زوجي وحلى الجيلي

ان شاء الله البناات يفيدوونك

شوفي حبيبتي اذا قصدك حلى فيه بسكوت وجلى فاسمه التشيز كيك وهذي صوره له
المقادير :
1 بسكوت اولكر تبع الشاي
1 اصبع زبده
2 دريم ويب
فنجان شاي ونص حليب سائل
8 حبات جبنه كيري
3 ملاعق كبيره سكر
علبه قشطه اي نوع عندك
2 بكيت جلى فروله او توت
1 كوب ماء ساخن
الطريقه :
اول شي تطحنى بسكوت اولكر في الخلاط لما يصير ناعم وتاخذي الزبده طبعا تكونين منزلتها من فتره من الفريز عشان تذوب او اذا كنتي مستعجله حطيها على النار لما تذوب واخلطيها مع البسكوت المطحون وخذي صينيه وافردي البسكوت فيه واضغطي عليه بيدك واتركيه على جنب بعدين جيبي الدريم ويب وحطيه في الخلاط وحطي معها الحليب السائل وخليه يخلط لما يتكاثف بعدين حطي عليه الجبن الكيري والقشطه والسكر وخليه يخلط زين بعدين افرديه شوي شوي على البسكوت ودخليه الثلاجه لمده ساعه او ساعه ونص بعد ماتمر الساعه خذي الجلى وحطيه بزيديه واضيفي له الماء الساخن وحركيه لما يذوب وطلعي الصينيه من الثلاجه وحطي الجلى عليها شوي شوي بالملعقه لما تخلص كميه الجلى وارجعي دخليه الثلاجه من جديد لما يتماسك الجلى وبالعافيه على قلبك

مشكوره حبيبتي هو زي كده بس من فوق الجلي مخلوط مع بعض ويصير لونه وردي زي الايس كريم المقلم