زوجي ثقيل ثقيل ثقيل ثقيل لدرجة ودي اطلق منه

1. زوجي عمره 32 وانا 25 اول زواج لي


2. ياخذ اسبوعين مايدق ولا يسال ولا اسالو يقول انا مشغول


3. من نص رمضان الا يومنا هذا اخر شوال


4. راح قلي دقيقتين واكلمك

السلام عليكم
اول شي اتمنى الردود تكون مو قاسيه لان انا نفسيتي حيل تعبانه ولاني عارفه وش اسوي
بحكيكم القصه بيني وبين زوجي كامله
انا الحين بفترة ملكه لي الحين متملكه اربعه شهور
طبعا زوجي مطلق وعنده بنت واشترط انه بنته تعيش معانا وانا وافقت

زوجي عمره 32 وانا 25 اول زواج لي

بشهر ثمنيه صار بيني وبينه خلاف سوء تفاهم وانقطع بيننا الاتصال وعلمت اخوي بالسالفه ودق عليه ولا رد زوجي لانه مايعرف رقمه زي مايقول هو
واستمرت المقاطعه اسبوعين قبل دخول رمضان ارسلت له رساله رمضانيه وردها لي وبنفس اليوم بالليل دق وانا مارديت لاني كنت نايمه رجعت ثاني يوم ادق ومارد ؟؟؟ هنا هو يستخدم النديه ويعاملني بنفس المعامله ولا يدري ليش انا مارديت ......
جاني بنص رمضان واتصالحنا وكل شي وتصافت القلوب على قولته
ومن بعدها يابنات انواع الثقل

ياخذ اسبوعين مايدق ولا يسال ولا اسالو يقول انا مشغول

من نص رمضان الا يومنا هذا اخر شوال

ارسلتو على اخر رمضان لاتسالنى كيف احببتك لانى حبيتك بس اسالنى كيف محتاجتك لانى فعلا محتاجه لك رد عليا ؟؟؟ اتبعي مشاعرك ارسلتله كيف يعني .. ارسل يعنى الانسان لما يبغى يوصل لشي لازم يسعى له هههاي مره ضحكني اقوله محتاجتك ردلي لازم تسعين عشان توصلين للشي مدري كيف يفكر يعني لازم اجاهد عشان اوصله واقوله محتاجتك صدق مريض
جانى بالعيد وعيد عليا بعد بكم يوم ارسلتلو انا متضايقه وجالسه ابكي ارسلي ليش الله يهديك ارسلتلو مدري محتاجتك وطنشني ؟ فعلا عديم احساس
مشيتها
واستمر على تطنيشه بحجة انه مشغول
قلتله انت مشغول اربعه وعشرين ساعه لو تبغى تفضى لي بتفضالي
ومشت الامور على التطنيش ولا يتصل ولايدري عني
الاسبوع الي فات ارسلتلو الشي الي بيني وبينك زاد عن حده ولازم طرف ثالث يدخل بيننا ويحكم

راح قلي دقيقتين واكلمك

وجلس يقولى انتي لازم تقدر ضروفي وانا فعلا مشغول وجالس يقولى 8 ساعات شغل و8 ساعات نوم وساعتين لامي وساعتين لاخواني وساعتين لبنتي باقي ساعتين خلاص بعطيك هيا ؟ سلامات انا اشحذ منك مثلا ؟؟ قلتله انا طلبتك قلتلك ابي الساعتين ليش تتصدق علي جالس فيها وينك من اول مافكرت بالساعتين هذي الحين بديت تفكر فيها
رح قلي زوجتي الاولى ابدا ماكان عندها اعتراض لما انا كنت مشغول وكنت اقولها بعد الزواج لكي ساعتين بس بحكم شغلي وكانت راضيه طيب انا وش دخلني فيها ليش يقعد يقارن بيني وبينها ؟ وربي كنت بقوله لو انها راضيه ماطلبت منك الطلاق وماتبيك بس سسكت عشان مااجرحه
قلي حتى بكره يمكن تكلمي السكرتير عشان توصليلي قلتله عمر الشهادات ماكبرت احد ولاتفكر انك جامعي اعلى مني مستوى لا ياحبيبي ماينقال لي هالكلام راح قال امزح معاكي عموما انتى فكري وقدري ضروفي وانا والله شاريك فكري بعقلك ورديلي قلت اوكيه وقفلنا قلت يمكن فعلا مشغول خلينى اقدره هالكلام يوم الاثنين بالليل ارسلتو يوم الاربعاء رساله بالصباح وهو رايح للدوام اتصل يسلم
وبعدها تطنيشش الين اليوم السبت طيب هو خميس وجمعه اجازه وينه مايتصل ؟؟؟؟؟
اشلون اتصصرف معاه انا احس انى عفته خلاص مرره شايف نفسه
للعلم انه جالس يبنى شقته الي بنسكن فيها ويجمع مبلغ للزواج
مره يبغانى اقعد اجرري وراه وانا اتصل بنات فعلا هالرجال مو طبيعي مدري شلون يتعامل معي كذا
انا خايفه اندم واتزوجه واخسر تتوقعون ليش يتصرف معايا كذا
افيدوني جزاكم الله خير
الموضوع موضوعي وانا كاتبه بلونين عشان ماتملوون