زوجي يحب التغيير ابي مساعدتكم

شوفي يا عزيزتي المعجنات تنقسم لثلاث قسام رئيسية
بيتزا فطاير وانواع الحلا مثل خلية نحل وسينامون ودونات العجينة وحده لكل الاشكال
عجينتي عبارة عن ملعقة خميرة ملعقة بكنج بودر ملعقتين سكر رشة ملح ربع كاس زيت كاس لبن اضربهم في الخلاط الكهربائي لحد مايكتزجون مره ثم احط كاس دقيق واكمل خفق بعدين ابدا اضيف الدقيق واعجن بيدي الين تتماسك العجينه
نجي للبيتزا عندك البيتزا العادية المتعارف عليها والبيتزا السريعة هذي ما أعرف طريقتها وانت وشطارتك في البيتزا غيري الخلطة اللي فوق غيري طريقة التشكيل
الفطائر عندك الفطاير العادية تصلحينها وتحشينها بأي حشوه تحبين جبن سادة جبن مع زعتر جبن مالح مع بقدونس جبن مع فلفل بارد.. دجاج... خضار... لحم..
تقدرين تصلحين عش البلبل تفردين العجينه في الصينية وتدهنينها بلبنه واذا طلعتيها من الفرن تحطين فوقها عسل
او تكورين العجينه وتحطينها في الة الساندويتش او الة الشوي بعدين تحشينها
او تصلحين كورسان
او تخبزينها بعدين تحشينها يعني الانواع كثيرة
تقدرين تصلحين بها دونات تقلينها بعدين ترشين فوقها سكر مطحون او شوكولاته
خلية نحل عادية تصلحينها وترشين عليها شيره او تحشينها وتكورينها في دارسين مطحون و تحطينها في صينية الكيك المجوفة من الوسط ولما تطلعينها ترشين عليها حليب مركز <<<< اتمنى يكون وصفي واضح
وعندك سينامون ماشاء الله طريقته في كل مكان
هذا اللي عندي بالنسبة للمعجنات
اما الحلا الفراشات ما يقصرون ادخلي قسم الحلويات وطبي وتخيري

لحظة حنان تسلمي على الرد
وينكم افيدونا
اي وحدة عندها حركات لا تبخل

وانا بعد زوجي كذا يحب التنويع بصراحه اتعبب وصرت اسوي اللي اقدر عليه
وهو ياكل ويروح يكمل عند امه الله يخليها له فاكه ازمتي

سلام
الحين قصدك تبغي افكار للتقديم ولا انواع حلى جديده ؟؟
يعني شكل ولا طعم

الشكر لكم ياحبوبات
غزوة تبوك ابي شكل و طعم ..عاد مايصير شكل بس بعدين حيصير من بره هالله هالله و من جوا يعلم الله
ولا طعم بس مهي العين تاكل قبل الفم>>>>>اقول بلى فلسفة
يعني يكون الاكل مشهي و يفتح النفس و طعم لذيذ و حيكون اروع اذا كان شي جديد
لازم الاثنين سوا

شوفي يانرمين انا والله لو اعرف انزل صور كان نزلت لك بس والله ماأعرف بس اقولك على طبخات وانتي شوفيها بقوقل
على فكره ترى انا اخت اولاد يعني عارفه ايش يعجبهم
انصحك بالمسخنه وكمان تبدعي بالصوص وترى مره سهله يعني تسوي مثلا شي مشوي او بطاطس وتسوي صوص او طحينيه زي هذي مثال انا مجربته واعجبهم
ثوم ولبن اكتيفيا ابوريال وطحينيه سائله وشويه ملح وبعدين بالخلاط طعمها مره حلو
وكمان نوع من التغيير سوي سمبوسه مو قلي بالفرن وشوفي حلا دوار الشمس مره حلو شكل وطعم
وسوي كفته البطاطس وحطي فوقها العمدان (ان شاء الله تكوني فهمتيني ) والسلطات كثري منها
والعصير سوي فيه حركات مثلا مصاصات بأشكال كشخه والفواكه خلي لها نصيب
ولو تروحي محلات البلاستيك تختاري صحون للتقديم لان الشكل مره يأثر
ان شاء الله انك استفدتي مني ولو بمعلومه وحده وان شاء الله اذا تذكرت شي راح اكتبه

حركاتك خطيرة ياغزوة تبوك
تسلمين ياقلبي

طبخات سهلة وحلوة
وإتصفي قسم الطبخ ×××××× فيه طبخات مره روعة وسهلة

يسلموا يالغلا