ريحتي المميزة جدا بشهادة الجميع تفضلي ومنتي خسرانه

1. 2- بعد الحمام :


2. الطريقه :

السلام عليكم ورحمه الله وبركاته ..

• في البداية موضوعي قديم لكن راح اعيده للافادة خاصة انه نشر في منتديات اخرى ومثل هالمواضيع تضيع مع الارشفه..

واضمن لك تمام ان الرائحه راح تكون ثابته طول اليوم وان كنتي موظفه الكل راح يزعجك بالاسئله انتي بايش متعطرة ؟؟؟؟
اختي المسلمة .. التعطر خارج المنزل لايجوز شرعا وحرام .. وانا ابري ذمتي من كل من تستخدم طريقتي للتعطر لغير المحارم .. اللهم اني بلغت اللهم فاشهد ..

• طريقتي اخواتي تتدرج لمرحلتين ومهمين جدا لانه الاولى تهيأ الجسم والثانية تهدف لتثبيت الريحة طول اليوم المراحل هي :

1- اثناء الحمام
2- بعد الحمام
1- ادوات اثناء الحمام :

• سكراب مقشر للجسم اي نوع انا استخدم حق البودي شوب اللي بالجوز
• شور جل
• ليفه

2- بعد الحمام :

• بودي لوشن او كريم جسم ( انا استخدم لوشن جونسن اولوشن عطر ايستي لودر وايت لنن او اي مجموعه من البودي شوب ) لك الخيار حسب ميزانيتك
• عطرك المفضل
• دهن عود( احب الكمبودي من اجمل)
• بخاخات عربية استخدم من الجزيره عود ليذر وبخاخ عيار 18او اللي متوفر عندك
• بودرة الجسم وايت لنن من ايستي لودر او بودرة ماركس سبنسر الخوخ (ممكن نستغني عن البودرة)
• اي دهون عربية( الدهون تكون زيتيه غير والبخاخ رش) انا استخدم مخلطات من الياسات وممكن من اجمل مثل مسك روز او القرشي براحتك
• فحم
• بخور بالنسبة لي استخدم جميرا من ياس او بخور اسمه شي شي من انفاسك دخون (روعه) + عود اجمل او القرشي.

الطريقه :

• تدخلين الحمام وتحطين البودي سكراب على جسمك وهو ناشف بدون اي نقطه ماي على جسمك وتدلكين بطريقه دائرية من رجولك لكتفك (لانه تبع البودي شوب فيه زيوت فما راح تحتاجين تبللين جسمك في البداية) وبعدين رشي شوي ماي على جسمك وكملي تدليك واغسلي جسمك بالماي الدافي.
• حطي الشور جل عالليفة واغسلي جسمك عادي.
• البسي الروب وجسمك بعده رطب حطي اللوشن حقك واخلطي معاه نقطة دهن عود ونقطة من الدهونات مثل مسك روز مثلا..أو اي مخلط عندك.. وبخه من بخاخ الجزيره لذر عود او مخلط 18 او اي بخاخ عندك ( للتسهيل انا عندي علبة خاصه للخلط احط فيها اللوشن واخلط فيها اسهل من يدك بحيث تكفي جسمك كامل وماتتبهدلين).
• رشة من البودرة تحت الصدر وبين الفخوذ رائعه جدا لمنع الرطوبة طول اليوم تحسين انك فرش
• الخطوة المهمة الحين :
• انك تتبخرين بعد خلطه اللوشن لانة جسمك رطب وعلية خلطه اللوشن هذا راح يثبت ريحتك طول اليوم فتكونين مجهزة الفحم وتحطين قطعه بخور مع قطعه عود وتلبسين جلال الصلاة او الروب وتدخني .
• بالنسبة للملابس عطريهم وحطيهم بكبت ودخنيهم لان الكبت يكتم الريحه واي ملابس تبين ريحه العود تظل فيها بخيها بعطور ودخنيها داخل كبت تظل ريحتها عود طول اليوم.
• اخر شي بخه من عطرك المميز ..ونقطة دهن عود على الرسغ وخلف الركبة وخلف اذنك واسمعي المديح ان كنتي متزوجه

اخيرا اخواتي الحبيبيات دعوة المسلم لاخية المسلم في ظهر الغيب مستجابة بأذن الله .. دعواتكم لي
م/ن