زوجي تزوج علي

1. احطه هنا وانا كلي امل انكم بتتحملوني

السلام عليكم
كيفكم ياغاليات...
والله الي بكتبه هنا تحملوه مني لاني ارتاح لكم حيل واي شي احس فيه ومااقدر اقوله لاحد

احطه هنا وانا كلي امل انكم بتتحملوني

يابنات شوفو حالتي الي كانت حاله زوجي يقولي بتزوج عليك اليوم وانا من شدة ذهولي بدون ردة فعل ويوم راح وتركني شوي ابكي وشوي اسكت واقول ولا يهمني وشوي اقول انا احبه وماراح اتنازل عنه وبفكر في خطط اخليه ينسى الزواج
بس للاسف مافي وقت تزوج والمشكله ان اهلي واهله ماعارضو وشافو انه من حقه انه يتزوج وكاني قصرت معاه بشي والي يقهر سكنها فوقي
واهلي حضرو زواجه وخلوني لوحدي في البيت احساس مر وانا لحالي وهو حوله الناس
انا اعزي نفسي وهو الناس يباركون لي انا ابكي وهو يضحك
وبعد 3 ايام دق علي وقال بيجي يتقهوى معاي وانا قلت لا
وجاء بدون مايحترم رغبتي اني ماابغى اشوفه وجاني كاشخ ومستانس وانا بثوب البيت وعيوني مورمه من البكى
وهنا ماتحملت
والله بكيت بكى يذوب الصخر
وصحيت من حلمي الي كان كابوس وزوجي كان جنبي وكملت بكا طلع كل هذا حلم
اه لوصار صدق كنت بموت على طول
هذا كان حلمي الي نكد علي يوم امس كله والله ماكنت طايقه زوجي يقرب مني وكانه صدق نوى يتزوج
قولو امين
الله لايخلينا نذوق هالاحساس وضيم الزواج الثاني
والي متزوج عليها الله يصبرها ويعينها ويقويها
انا مجرد الفكره تخنقني ويمكن لوصار حقيقي بموت بمجرد ما يخطب