زوجي مو صايقني ولا طايق يطالع في وجهي

بسم الله الرحمن الرحيم
أنا متزوجة من فترة .. وحياتي كانت ماشية الحمد لله مثلي مثل العالم
إلين ما جاء ذاك اليوم المنحوس وذيك الساعة المنحوسة
كانت أعصابي تعبانة مرة من بعض تصرفات زوجي
لدرجة إني تكلمت عليه بكلام جارح جدا جدا
ما يقوله انسان عاقل
ورفعت صوتي عليه
والله كلما تذكرت كلامي أتندم على كل حرف قلته
زوجي خلاص أخذ مني موقف وصار ما يطيق يشوف وجهي
يعاملني بشدة وجفاء
طول الوقت طالع وإن جاء البيت ما يكلمني ويقفل الباب على نفسه
وتاركني لحالي وإن كلمني من طرف خشم
قسم بالله حالتي حاله ونفسيتي زفت
صار ما يجلس بالبيت أبدا
وأنا ما ألومه أبدا باللي يسويه فيني
قليل في حقي
أنا عندي اختبارات الأيام الجاية
ما أدري كيف بتجيني نفس أفتح الكتب وأذاكر
يا ناس حياتي انقلبت 180 درجة
زوجي مو طايقني وكارهني
أنا أعترف أغلطت في حقه .. لكن مو عارفة كيف أصلح خطأي
كلمته واعتذرت منه .. لكن للأسف كلامي ما فاد ..
الموضوع صارله تقريبا أسبوعين أو أكثر
تكفون ساعدوني حياتي ممكن تنهدم لا سمح الله
( لا حول ولا قوة إلا بالله )