زمان الغدر

صيف هذا العام أسوأ صيف عشته في حياتي..
باختصار أكثر: مررت بمرحله جدا حزينه
كنت عايش في صراع كبير من ذاتي لذاتي..!
كنت ضايق واشعر اني بعد ضيقت المدينه؟!
كنت أخطط وانتظر صيف السنه هذي واحاتي،،لجل أعيش أجمل (اجازةحب) مابيني وبينه الحبيب اللي من أول كان أجمل ذكرياتي..
وصار أبشع ذاكره في داخل أعماقي دفينه..
كانت أشوى لوصدمني فجأه بغير أمنياتي..ولاأموت بأمنياتي غدر من طعنة يمينه..
ضيق الدنيابعيني صدق واحترت بجهاتي كنت أشبه ماأكون بحال قبطان السفينه..
لاأرتفع موج البحر والريح هبت والتفاتي كان عكس الاتجاه اللي يحسس بالسكينه..
راكبين اثنين عرض البحر والمركب مواتي للغرق او واحد منا يضحي عن ضنينه..
يعني كان الحل واحد يا مماته يامماتي..!
البلا في ناتج الحلين اموت من الغبينه..
قال؛ويش الحل قلت:التضحيه من واجباتي..
لازم أضحي عشان اعطيك بعض الطمأنينه..
قال:افرض لو خذاك البحر قلت:اعلن وفاتي قول مات فلان لجل اعيش والمولى يعينه..
قال:طيب لارحت وشلون بتهنى بمباتي؟!
قلت:فكرفي رجوعي بس وانطرني لحينه..
وانتبه تنسى وتكفى كل شي الاوصاتي..انتبه للقلب تكفى..
قال:في ايدي امينه..
قمت اودعه بسكات ودمعتي تشرح سكاتي..
ماذبحني صدق الا يوم انا اقبل جبينه وارمي نفسي للبحر واختل في موجةثباتي..
والبحر لبعيد اخذني وصرت لامواجه رهينه..
لكن الله مد في عمري ونجاني بصلاتي ماوعيت إلا وانا مابين شط وبين طينه..
والحبيب اللي نجا ماكان متوقع نجاتي جيت من بعد الغياب المر ادور عن حنينه..
مالقيته في المدينه وانشغل بالي واحاتي..
ورحت من باب انشغالي أسأل الجيران وينه؟؟!
قيل:سافر في اجازة حب دام الصيف آتي جاه غيرك ياخذه من قبل يومين بيدينه ..
وقتها دنقت راسي حزن حسيت بشتاتي وقتها حسيت نفسي طفل اهله بايعينه..
وش حصل لابن اللذين؟!
ولاأنا وش هي سواتي؟!
ماتقول إلاكأني ذابحله والدينه ذا وأنااللي لجل عينه مابخلت بتضحياتي..
والقهر لابارك الله فيه مابين بعينه دام حتى ماحفظلي عشرتي واحسن جزاتي..
وش بارجي منه لابو عشرته لابو سنينه..
كان هذا احساسي اللي دوم اعيشه وسط ذاتي والا انا ماجيت بحر وماني قبطان السفينه..
بس،،،
انااللي كنت اخطط لجل احقق امنياتي في اجازة صيف ضاعت غدر من طعنة يمينه..
رحت بيتي مامعاي إلا أقلب ذكرياتي وأقفل الغرفه علي واسمع أغاني حزينه..
لجل ذلك كان هذا الصيف الأسوأ في حياتي لجل ذلك كنت أتعس شخص عايش في المدينه
وش رايكم فيها ردولي؟؟!