زوجك زعلان الهديه لها اثر السحر ادخلي واقرائي قصتي

الهديه ,, افضل حل لحل الخلاف
بنات هذا الموضوع مو منقول من منتدى ثاني
وانما تجربه شخصيه مني وحبيت افيدكم بها للي تحب تطبقها
والتجربه تتلخص في القصه:
مره كان بيننا اختلاف وهذي تحصل طبيعي بس المشكله العناد لم كل واحد يعاند من طرفه وما يبي يتنازل
فكرت مع نفسي وقلت لو امتد العناد راح تطول المسأله( خصوصا اذا في راسك موضوع او مشروع بتسوينه او حتى طلعه او زياره او سفريه ،،مراح ينفع وهو زعلان اكيد بيرفض فاستغلي هالفرصه وخليها لصالحك)
ايش سويت ؟؟
اتفقت مع محل زهور لترتيب باقة ورد كبيره وفيها بطاقة اعتذار وقلت لهم يكتبون اخرها توقيع (( الي زعلان انت منها ))خ
واعطيتهم عنوانه بالعمل يوصلونها له
وفعلا دق علي المحل وقال وصلنا الطلب ،، وقتها فرحت وبرضه ما تصلت فيه ضليت مكابره << يعنني
وصحيت عادي الظهر اخذت دوش ولبست بنطلون جينز لانه يحبه وبلوزه تبين الاكتاف والرقبه << مخططه لبوسه ههه
وحطيت لوشن انا مخصصته للوقت الحميم ( صار عارف لما يشم هالعطر يعرف ان فيه الليله حل للواجب )
طبعا اغير الريحه بس هاللوشن بين فتره وفتر احطه لاني شفت تاثيره المو طبيعي عليه فاستغليت هالنقطه
المهم جهزت الغدا وبخرت البيت
ويوم سمعت صوت المفتاح بالباب ركضت للمطبخ وسويت نفسي احرك الاكل واجهز سفرة الغدا ( انا كان قصدي يدخل المطبخ وكأني مو منتبهه لوجوده ) خ ان كيدهن عظيم
وفعلا دخل المطبخ والظاهر انه نسي اننا زعلانين (( طبعا من تأثير الهديه ))
على طول حضن من الخلف وبوسه بالرقبه ( عشان كذا اخترت بلوزه قصة الصدر نازله )
سويت نفسي انفجعت يعنني ما دريت قام يسمي علي (انبسطت داخليا )
ويوم التفت عليه ولا هو شايل باقة الورد ويبتسم ويوم ابتسمت له قام اعتذر ويشكرني على هالهديه والطريقه الغير متوقعه
يقول كل زملاه انقهروا منه ولا واحد وصلته هديه على العمل من يوم عرفهم بالعمل ,, وبعدين ...................
باقي القصه مشفره
وتوته توته خلص ت الحدوته
،
،
،
هاه ايش رايكم ؟؟؟