ريم قصة تبتدي بإسم ريم قصة واقعية

السلام عليكم
اخواتي الغاليات
اقرأوها بروية
لعلكم تفهمون
ما فهمته
. . . . . . .
الحكايه ببتديها ب اسم ريم
بنت ماتت مالها عشرين صيف
ماعرفت طبع الحريم
همها تجمع اوراق الخريف
لين يبقى حوش منزلهم نظيف
.. ريم ..
كانت تحس بالم
وهي تكابر ماشتكت
وهي تكابر مابكت
فيه امل انها تطيب
لين طاحت
ايه طاحت
وودوها طبيب
.. ريم ..
قال حامل توها باول شهر
لاتشيل اشياء ثقيله
وامنعوها من السهر
!! .. ريم ..!!
كيف حامل والبنت عذراء؟
قال انت ابوها وانت ادراء
يمكن اخطت مع حبيب .
قام ابوها وما تكلم
ناسين منهي وشنهي
ماذكر انها وحيده
مالها اخوان وخوات
.. ريم ..
صدى عنها وماسالها
مادرت وش ف الحكايه
تساله وهي تبسم
يايبه وش قال فيني ؟
ليه ماتبغى تعلم؟
وش يقول فيني الطبيب؟
يايبه تكفى تكلم
يايبه قلي فديتك
غير الوجهه وطول
كان في النيه عجل
واسالت ريم بخجل
يايبه ضيعت بيتك
.. ريم ..
وقف الموتر وحول
ثم مسكها مع شعرها
ومال عنها ثم نحرها
وغرقت ريم في دمها
واضلم اليل وقبرها
يوه كانه ماعرفها
شك فيها وفي شرفها
ياقسى قلوب الرجال
صدقت حتى الخيال
.. ريم ..
حتى ماتت مابكوها
مادرت كيف اضلموها
وماسالت ليه وانكروها
وماسالت ليه اطعنوها
وليه يقتلها ابوها
.. ريم ..
وبعد ماماتت بيوم
وقبل يذن لاالظهر
رن هاتف بيتها
رد ابوها . قالو بيت ريم
ابشرك طلع تحليل بنتك سليم
بس غلطنا بالاسامي
وشف ملف بنتك امامي
بنتك معها زايده
مادرى ان ابوها قتلها
يوه لو انه سالها
.. ريم ..
هذا وانا اكتبها ماتحمل
كيف من صارت له تحمل
ياكبرها من مصيبه
ماعرفت معنى حبيبه
وكانت الحظه قريبه
واخذوها وماتهنتى
شفتو وش كبر لمصيبه
.. ريم ..
وانا اسمع سالفتها
اتخيلها سعيده
وقول ياليت الها
اخو
وياليت الناس بقصتها
عرفو
ياريم ياريم ياريم
هو صحيح انتي انظلمتي
لكن بدمك رسمتي
احلا لوحات الطهاره
ياخسارتنا خساره
رحتي انتي
.. ريم ..
وانا اسمع قصتك ياريم ساكت
لين قالو ريم ماتت
ماقدرت انقط بحرف
بس سالت دمعي
من بعدها ابتسمت
الله يرحم هالشريفه
اطعنوها في عرضها
وهي عند الله نظيفه
.. ريم ..
وكثرت فصول الروايه
والشرف مثل المرايه
لو ينخدش صعب يتصلح
وكل من يخطي عرف
ان الشرف هو الشرف
.. ريم ..
ماسالت ليه بالظلم ذبحوها
وماسالت ليه بالشك جرحوها
وهي مثل كل الحريم
والحكايه تنتهي في قبر ريم
.. ري م ..
كتبها .. محمد العتيبي
يقولون إن القصة واقعية
وإن لم تكن كذلك
فهي
من
الواقع
منقول
لأنها ابكتني
لأنها ابهرتني
لأنها علمتني
وش معنى الشرف .. !!!