوفيرا اضبط حالي علشانا اكيد بنروح لخالي خالد
علي ويمد اصبعه: بتروحين روحي لكن شعرك ماتصبغينه ولا تقصينه
خلود:يوه وش بقيت مابي اصبغ ابقص شعري
علي:عاد ذا والله لو تموتين انتي احلى مافيك شعرك ابك لو تدري عنك زينب العسكري كان حلقت شعرها صفر
خلود:ههه بس حلو التغير
علي:اجل مافيه سفر موتي
خلود صارخت:لا كلش ولا السفر
علي:خلاص اجل بلا كلام فاضي
خلود تحرك راسها بالايجاب:حاضر (تروح فوق
علي يكلم
عبدالله شاب حلو كل البنات يتمنونه من جماله واخلاقه الزينه والراقيه ذكي عمره 24 سنه
عبدالله يحضر للجامعه ويكتب الاشياء المهمه لان بكره عنده اصعب امتحان واخر امتحان بعد
ترن
عبدالله يناظر للرقم ومبتسم:ياهلا ومية مرحبا يالغلا كله
علي:يامرحبيتين فيك يالغالي اخبارك
عبدالله:الحمد لله ثم للمللك عبدالعزيز
علي:ههه
عبدالله:وانت شلونك
علي:والله لوني يسرك لون قمحي فاتح واسود العينين وطولي 166 سم ووزني 64 عندك لي عروسه هاهاهاها
عبدالله فكر انه عينه على اخته ساره:والله انت اطلب واختار ومايصير خاطرك الا طيب
علي حس انه غلطان بكلامه لانه مايفكر بأخته ابدا لان ماضيهم شين كله هواش وطراخ:لالالالا امزح معك بس عندي مفاجئه
عبدالله:وشي؟؟؟
علي:احجز لي غرفه بكره
عبدالله خاف:بس انت
علي:اعصابك شفيك كانه ملاحقك احد ايه بس انا لحالي ولا ماتبيني
عبدالله من غير نفس:لا وش دعوه اكيد ابيك
علي:اجل خلاص بكره انا جايكم وقل لخالي اني جايب له اختي لانه مشتاقه له وتبي تشوفه
عبدالله من غير مايحس بروحه:خلود بتجي
علي:ايه بتجي
عبدالله:بوشو بتجون
علي:بالقطار انشالله بحجز ونسافرا بكره العصر
عبدالله بفرحه:توصلون بالسلامه
عبدالله اغلق الخط وهو مستانس يالله خلوده بتجي يالله بجد مشتاق لها يازينه اموت فيها احلى مافيها طبعها واخلاقها الزينه
وخجلها الزايد انا لازم اخطبها لازم يماه يماه يماه
ام عبدالله وهي فوق الكنبه نايمه وراميه الجريده تحتها على الارض:وش فيك كل هالصراخ هزيت البيت من ذا الازعاج
عبدالله يبوس راس امه:انا اسف يمه بس ابقولك قرار قررته وقرار مهم في حياتي
ام عبدالله تقلده:قرار قررته يقر قرروا اقولك بلا قره فاضيه انت وش عندك مقعدني من النوم
عبدالله:يمه انا ابي اتزوج
ام عبدالله تغمض عيونها:ومين المقروده الي انت تبيها
عبدالله استحى مايبي يقول لها:ابي ابي مادري انتي الي تختارين شوفي البنات وقوليلي
ام عبدالله:بنت خالتك نوف
عبدالله:مين؟؟؟؟لاتقولين مها!!!!!!!!1
ام عبدالله تجلس مفزوعه:وش فيها شناقصها كامله والكامل الله
عبدالله:يمه تعرفيني انا احب وحده خجوله نعومه مو زي مها وحده مسترجله ودلوعه ووجها مغسول بمرقه
ام عبدالله تذكرت ان مها دلوعه كثير:خلاص ادور لك غير مها
عبدالله:تسلمين ياحلى ام في الدنيا (يمشي وهو يرقص مثل المجنون ويغني والله وتحقق منايا شوفو حبيبي معايا
ساره تناظر باستغراب:هاي انت شفيك انجنيت اصحى ترا عمرك وصل للخمس وعشرين وانت مثل البزران ترقص
عبدالله انتبه لها وانحرج:يوه الواحد مايستانس في هالبيت
ساره:الا استانس بس مو ترقص لو انك بنت قلنا ماشي بس انت رجال
عبدالله خجل من روحه:تصبحين على خير
ساره:وانت من اهله ياعبود
عبدالله رفع حاجب وساره انحاشت لان عبدالله مايحب احد يدلعه ولا يحب الدلع كله
مها تنزل من الدرج لابسه بنطلون جينز وشعرها بوني قصير بالمره حركاته صبيانيه ومشيتها مافيها رقه
ولا كانها مشية بنات؟؟؟؟لان اهلها من صغرها عودوها على ذا اللبس وهي عيو