زوجي تغير علي انصحوني

عزيزاتي الفراشات،
أعرف إني أنا السبب لأني أهملته وايد بعد ما كنت مهتمة فيه والسبب إن وظيفتي خذتني منه فكرت إني أهد الشغل وأجلس في البيت لكني أتذكر يوم أسأله عن المعاش ويذلني لين يعطيني وأقول لا الله لا يرد هاك الأيام .
وتغير آخر فترة لسبب وهو لما كان يعاشرني ما كنت أقدر أستجيب له وبينت إني مضايقة لأن قبلها عصب علي لأني في هذا اليوم كنت في بيت جدي وهو يوم التجمع العائلي وقال لي أبغيج تردين بسرعة واتأخرت تقريبا ساعة عن الموعد إلي قال لي لكني ما وعدته إني راح أكون في نفس الوقت رادة البيتز
واعتذرت له اليوم الثاني وقال لي إنه مب زعلان بس ابغيج تحسين فيه ووعدته خير.
وألحين كل ما أجرب منه مايبدي رغبة أو حتى على الأقل يقرب مني عند النوم وأنا وايد مضايقة ما أعرف كيف أتصرف مع إنه ما يرد لي طلب. وساعات اييني الوسواس إنه يمكن يكلم أحد وأنا لاحظت منه هذا التغيير قبل لا تصير هذه المشكلة.
أفيدوني خواتي الفراشات بنصايح أغير فيه الوضع وأنا أعرف إنه لين ألحين يحبني بس ليش هذا التصرف؟ .