سؤال محيرني

يعتمد على الريال يا اختى حد منهم مايرووم يصبر حتى لو مايعرفهاا خلاص المهم هي زوجته وبشبع زغبته
وشي رياايل مثقفين متعلمين يعرف كيف يكسب ود حرمته يعني يعرف نه مايبا يخووفها من اول ليله يحااول نه يتعرف عليها وعلى الاشيا لي تحبهاا وتكرهه
مستغربه منج اختى احس الحين نحن فى الامارات صرنا مجتمع منفتح يعني الوحده اذا خطبت ملجت وصار ريلهاا خلااص ماتكوون محبوسه شرات زماان اول اياام الملجه حلووه ماتتكرره المفرووض تكون لج ذكرياات حلووه معاه
ع العموم مبروك لج يا اختى مقدماا ربي يسعدكم

بنت زايد
مشكورة الغالية على ردج بس حبيت أعلق على الرد
(مستغربه منج اختى احس الحين نحن فى الامارات صرنا مجتمع منفتح )
لا تستغربين يالغالية بقولج أنا من عائلة ماتحب القيل والقال بعده الجهل ملاحقهم
وعندهم عيب اني اكلم ريال ليش مادري يقولون لاحقه عليه
شو أسوي ما أقدر أخالفهم أو أعصي أوامرهم .. على فكرة خواتي كلهن
ماشافن أزواجهن إلا ليلة العرس
و لا تستغربين من هالنوع من العائلات لأنها بعدها موجودة في إمارتنا الغالية
وإن شاء الله يكون مثقف على قولتج
تحياتي لج
بنت _ بوظبي

غريبه؟؟؟؟
يعني وشلون تتعرفون على بعض وتدرسون اطباع بعض؟؟
بصراحه انا اشوفها صعبه
انتي باقي لك شهرين حاولي تقنعين اهلك بهالموضوع ..
اذا علاقتك حلوه مع الوالده وماتخبين عنها شي ابد صارحيها بهالموضوع
واذا مافيه امكانيه ابدا تكلمينه خلاص اختي لاتتضايقين ..
اعتبري بدايه زواجكم هي فتره تعارفكم ..
وانتي اقنعيه باسلوبك انه مايستعجل و كل شي بوقته حلو : -)
وبعدين خلي الامور تجي طبيعي .. بالعكس اذا شاف حياك وخجلك بأول ليله بتكبرين في عينه
والله يوفقكم ويهنيكم
تحياتي

لا تفتكرين وايد ولا تحاتين وخلي كل شي يكون عليه وان شاء الله كل شي بيمر عادي وطبيعي لانج في النهايه ما بيدج شي تسوينه غير هالشي..
يا الغاليه ساعات حتى لو ما تعرفين الريال ومب شايفتنه قبل تحسين بالراحه معاه وهذا طبعا يعتمد على شخصيته وان شاء الله ما تلقين منه الا كل خير ويكون عند حسن ظنج به
الله يوفقج يالشيخه ويسعدج دنيا واخره امين

حبيبتي ان شاء الله كل شي بيتسهل اما انك متعرفيه هذا شي طبيعي
اما يسوشي فكل رجال له اسلوبه وبلعكس اذا صر شي رح ترتحي وتحسي انه صر اقرب الناس لك
لاتشيلي هم اذا صرتو وحدكم رح يتيسر كل شي ولا تسمعي كلم الناس كثير والله يوفقك

الله يوفقك في زواجك
وان شاء الله يكون متفهم ويراعي الوضع
ويكون عند حسن ظنك يارب

الله يوفقك في زواجك
وان شاء الله يكون متفهم ويراعي الوضع
ويكون عند حسن ظنك يارب

السلام عليكم حبيبتي بنت بوظبي
حبيت أشاركك لأني من الكويت اللي معرفة بانفتاحها ،
حبيبتي أنا جامعية ،وأمي وأبوي مثقفين وكانوا يشتغلون وزوجي لما خطبني عرفنا أنه مكمل دراسته وعنده دبلوم .
بس
لما خطبني شافني مره وحدة بعدها ملكنا وبعدها خلاص ممنوع نشوف بعض .
وليلة الدخلة مع أنه مثقف تم كل شي ولكن بطريقة مؤدبة
واحنا الحين صارلنا 3 سنين متزوجين ونموت في بعض .
ونفس الشي صار مع أختي اللي ماخذه مهندس
يعني لاتخلين المخاوف اتسيطر عليج أنا فلت مثل كلامج بس ماصار اللي توقعته، ونصيحة لاتسألين خلي كل شي طبيعي .
المهم لاتصيرين ناشفة حيل وساكته والحيا مانعج من ابتسامة ناعمة عشان مايقول شهالنفس
ولاتصيرين ماخذة راحتج حيل ومطيحة الميانة ويقول شهالمطفوقة
واله يوفقج مقدما روحي وفكري بالسوق والتجهيز ولا تنسين دعاء المتزوجات

حبيبتي بنت ابوظبي حتى أنا من الإمارات وبعد أنا ماشفت زوجي بس صدقيني بتكون ليلتج مثل باقي الليلات اللي عاشتها كل العرايس اسألي مجرب غناتي أنا مجربه كانت ليلتي ول فالأحلام
لا تحاتين وكل شي بيكون فنان وازقرت
اختج
*أم مهير*