رواي كنت أكآبر في هواه لين ضيعته بيديني ة بدايتي الاولى

1. ابو حمد : على راحتك


2. ابو فهد : يالله عن اذنكم

بسم الله الرحمن الرحيم ,,
انقل لكم هالرواية .. بالنيآبه عن الكآتبه " اختي : روح حره ",, واتمنى تحوز على رضآكم ,,
ابو ريم ام ريم
ريم(20)
================
ابو فهد ام فهد
فهد (27) فواز (25)
مها(22) ديما(19)
==============
ابو ماجد ام ماجد
منى (28) ماجد (26)
ناصر(24) عنود(20)
=================
ابو خالد ام خالد
خالد(27) سعود(25)
امل (21) منال (18)
محمد(7 ) عبير(5)
==============
ام ياسر .. ياسر (25)
==========
ابو عبد الله ام عبدالله
عبدالله(28) نوف(20)
فيصل( 8 )ساره(6)
============
خالد * منى : روان( 3 )
===========
عبد الله *مشاعل : ندى (5) نواف (2)
الجزء الأول ::
::::::::::::::
رواي " كنت أكآبر في هواه .. لين ضيعته بيديني "ة
::::::::::::::
ناصر : قلت لك مامعي فلوس
عنود : تكفى دور يمينك وشمالك يمكن تلقى ،،
ضرب ناصر بيده على طاولة النت عشان يخوفها وتطلع عنه :لاحول عنيد ضفي وجهك لاقوم عليك
ناظرته بقهر : صدق ان مافيك خير
أما هو كان منسجم على النت ومطنشها
تنفست بغضب وهي تقول بخاطرها هين ياناصر والله لوريك ..وتضرب بالباب باقووى ماعندها
وقفت برا الغرفه وهي تناظر بالباب : سخيف
: من هو السخيف..؟
التفتت بسرعه وهي للأن منقهره من اخووها : من غيره هالعله اللي داخل ..وتأشر بيدها لجهة الباب
ماجد : وش وداك له وانتي عارفه انه مو معطيك وجهه
قاطعته عنوود بأبتسامه مكر : مجودي
عرف ماجد ان وراها شيء وسوى نفسه مستعجل : وش عندك بسرعه ..؟
عنود برجاء : بليز لاتتهرب ابيك توديني للسوق بعد المغرب
ماجد عقد حواجبه : امس مو رايحه للسوق ..؟
كشرت بوجهها : الا بس نسيت لي كم غرض...الله يخليك ودني والله ماتآخر ..؟
ماجد يلووي بفمه : ماتقدرين تأجلينه..؟
عنود : وشلوون والعيد بكره تكفى
ماجد :ام مدري .. ماقدر،،
تبسمت عنود بخبث : طيب انا ابيك توديني انا وريم
فهم ماجد نوايا اخته وضحك : آهآ زين ..بس هاه ياويلك ان تأخرتي
عنود وهي تحب اخوها على خده :والله ياريموو نفعتيني وانتي مو داريه ...وتضحك
ماجد وهو يقلد اخته ومعطيها ظهره متجه لتحت : والله ياريمو نفعتيني ...اقول ترا بهوون ثم اجلسي انتي وريمو ... ونزل
عنود وهي ترفع صوتها عشان يسمعها : والله ماظنتي بتهوون والروحه فيها ريموو
ضحك وهو يسمع اخته..والله وطحت بيد هالهبله كل شوي بتستغلني عشان انفذ لها طلباتها
::::::::::::::
رواي " كنت أكآبر في هواه .. لين ضيعته بيديني "ة
::::::::::::::
التفتت لآمها اللي جالسه تتقهوى : يمه عنود اتصلت علي اليوم وقالت اروح معاها بعد شوي
ام ريم : انتي عارفه بكره عيد ولازم تنامين بدري اخاف تتأخرون
ريم وهي مركزه بلعبة بونس بالجوال : اخ ..لالا ماراح نتاخر ان شاء الله
ام ريم :طيب خذي فلووس من ابوك لو محتاجه شيء
ريم : لا يمه مو محتاجه بعدين انتي عارفه للحين ماصرفت مكافئتي
قاطعتها ام ريم وهي ترفع سماعة التلفون اللي رن : مرحبا
ابو ريم : هلا ام ريم ..انا جاي بالطريق محتاجين شيء من برا...؟؟
ام ريم : ايه والله ابيك تمر محل الحلوويات وتشكل لنا كم طبق للعيد
ريم وهي تقاطع امها : لا يمه انا بجيب معاي
ام ريم : زين .. وترجع تكلم ابو ريم ..:: خلاص يابو ريم لاتجيب شيء
ابو ريم : طيب فمان الله
ام ريم : ياهلا
رن جوال ريم بيدها وردت بنرفززه : ليه ليه تسسوين كذا ..؟
عنود مو فاهمه شيء :والله ماسويت شيء وش فيك..؟
ريم بضحكه : فقعتي كوورتي اللي ألعبها
عنود : يالدبه خووفتيني ...المهم يالله تجهزي إحنا بالطريق
ريم : اوكي .. وقفلت جوالها وطلعت لغرفتها تتجهز
::::::::::::::
رواي " كنت أكآبر في هواه .. لين ضيعته بيديني "ة
::::::::::::::
في السياره
ماجد : اي سوق تبين ..؟
عنود بأستهبال : المملكه
ناظرها بأستغراب : اووما المملكه ..هماك توو تطرين من ناصر يعطيك فلووس والحين مملكه ..ياشيخه النسيم ويخب عليك
عنود ترفع حاجبها:كل هذا عشان ماتعطيني فلووس ..لاتخاف ابي الاندلس وبعدين باباتي معطيني فلوس تكفي رووحه للملكه بس انا ماأبيها
ماجد : المهم بس مثل ماقلت لك ماتتأخرين
عنود وهي عارفه نفسها وتبتسم له بتمسكن : انت عارفني ياخوي ماطوول
ناظرها بطرف عينه : مشكلتي اني عارفك
ضحكت عنود :ههه
ابشر ماراح اتأخر
::::::::::::::
رواي " كنت أكآبر في هواه .. لين ضيعته بيديني "ة
::::::::::::::
نزلت وفتحت الباب الداخلي بتطلع بس قابلت ابووها
ابو ريم :السلام عليكم
ردت عليه وهي تحاول توازن جسمها ورافعه رجل تلبس جزمتها السبورت : وعليكم السلام
ابو ريم : على وين..؟
ريم : بطلع للسووق مع عنود ..ليه يبه بغيت شيء..؟
ابو ريم : انتبهي لنفسك ..وكمل طريقه
وقبل تطلع التفت لها ابوها : ريم
ريم : هلا
ابو ريم :معك فلووس ..؟
ريم : ايه يبه معي يالله فمان الله
ابو ريم : الله معك
طلعت بسرعه وهي تتوجه للسياره
ريم وهي تسكر الباب وبصوت خفيف : السلام عليكم
ماجد وعنود : وعليكم السلام
عنود : ماشاء الله متحمسه اليوم ماتأخرتي علي
ريم وهي تناظر ماجد من ورا غطاها وتتكلم بأستهبال : الليله عيد وش يردني ماتحمس ؟؟
على طول فهم ماجد قصدها و أبتسم بسعاده من كلامها
::::::::::::::
رواي " كنت أكآبر في هواه .. لين ضيعته بيديني "ة
::::::::::::::
ابو ريم وهو داخل : فوزيه
ام ريم''فوزيه'' طالعه من المطبخ : هلا ...
ابو ريم : خلي الخادمه تكووي شماغي بسرعه
ام ريم بأستغراب : خير يابو ريم وين طالع تو جيت..؟
ابو ريم : لا بس واحد من الربع عازمنا باستراحته ع العشاء وبطلع قبل لا أروح له عندي شغل ضروري
ام ريم : زين اللحين اجهزه
::::::::::::::
رواي " كنت أكآبر في هواه .. لين ضيعته بيديني "ة
::::::::::::::
ماجد وهو يتحلطم : لك ساعتين وانتي تدورين بالسوق و ماشلتي شيء للحين
عنود تناظر في الاكسسوارات المعروضه قدامها : وش اسوي مافي شيء اعجبني..!!!
ماجد بعصبيه : معاك ربع ساعه اذا ماخلصتي طلعت وخليتك....وطلع برا المحل
عنود : ربع بس ..؟؟؟؟؟
ريم وهي تضرب عنود بكوعها : بسررعه حتى انا تأخرت على البيت
عنود وهي تنافخ : زين زين ..خلاص بشتري هذا على انه مو عاجبني....وتأشر بيدها للأكسسوار
ريم : مو مهم يعجبك ..عجلي علينا بنطلع
اخذته عنود وحاسبت راعي المحل وطلعت لأخوها اللي واقف برا المحل ومعصب
عنود تكلم ماجد : يالله يا أستاذ خللصت
ناظرها بنص عين : ليتني من اليوم متكلم ..ناس ماتجي الا بالعين الحمراء .... ويمشي قدامهم
عنود بقهر وهي تقلده :ناس ماتجي الا بالعين الحمراء..جبت خبر انت ووجهك
ريم : اقول احمدي ربك انه وداك للسووق
عنود : اقول انتي !! خلص هو وجيتي تكملين علي
ماجد وهو يلتفت لهن : عنود ترى ماني فاضي لتس عجلي علي ..
::::::::::::::
رواي " كنت أكآبر في هواه .. لين ضيعته بيديني "ة
::::::::::::::
كانت الجلسه مليانه رجال في الاستراحه..وبين الازعاج ..وكل واحد يسولف مع اللي جنبه..كان ابو فهد يضحك ويسولف ومايدري عن الشخص اللي جالس
بنفس المجلس ..اللي تعب وهو يدور عليه من اكثر من عشرين سنه
همس له اللي بجنبه : ابو فهد
ابوفهد كان يضحك للي يسولف له وبسرعه لف راسه بأهتمام: سم
ابو سعود : تشووف الرجال اللي جالس هناك .... ويأشر على واحد من الرجال
ابو فهد وابتسامته لازالت على وجهه : ايه وش فيه..؟
ابو سعود بأستغراب :ماعرفته ..؟؟
ابو فهد : لا والله ماعرفته من هو..؟؟
ابو سعود بأبتسامه : عبد العزيز اخوك
ابو فهد مو مستوعب : عبد العزيز اخووي !!!!..انت صادق..؟
ابو سعود : والله انه هوو حتى شوف نفس الشكل ماتغير فيه شيء
ابو فهد يدقق النظر للرجال : لا مو معقوول
ابو سعوود بأبتسامه :انا كنت شاك وسألت واحد عنه الحين وقال هذا عبد العزيز بن منصور
ب هالحظه ابو فهد الفرحه ماوسعته ..كان وده يقوم ويحب راسه ويحضنه... كان وده يقوم ويطلب منه السماح .. بس حس انه مو وقته ..
وأكبر غلط لوو يقووم وفيه رجال مايعرفهم .. وخاصه ان له مركز ومقام بينهم .. تمالك نفسه بسرعه وبقى في مكانه طوول العزيمه وعيونه تراقب اخووه
::::::::::::::
رواي " كنت أكآبر في هواه .. لين ضيعته بيديني "ة
::::::::::::::
في السياره
ماجد: تدرين توبه ماعاد اوديك لسوق
عنود بأستهبال : زووجني وافتك
ناظرها بنص عين : انتي ماتعرفين شيء اسمه حياء
عنود : وش فيها لاحياء في الدين
ماجد : لا انتي يبيلك تربيه من جديد
عنود وهي تتذكر و تقاطعه : ايه ماجد ..مر محل الحلويات ريم تبيه
ماجد : زين
عنود : زين..عشان ريم لو انا لا
ماجد بجراءه : وانتي تقارنين نفسك بريم
ضحكت ريم في نفسها وبنفس الووقت انحرجت
عنود تسوي نفسها مسكينه : آآآآآآه وينه اللي يقدرني ومايقارن بي احد
ضحك ماجد على اخته وماعلق عليها
عنوود : بس بس هذا هو ...وتأشر على محل الحلويات
وقف ماجد عند المحل : يالله انزلي ياريم
عنود : وانا..؟
ماجد :عشان تقعدين ساعه في المحل
عنود بقهر: ماجد ..بلا سخافه ..بعدين ريم تخاف تنزل لحالها
ماجد وهو يفتح بابه وينزل :انا بنزل معاها ... وسكر الباب
عنود وهي تلتفت لريم اللي تضحك : ايه جاك ماتمنيتي
ريم :مالي دخل اخووك اللي جلسك مو انا .. ونزلت بسرعه للمحل
::::::::::::::
رواي " كنت أكآبر في هواه .. لين ضيعته بيديني "ة
::::::::::::::
بعد مانتهووا من العشاء ..شاف اخووه واقف بيطلع ..فوقف ع طوول عشان يطلع قبله
ابو حمد : بدري يابو فهد
ابو فهد : من عمرك بس مستعجل شوي

ابو حمد : على راحتك

ابو فهد : يالله عن اذنكم

طلع و جلس بسيارته وماتحرك لين طلع عبد العزيز وركب سيارته ومشى لحقه وهو يحاول انه ماينتبه له... كانت دموعه بعيونه من الفرحه .. تعب وهو يدوره طول السنين اللي راحت وبصدفه لقاه .. ويحمد ربه اللي جمع بينهم بعد هالوقت اللي عاشه من دون اخوه ..
::::::::::::::
رواي " كنت أكآبر في هواه .. لين ضيعته بيديني "ة
::::::::::::::
بعد ماجد شووي وراح يكلم البايع ..كانت تراقبه وهوو يعطيه الفلوس وياخذ منه كيس صغير ..
لو تناظره طوول اليوم ماتمل منه.. يعجبها بطوله وبكلامه ووسآمته ..كان ملتهي ومو داري عنها ..فأخذت فرصتها بالتأمل فيه .. فجاءه التفت ماجد
وطاحت عينه بعينها ابتسم لها ابتسامه من الابتسامات اللي تخليها تذووب في مكانها..
انحرجت ريم ولفت راسها بحياء بسرعه وهي تاخذ اكياس الحلى اللي اختارته ..
تكلمت بصووت منخفض وهي منزله راسها بحيا و تناظر بالاكياس : ماجد انا خلصت
ماجد : يالله اجل
قرب منها ومد يده لها : خذي هذا .. وعطاها الكيس الصغير وهو مبتسم
أخذته منه بدون ماتتكلم وهو طلع قبلها
تجمدت في مكانها مستغربه ..بس على طوول ابتسمت وطلعت وراه..
::::::::::::::
رواي " كنت أكآبر في هواه .. لين ضيعته بيديني "ة
::::::::::::::
واخيراً وبعد ماراقبه .. شآفه وهو ينزل ومعاه اكياس ويسكر باب السياره ..ويروح لجهة باب بيتهم
بس قبل لا يدخل جت سياره ووقف يسلم على شاب ..اكيد ولده .. بس غريبه هذا سلم ومشى ..
اما اخوه دخل هو وحرمه نازله من السياره اللي قبل شوي .... كان وده يتأكد ان هذا بيت اخووه ..
استنى دقايق ينتظر احد يمر عشان يسأله بس الوقت تأخر ومحد مر وقف 5 دقايق بعدها مشى ..
::::::::::::::
رواي " كنت أكآبر في هواه .. لين ضيعته بيديني "ة
::::::::::::::
دخلت الصاله وهي تضحك مع ابوها
ريم .. ابو ريم: سلام عليكم
ام ريم :وعليكم السلام .. ماشاء الله أخيرآ جيتوا
بعدين ليه تاخرتي ياريم ؟؟
ريم : سووري ماذر بس مثل ماتعرفين عنود ماتخلص لو تجلس الليل كله ... يالله برووح انام ...وتنزل الاكياس
وتطير لغرفتها مستعجله فتحت الكيس وقلبها يرجف .. طول ماهي في السياره والفضول ذابحها على ماتعرف وش فيه..
ابتسمت وهي تشوف شوكليت رآآآآيق مره.. و بطآقه صغيرة اخذتهآ وناظرت فيهآ وهي مبتسمه قرت المكتوب
((كل عام وانتي بخير وسعاده ..((مُحبك .. ماجد )).. ))
اول مره بحياته يتجرأ و يسويها معاها استغربت وبنفس الوقت طارت من الوناسه ..ضمت البطآقه لصدرها والفرحه مو سايعتها ..
تحبه تحبه وتموت فيه..
قامت وحطت البطآقه بدرجها وقفلت عليه .. ناظرت بغرفتها اللي منقلبه فووق تحت من الحوسه وقررت ترتبها قبل تنام...وبعد جهد شاق بالنسبه لها نامت ..
::::::::::::::
رواي " كنت أكآبر في هواه .. لين ضيعته بيديني "ة
::::::::::::::
ابو فهد مع زوجته في الصآله
: والله العظيم انه عبدالعزيز .. الحمد لك يارب طلع حي مو مثل ماقالووا لي
أم فهد بأستغراب : وين شفته..؟
ابو فهد بفرحه وبنفس الوقت خايف: قابلته بالاستراحه قبل شووي ..ولما طلع لحقته وعرفت مكان بيته
ام فهد بفرحه : اخيراً بعد هالسنين لقيته
ابو فهد : نفسه ماتغير نفس الوجه والمشيه والرجووله حتى نفس نبرة صوته بين الرجال
ابو فهد بأحتيار : وش رايك افكر ارووح له بكره...؟!
ام فهد : لا خله بعد بكره احسن
ابو فهد بنبرة ممزوجه بندم وحزن : آآآآآه على الله يسامحني
ام فهد : اخووك طيب وماأتوقع انه مايسامحك
ابو فهد : الله يعين اللي سوويته فيه مو هين .. المهم العيآل لايدرون بالسالفه..... هم وينهم فيه..؟؟
ام فهد : فهد كالعاده مع خويه .. والبنات في غرفهم
ابو فهد : فهد للحين برا الله يهديه بكره وراه عيد وهو يسعسع " يدور " في الشوارع
ام فهد : خله ع راحته
::::::::::::::
رواي " كنت أكآبر في هواه .. لين ضيعته بيديني "ة
::::::::::::::
الساعه 4 الفجر فزت من نومها بنشاط وحماس ..وقفت على سريرها وهي تتمغط وتناظر الشباك وتبتسم ...
نقزت وطاحت ع الارض بس بسرعه وقفت وهي تضحك على نفسها .. تسبحت وصلت.. تحس ببرد مو طبيعي ..شغلت المكيف ع الحار على الاقل يدفيها بهالجو ..
واخذت استشوارها تستشور شعرها الاسود الى نص ظهرهآ ..رن جوالها على سريرها ..لفت و أخذت جوالها
وردت وهي تستهبل : خير نعم ....ورجعت لجهة التسريحه
عنود بعصبيه : نعامه ترفسك تكلمي زين
ريم تمشط شعرها وتناظر بالمرايه : ههه هاه وش عندك..؟
عنود تسوي نفسها مسكينه : حرام عليك ابي اعيد عليك
ريم تضحك : مسرعك تو الناس.. مو الحين بعد صلاة العيد عيدي
عنود وهي تسوي نفسها عجوز : وانا فاضيه لك يابنيتي بعد الصلاه..ورانا ذبايح وخرفان وفطوور وغديات وعشيات وناس طالعه وناس داخله و
قاطعتها ريم بسرعه : داريه داريه اللي يسمعك يقول ماعمري عيدت ههه
عنود بلهجة امر : اقول جيبي معاك مناكير
ريم بتريقه :بالله .. اي واحد تريدين ايتها البرنسيسه..؟؟
عنود : ام جيبي الاحمر والاسود و الوردي و بس
ريم : وش خليتي..؟
عنود بأستهبال :مو شغلك جيبي وانتي ساكته ..يالله ضفي وجهك
ريم : انتي ماتعرفين للباقه..؟
عنود تضحك : لا ولا ابي اعرفها مخليتها لك ياأم اللباقه
ريم ترفع حاجب ومنزله حاحب: وبعدين ..سكري ابي اخلص شعري
عنود : خلصيه وأحد ماسكك
ريم : مو حضرتك قاعده تقرقرين علي ومشغلتني
عنود : اوك اوك .. يالله باي
وقفلت الخط بسرعه بوجهها
::::::::::::::
رواي " كنت أكآبر في هواه .. لين ضيعته بيديني "ة
::::::::::::::
ام ماجد تنادي بنتها من آخر الدرج : عنود ياعنوود
عنود وهي تركض وتطل من فوق : نعم يمه
ام ماجد : ساعه اناديك ..اخوك ماصحى..؟؟
عنود :كنت اكلم ماسمعتك ..اخوي ام مدري عنه
ام ماجد بعصبيه :ماشاء الله مكالمات الحين فاضيه انتي ..روحي صحيه قبل لا يجيه ابوك ويعصب علينآ
بسرعه .... وراحت للمطبخ
عنود بعصبيه تحلطم : ياحظي يعصبوون ثم ماياكلها الا انا في هالبيت ...
راحت لغرفة اخوها وفتحت الباب اول مافتحته انصمدت بموجة البرد اللي قابلتها
شغلت النوور وطفت المكيف بسرعه
عنود : ول شلون ينام ذا الناس بالبرد وهو مشغل المكيف عالبارد ..!!!!!!
راحت ووقفت عند الطاوله المخصصه للكمبيوتر تفتش في اغراضه وهي معطيته ظهرها
: نويصر قوم ابوي يبيك.... طاحت يدها على نظارته الشمسيه لبستها وهي تناظر شكلها بالمرايه وتضحك من حركاتها حذفتها عالطاوله ورجعت تفتش
: ناصر قووم ابوي يهاوش .... وتطيح عينها على ورقه متطويه من قوو الضغط عليها فتحتها وبدت تقراها بصوت عالي
: كرتون بيبسي .. اوراق بحث..اقلام حبر ازرق واخضر
:ههه ناصر انا اقول اغراضي اللي اكتبها لك وين ..؟
إلتفتت له شافته على نومته وهو مو دارى عنها راحت ووقفت عند راسه وهي ترفع اللحاف عنه وتحاول تخوفه
: ناصر ناصر ابوي جاء قوم بسرعه
هز ناصر راسه لها ورجع لنومته ..طاحت عينها على علب