زوجي يسوي شئ مريب اللي عندها خبرة تقولي

1. بصراحة جدي وجدتي يحبوني أكثر أحفادهم بحكم


2. تخيلوا اذا دخلت عليه فجأة أحصله يبكي أقول وش فيك يقول ولا شئ

السلام عليكم
بصراحة أنا مسجلة بنيم جديد عشان أنا معروفة
بالمنتدى
أنا بقول لكم قصتي من البداية
عشت يتيمه من عمري 5سنوات حصل حادث لأبي وأمي وأخوي الصغير ومات أبي وأخي وقت الحادث
رحمة الله عليهم أما أمي جلست في المستشفى
شهرين ولحقت بأبوي وأخوي الله يرحمهم ويوسع
لهم
ربتني جدتي وجدي من ناحية أبي وكنت في الإجازات والأعياد أروح لأجدادي من جهة أمي يوم كنت صغيرة

بصراحة جدي وجدتي يحبوني أكثر أحفادهم بحكم

ظروفي وماعمرهم قصروا معي بشئ حتى أعمامي بس تعرفون معنى اليتم شئ صعب درست الإبتدائي والمتوسط وانخطبت بعد ماكملت المتوسط يعني عمري 15 داخله على 16
من ولد عمي عمره23سنة وهو معلم وشاورني جدي وقال على راحتك فكري كنت مترددة وبعد شهر قلت لجدتي موافقة ومثل ماتعرفون تمت النظرة الشرعية والأسبوع اللي بعد النظرة كانت الملكة بعدين ابتدت الدراسة ودخلت على أول ثانوي بس درست شهرين وبعدها تم العرس
صح كنت صغيرة بس الحمدلله كنت فاهمة وجدتي كانت مثل أمي علمتني على أشياء ماكنت أعرفها بالحياه المهم حولت انتساب في المدرسة وسافرت مع زوجي الى المدينة اللي كان يدّرس فيها
بس الحمدلله كاان انسان طيب وأخلاقه عاليه ومحافظ على الصلاة ومن البيت للمدرسة ماعنده خرابيط ولا شئ
ومتفهم وحنون وكل شئ فيه حلو
بس فيه شئ محيرني بصراحة أنا الحين لي سنتين متزوجة منه وماعمره تكلم عليه ولا جرحني
ولا قصر معي وعلاقتي بأمه وخواته جيده اصلا مانتقابل إلا في الإجازات وهو أكبر اخوانه
أول ماتزوجنا ورحنا قال ابي منك طلب قلت وشو قال أغيّر اسمك من ريم إلى حنان سألته وتحجج بأن اسم ريم مو عاجبه واسم حنان لايق عليك
قلت تكفى الا اسمي الذكرى اللي تركوها ابي وامي .... وبعد محاولات وافقت وغيّرت اسمي لحنان...
كنا علاقتنا تمام بس والله يافراشات فيه شئ غريب
يحصل احترت وشو
من أول ماتزوجته وهو على ذالحال حسيت انه كان يحب وحده بس قلت ماعمري شفت عليه شئ

تخيلوا اذا دخلت عليه فجأة أحصله يبكي أقول وش فيك يقول ولا شئ

تخيلوا ليلة الزواج يوم رحنا الفندق وقرب مني وفج؟أة دمعت عيونه قلت ايش فيه قال لا بس من شعرك دخل عيني وانا متأكده مادخل عينه شئ
ومرره كنت اجهز قهوة في العصر وبعدين كان هو في الصالة وكان مسوي يتصفح ويوم حطيت الترمس والفناجين على الطاولة رفع وجه عيونه يابنات حمر باين الدموع بصراحة عصبت وقلت وش فيك يابن الناس حيرتني معك قال وش فيه عيوني تعابن من أول ماتزوجنا وعيوني كذا.
تخيلوا ننام مع بعض وأحيانا فجأة يبعد عني أقول وش فيك يقول ولا شئ بس شوي ويرجع كانه ما سوى شئ مدري حركات يسويها فجأة غريبة أحيانا أخاف فجاة اطالع وعيونه مو طبيعية يطالع فيه
أنا ابغي رايكم هل هذه حركات مس ولا انه يتذكر وحده في باله والا ايش والله اني احبه وهو كل شي بحياتي لا ام ولا اب ولا اخ لي ماعمري حكيت لا أحد أحيانا وهو نايم يصحى بطريقه مفجعه حتى حاولت اصارح وحده من خواته بحالته بس ماقدرت
بنات معقوله انه فيه مس جن