زوجي تزوج علي ساعدوني

حسبي الله ونعم الوكيل ..... ودي اساعدك ياوخيتي بس انا موب متزوجه يعني عديمة خبره بهالاشياء
بس اللي اشوفه انك ماقصرتي معه بشيء لكن اللي اقوله لك حاولي انك تحبين هالزوجه واياك انك تسبينها او تتكلمين عنها بشيء سيء قدام زوجك ... لانه كلما سبيتيها او حسستيه انك تكرهينها كلما بدأ الرجال يميل لها اكثر .... ويبتعد عنك اكثر
والله ودي اساعدك بس اكيد الفراشات موب مقصرات معك ....
والله يعينك ويساعدك ويوسع صدرك...

و عليكم السلام ورحمة الله وبركاته
مرحبا حبيبتي
اول شي اقدم لج احلى واجمل باقة ورد صراحة ع الصبر اللي صبرتيه ..انا لو كنت مكانج ماظن بتحمل ...
بس شوفي حبيبتي.... بما انج تطلعين طلعات معاه هو وحرمته..حاولي تتأقلمين معاهم..بس في نفس الوقت تلاحظين سلوك حرمته او طريقتها ف التعامل معاه....ولاحظي هي في شو مقصره وانتي انتهزي هالشي لصالحج..يعني اي شي هي ماتسويه انتي سويه...عشان تكونين مب مقصره في شي..طبعا نفس ماقلتي ... والريال يدور حتى يهتم فيه من الالف الى الياء
مثلا..انتي تعرفين دوام ريلج متى يخلص... اتصليبه وقوليله ها حبيبي شو الدوام شو سويت ان شالله مرتاح ..الله يوفقك دوم ان شالله ... يعني كذا ..
واعزميه مثلا ع العشا..ذكريه بايام الخطوبه ..او بايام شهر العسل..طبعا خلي عيالج يتعشون معاكم.. وعقب مثلا قوليله بترقدينهم وشغليله شي هو يحبه.. لين ماتنومين العيال...
وبعدين اتعدليله..حسسيه انج بعدج تحبينه رغم انه تزوج عليج... خليج طبيعيه.. بينيله انج مهمته فيه بعدج .. وانج تدورين راحته..خلي قلبه ينبض نفس ماكان ينبض لج قبل... لا تحاولين تطلعين اي كلمة تضايقه ..ان قالج شي قولي ان شالله تحملي قد ماتقدرين ..
وبطريقتج كلميه انه يعدل امبينكم..يعني يوم عندج ويوم عندها .. كذا احسن
واذا كان كلامي غلط اسمحيلي ترا بعدني ماعرست...بس حبيت افيدج حبيبتي .. وان شالله زوجج يرجع لج يارب او يعدل امبينكم
الله يوفقج عزيزتي

الله يساعدك ويحملك الصبر انشالله وهذا كله في ميزان حساناتك لان اجرك راح يضاعف باذن الله لانك صابره.
عزيزتي .. أول شي لازم تعرفينه وتؤمنين فيه ان الزواج قسمه ونصيب ، الله كاتب لزوجك انه يتزوج أكثر من وحده بحياته ، والله كاتب للأرمله زوج ثاني ، والله كاتب لك ان تتزوجين شخص بالصفات اللي ذكرتيها.
انا راح اكلمك باسلوب فلسفي شويه واتمنى انك تتقبلينه مني .. دايما انظري للأمور المتعبه الكريهه من ناحيه ايجابيه حتى تتقلبينها ،، مثلا زواج زوجك عليج هذا امر سلبي ولكن في نفس الوقت لازم في شي ايجابي حاولي تفكرين فيه اكثر وتبحثين عنه.
واذا كان زوجك يحب زوجته الثانيه اكثر او انه يفضلها ،، معناها ان في شي تسويه الثانيه مو موجود فيك ومهما كان الناس درجات وقدرات مختلفه لان انتي بعد فيك شي مو موجود بالزوجه الثانيه . خلي ثقتك بنفسك كبيره لان مافي احد احسن من الثاني حبيبتي ... كل واحد فينا فيه الايجابيات والسلبيات. حاولي تتقربين من زوجته الثانيه لكن بخطوات بطيئه وحاولي تكونين معاها مثل الصديقه ولازم يكون الشي هذا جدامه حتى يحس ان فيه الفه بينكم حتى وان كانت معاك قاسيه وعنيفه انتي تكونين معاها طيبه وتبرين ذمتج جدام الله ... صدقيني مع الوقت راح تخجل من نفسها وراح تبدا تعاملك مثل ما تعاملينها.
اذا كان زوجك يؤمن ويهتم بالجوانب الدينيه وحقوق الزوجه ... اذا قعدتي معاه ذكريه بعقوبة اللي ما يعدل بين الزوجتين .. اكيد راح يعارض كلامك ويقول انه عادل عاد انتي جهزي له كم موقف سواه وضايقك. ما في احسن من المصارحه بين الطرفين لكن بشرط باسلوب ودي وبجو هادي وودي بعد.
عليك بالدعاء له بالهدايه .. وقراءة المعوذات عليه وهو نايم جنبك . صدقيني آيات الله مفعولها قوي على البني آدم وراح تلاحظين الفرق من اول يوم انشالله.
وآخر شي .. حطي ببالك انك لا اول وحده ولا آخر وحده تزوج زوجها عليها والحمدلله انه مازال مهتم ببيته وعياله ولو انه ما يعاملك بالطريقه اللي تحبينها ،، وتذكري شي بعد انك احسن من غيرك لان امورك هاديه وما فيه مشاكل او محاكم او حتى قضايا.
الله يعينك ويوفقك انشالله ويعوضك خير.
وعسى ان تكرهوا شيئا وهو خير لكم ... وعسى ان تحبوا شيئا وهو شر لكم
اتمنى ما طولت عليك بالاجابه ..
.

لا تزعلين يا عمري
وان شاء الله ماكو شي عند الله يضيع واجرج على الله
انا من رأي الطيب يغلب الطبيب لا تخليه يحس انج ما تحبينها او تكرهينها بالعكس
ممثلا لو شريتي حقج شي اشتري لها نفس الشي ومثلي امامه ان مو هامج انه متزوجها
وراويه ثقتج بنفسج زيادة
صدقيني والله العظيم حتى لو ما هدها رح يحبج زيادة من طيبج واخلاقج
جربي وادعيلي

والله لم يبق حب و لا شئ بدأت أخاف من الزواج عامليها عادي وإهتمي بنفسك و لا تتعصبي ستدمرين صحتك و أولادك تعامل مع الموضوع طبيعيا فهذا هو رأيي أختي و تظهرين حبك الزائد فالرجال يحبون المرأة التي لا تحس بهم على ما أرى .

الله يعينج اختي واصبري وانا عندي اقتراح شو رايج تقترحين عليه انكم تطلعون بروحكم انتي وزوجح فقط والاولاد خليهم عند اهلج او اهله وسيروا تمشوا على البحر او الكورنيش وتفاهمي وياه واساليه انا مقصرة معاك بشي وانت شو شايف فيها شي احسن مني وانا اصير مثلها واحسن ومن هذا الكلام مع دلع وبوسه وامسكي ايده وان شاء الله مرة بعد مرة بيرجع لج وبينساها شريرة انا صح ههه بس انا الصراحة اموت ولا اشوف زوجي مع وحدة غيري بذبحه وهيه بقطعها قطع وبعق لحمها للكلاب والقطط

ما عندي كلام بس الله يربط على قلبك .. اي كلام اقوله ما راح يعبر عن الي حصلك ربنا يعينك ويثبتك ويصبرك وما يضيع لك اجر

غريبة زوجك ما عنده اي مشاعر ناحيتك يعني انتي حامل وما يراعي مشكلتك وبعد يتزوج ارملة بعني هوه فضى نفسه للاولى عشان يلحق على وحدة ثانية اللع يعينك ويصبرك بس اكيد في سبب دفعه للزواج من اخرى والله اعلم ما هو

almafroood ma yejberek enni te5roje ma3aha..eish hada ma yeseeeeeeeeer!!!!!!!!! ya allah allahhhhhhhh ye3eneek..ana 3an nafsii eza agdar a3eesh bedoono a7san mn keda..ba3ad al7ob o al seeneen fe la7tha yetzawaj o yenba9e6...its not fair