سؤال عن ثاني ثانوي اختبار القدرات

هل فيها اختبار قدرات؟
لا مااعتقد
و اش المطلوب مني في ثاني؟؟
ماعلييك الا انك تشدين حييلك وتجبين نسبة حلوة عشان راح ياخذونها مع نسبة ثالث
وهالله الله بالدرجات الزينة وهي بصراحة مع المذاكرة راح تصير سهلة بس راح تمر بسرعة ماتحسين الا وانتي مخلصتها
وقللي غياب لانه راح يضرك ولا راح تفهمين شي
*&*&*&*&*&*&*&*

ثاني ...لا مافيها قدرات ..
المطلوب منك ... انك تختارين التخصص الي تميلين له
لا يغرك احد ويقولك علمي له مستقبل والادبي لا ..!!
ترا مع النظام التراكمي كلهم صعبين ... وكلهم يبي لها شدة حيل ..
.....
العلمي ..
يبي له بنت ماخلقها ربي الا عشان بس لعبادته والمذاكره
بنت العلمي ...يبي له تذاكر اول بأول
اذا تراكمت عليك الدروس اعرفي انك خسرانه وماراح تجيبين معدل كويس
عندك الكيمياء حق ثالث .... جدا جدا صعب
وحتى الرياضيات
انصحك نصيحه من اخت لاختها .... اذا كنتي مو راعية درااسه لا تدخلين علمي ..
عشان ما تتعب نفسيتك ..
وحتى الادبي ..
فيه مواد مره صعبه ..
مثل الجغرافيا ....حق ثالث صعب وطويل
وحتى مواد العربي
,,,,,
للمعلوميه ...
حابه اشرح لك نظام التراكمي ..
مثلاً مادة الرياضيات :
هي 6 حصص في الاسبوع
في الاختبار ... اذا غلطتي غلط واحط بس ينقص من درجاتك 6 درجات
يعني كل غلط ب 6 دجات
لان الرياضيت عليه 600 درجه .... مو 100 مثل اولى ثانوي
وكذالك الفيزياء ,,, 4 حصص بالاسبوع
كل غلط ب 4 درجات
وكل المواد ... تحسب الدرجه الوحده بعدد الحصص
..................
انا ما ابي احطمك او اخوفك
انتي استخيري ربك ..
وتأكدي انك اذا دخلتي اي شي ... سواء علمي ولا ادبي
وشديتي حيلك مره بإذن الله راح تتوفقين
لان في بنت كثير شدو حيلهم وجابو 99% و 100%
لان جد تعبو وذاكرو
حاولي على قد ما تقدرين ...انك ما تنزلين عن 95%
عشان بإذن الله تدخلين الجامعه
موفقه حبيبتي

ايوه ..
صحيح نسيت اقول حاجه كمان ...
لازم تروحين مدرسه مره مره كويسه من ناحية شرح المعلمات
مو لازم تروحين مدرسه خاصه ..عشان يساعدونك
صدقيني لو تذاكرين الكتاب كله من الجلده للجلده ....
والمعلمه شرحها كويس وتوصل المعلومه للطالبه راح تاخذين الدرجه الكامله بإذن الله ..
اهم شي المعلمات يكونون شرحهم كويس ..
...
وربي انا توني مخلصه ثاانوي ..
واقولك هالنصايح ...من الي شفته وعشته ..

شكراً لكم حبيبآآآتي الله يديكم العافيه
بسأل
وش المواد الي في ثاني علمي؟
و الكيمياء و الاحياء كم حصه؟؟

^
الرياضيات , فيزياء , كيمياء , أحياء , إنقلش , نحو , أدب , توحيد , فقه , حديث , حآسب , مواد عمليه , تعبير
هذي مواد العلمي
ومثل ماقالوا البنات الرياضيات 6 حصص
والكيمياء والفيزياء والأحياء والإنقلش 4 حصص
مواد الدين كلها حصة وحده يعني ماتفرق كثير
النحو حصتين , الأدب حصه واحده
والحاسب والمواد العملية حصتين يعني الدرجه ب درجتين
والله يعينك ع الفيزياء يجيب المررض
أدعي لي بالتوفيق وراي ثآلث آخر سنة :(

الله يوفقك و تجيبي اعلى نسبه في المملكه
الله يكون في عووننا و عونكم و يوفقنا و يوفقكم و ينجحنا و ينجحكم و يسعدنا و يسعدكم يالي رديتوا على موضوعي
’آآآآآآآآآآآآآآآآآآآآمين ,,,

ماقصروا البنات افادوك
بس انتبهي تتركي المواد تتراكم عليك إلى الإختبار النهائي
وحاولي قد ماتقدرين انو يكون درجات الدوريه ماتنقص عن 9 لأنها بتفيدك كثير في نهايية السنة
بالتوفيق ,,
وآي سؤآل انا حاظرة

تسلمين يآ قلبي
آلله يسع"دك و يوفقك و لآ يجع"لك تحتآجي لآحد غيره
آلله يكرمكم بنآ آ آ آت يآلي رديتوآ

الله يوفقك