ساعدوني ابني لا يحب الدراسه

اختي الغالية
انا انصج انج تتخلين عن اسلوب الضرب
لانه راح يخليه يكره الدراسة أكثر
وانا انصحج ان تشوفين شنو اكثر رسوم
متحركة يحبها ودلك او أكثر شخصية
يحبها وتشترين له الكتب و جنطة
المدرسة عليها بحيث انه يفرح بان الشخصية
الي يحبها على جنطته و كتبه وكل ادواته
المدرسية
وفي طريقة حلوه وايد لتعليم الاطفال الانجليزي
ويحببهم فيه وهي عن طريق الكمبيوتر في
بمحلات السيديات تلقين سي دي عن تعليم
الانجليزي مثل سبيس تون انتر أكتيف فيها
تسلية ولعب ودايم شجعية بكل واجب يسويه
لان الطفل يحب دايم يكون محط الأنظار عند
الكبار يحب يحصل تشجيع منهم ومدح له
وشجعية بهدايا مثل لو سويت الفرض المنزلي
بشكل كامل راح أجيب لك لعبة او أخذك للمنتزة
والله يوفقه والجميع ان شاءالله

مشكورة دانة الدنيا على النصيحة شريت الشنطه الي يحبها وعلى ذوقه وعنده سي دي من المدرسه وهي مجموعة تمارين تخص الدروس اللي ياخذها بس مسوينها على طريقة العاب وهو يحب يلعب فيها مثل الألوان والحواس الخمس واجزاء ججسم الحيوان بس أحاول أحصل على هذي الألعاب اللي قلتي عنها ومشكورة مره ثانيه واتمنى اني اسمع اراء ثانيه من عزيزاتي الفراشات.

أختي ام عبد الرحمن
اخويه الصغير يعاني من نفس مشكلة ولدج واذا مب اكثر بعد ..
ابدا ما يحب الدراسه مول امي حاولت وياه بكل الطرق بدون فايدة ..قالولها عن اشتريله اشياء يحبها يعني على الادوات المدرسيه بعد بدون فايدة ..
ومشكلته انه عنيد واذا شي ما يبغي يسويه مستحيل يسويه واذا ما يبغي يدرس يطلع اعذار غريبه جدا ولا يشتكي من ريله ولا
واي شي ثاني واذا تمينا اندرسه يتم يصيح بهستيريه ..
اتمنى ان تفيدوني ..مع انه هوه الوحيد بين اخواني اللي جيه ما يحب الدراسة مع انه مدرساته يقولون انه يوم يبغي يدرس وهذا
نادرا اتقول جنة طالب ثاني ..والغريب انه ساعات في الامتحانات يحل الاسله الصعبة وما يحل الاسله السهلة
حيرنا وياه

مشكوره اختي على المشاركة
الله يهديه لكم ان شاالله
انه مازلت اعاني من المشكله ولدي نفس اخوج في الأمتحان مايكتب اي شي يسلم الورقه خاليه اذا اجبرته المدرسه ووقفت على راسه يحل الأسئله وبطريقه صحيحه اللي نافعه انه في مدرسه خاصه لو اهو في مدرسه حكوميه كان ماينتبهون له لهذي الدرجه
لكن انه ألحين سألته اذا درست وسويت الواجبات من غير ماتصيح ونجحت شنو تبي قال ابي اروح دبي قلت له ان شالله وهذي وعد والله يعيني عليه لازم ألحين ألبي طلبه لين نجح بإذن الله واشوفه الحمد لله هاليومين وايد أحسن الله يهديه ان شالله
عليج ألحين انج توعدينه بشي في الصيف اذا نجح واذا نسى ورد عاند ردي ذكريه قولي له انه قلت باوديك او باسوي لك اذا درست عشان يتذكر والله يهديه

السلام عليكم اختي ...... حبيت اساعدك ولو بكلمات بسيطه لحل ذي المشكله ؛ اكيد انتي تعرفين وش الي يحب ابنك اي شي ان كان مكان مثلا او اكله معينه او نوع من الشكولاته يمكنك اختي ان تجذبيه للدراسه عن طريق هذي الاشياء مثلا :تقولين له انه اذا خلص اداء واجبه ذا واكيد بمساعدتك انك راح تاخذي للمكان الي يحبه مثل تاخذي للملاهي او تعلميه واوعدي بهذا الشي وايضا قوليله اذا جبت درجه زينه في هذا الدرس انا محضرتلك مفاجاه وهكذا
واضيفلك امي من كنت صغيره كانت تتبع معي طريقه للتدريس انا اشوفها وايد زينه وكانت تنزل لمستوى تفكيري حتى تحبب الدرس عندي مثل تستخدم معي طريقه وكانه احنا في مسابقه اطفال وكانت تبين روحها انها متفاجاه ومبهوره من ادائي مثلا تقول لي راح اعد من 1الى10 وتكونين خلصتي كتابه ذا السطر وتبدي تعد بصوره بطيئه طبعا وبعدها تبين لي انها سعيدة جدا للي كتبته وانها حابه طريقه كتابتي وخطي مهما كانت من سوء وبعدها تكرمني على الي فعلته بان تعطيني قطعه شوكولا او اي شي غيره انا احبه وهكذا ..... ارجو ان اكون ما طولت عليك والله يوفق ابنك

مشكورة اختي ام عبد الرحمن على النصيحة وان شاء الله بجربها وان شاء الله تفيد اخوي
يعني الصيف اللي طاف وعده ابوي ان نسافر ماليزيا وشوف حديقة الحيوان اللي هناك لانه وايد يحب الحيوانات وتشجع بس لمدة يوم واحد ورد مثل قبل ..وسافرنا وقلناله هذي السفرة هديه له عشان وعدناه
واقرب مثال في امتحانت المنتصف امي ووعدته اتيب له اي شي يباه بس ييب درجات زينه وابوي نفس الشي وحل حد منا ووعدة ان اييب له شي وعقب النتايج نتيجته كانت معقولة وكلنا كافئناه وحتى بزيادة لدرجة اني كنت احاتي درجاته اكثر من درجاتي واحين الحمد الله تحسن شوي ..
الحمد الله على كل حال
يزاج الله خير اختي والله يهديهم كلهم ان شاء الله ويفرحونا

ممكن تسوين له جدول وتعلقينه في غرفته بالمواد الدراسيه وكل ماده ينجز واجبها اسرع تخلينه يختار ستكرات ويعلقها في الجدول امام الماده واخر الاسبوع يستحق هديه عن كل عشر ستكرات حققها
وزياده في التشجيع ممكن تشترين مجموعه من الهدايا وتغلفينها وتحطينها على الدولاب في مكان يشوفه بس ما يوصله عشان يحس ان الهدايا واقع ملموس وكل ما حقق نجاح اكبر كل ما اخذ هدايا اكثر
لا تنسين تكلمين المدرسات وتقوليلهم انهم يشجعون الاطفال على كتابة الواجبات باجتهاد وبسرعه في البيت وانهم بيسألون الامهات وبيكون فيه تكريم ولو على الاقل ذكر اسماء الاطفال المجتهدين في البيت امام زملائهم عشان يصير فيه تنافس
بعدين قبل هاذا كله هل هو عنده شي شاغله عن الدراسه يعني العاب كمبيوتر او تلفزيون او شي ثاني مخليه ما يجتهد في الدراسه ومشغول
او عنده مشاكل عاطفيه يعني انجبتي طفل قريب او يغيير من احد من اخوانه ويسوي كذا لان نفسيته متغييره
ابحثي عن السبب والله يعينج

اعاني من مشكله مع ولدي واخاف انها تستمر .........
مشكلتي عزيزاتي ان ولدي في الصف الثاني وما يحب الدراسه لما ألحين يبكي بشده من مجرد ما أفتح الشنطه عشان يكتب واجباته
وهو الحمد لله مستواه جيد في كل المواد وخاصه في التجويد والحمدلله لكن لو يساعدني شوي على اني ادرسه جان مستواه افضل ولدي رافض الدراسه وخاصه اذا شاف كتب الإنجليزي
ومن كثرة بكائه يؤدي ذلك إلى شعوري بالغضب واحيانا استخدم اسلوب الضرب صحيح ان هذي الشي يضايقني يمكن هذي الشي اللي يخليه يكره الدراسه لكن هذا يزعجني واستخدمت كل وسائل التشجيع ولاكن...................!!!!!!!!!!!!!!!! من دون جدوى
في انتظار ردودكم اتمنى انكم تحلون لي مشكلتي
في أمان الله
---------------------------
اختي ام عبدالرحمن انا اخوي مثل حالة ولدج بالضبط والمشكله انه اخوي مو رافض الدراسه المدرسه كلها بكبرها كل يوم صبح مايقوم من النوم الا يصيح ولا يسكت والمشكله وعيبه انه مره مره مره دلووع بشكل مو طبيعي وهذا مع الاسف الشديد اثر عليه وعلى دراسته مره ولا يبي يدرس الا بكيفه ونعمه اذا درس والمشكله حتى الوالده معاه على كيفه وهذا الشي مره راح يخليه عدم بس شنو نسوي لا حول ولا قوة الا بالله
-------------
اما بالنسبه لج اختي تقدرين تحاولين مع ولدج تحببينه بالدراسه مثل تقولين له اذا درسة اليوم بجيب لك هديه مرره حلوة ومن هالاغرائات وصدقيني راح يتجاوب معاج وبيحبها وانتي قولي له قصص من خيالج عن الدراسه وبيحبها انشالله
ويعطيج العافيه

مشكورين عزيزاتي مون، ودمعة حرمان، ومالي مثيل وقطر الندى على المشاركه واهتمامكم بالموضوع
وان شاله باجرب طريقة الجدول ششجعتني وان شالله تنفع والله يهديهم جميعا