ساعدوني بكره حمولتي عندي

ماعندي فكره بس ان شالله البنات مايقصرون وتبيضين وجه زوجك يارب
ربي يسعدك

شوفي لاتكثرين البهارات والماء
الله يسهل عليك

الله يبيض وجهك عندهم جعلهم يناظرون طبخك ويقولون احلى طبخ ذقناه الله يهون عليك ويسعدك
اذا تبغين حلى فانا جاهزه لاني شاطره فيه وسهل وسريع
http://www.alfrasha.com/showthread.php?t=127721
بس اعواد الاسنان حطي فيها لولو يناس المجلس الي تظيفينهم فيه بيجي خيال يعني راس العود حطيه فيه طبعا صمغيه بصمغ مسدس لان اختي مسوته جاي روعه بس حبيت اساعدك يوم شفت الحموله بتجي
واسفه لان ماعندي خلفيه عن الي طلبتيه بس حبيت اساعدك لانك كااختي

شوفي حبيبتي بعد ماتغسلين الرز حطي في ماي اعلى من مقدار الرز وخليه يغلي وحطي فيه ملح حسب الرغبة وبعدين كل شوي شوفينها بيدك ادا صارت حبة الرز بمستوى الليونة المطلوبة صفيه من الماي وارجعي حطيه في نفس الطنجرة وخليه على نار هادئة وبيصير عندش الرز نثري
اتمنى اني اكون افدتج بصراحة كسرتي خاطري وعارفة كيف الحمولة وتعليقاتهم وخصوصا الرجال

طريقة طبخ أرز البشاور
بسم الله
=====
اول شي تحط زيت شوي في القدر وتكشن البصل وحاول قدر المستطاع ان الزيت الي تحطه مايكون كثير يعني يادوبه يحمس البصل ثم جب لك مكعب ماجي وكسره وحطه على الكشنه وبعد كذا حط اللحم وقلبه شوي ثم حط الطماط الحب (اذا بغيت البشاور يجي محبوك لاتضيف معجون الطماط ابداً تكتفي بتقطيع حبتين طماط،لان صلصة الطماط تحووس عليك البشاور ) وبعد كذا تحط مقدار بيالتين ماء وتكتم على اللحمه (قدر كاتم) وتتركه من بعد مايصفر تقريباً من 4دقايق إلى 6 وافتح عنه واضف الماء ولازم تكون وزنيتك للماء كوزن القدر العادي مو الكاتم ثم حط الملح والبهارات والفلفل الاخضر والليمون والدارسين وشوي كزبره حب وكذالك زنجبيل طازج تقطعه شرائح ولا تكثره ابداً ابداً يعني مقدار 3 سنتيميتر للشريحه الواحد وتكتفي بوضع 5 شرائح او 4 (والزنجبيل هنا له دور في ضبط طعم الكبسه اذا كان مو كثير) وبعد كذا اقفل على الكاتم واحسب له وبعد كذا تجيب رز البشاور ومن تجربتي افضل انواع البشاور هو ارز بنجابي المهيدب يجي الخمسه كيلو منه بحدود 27 ريال هو عيبه الوحيد سعره الغالي ، وتاخذ الرز وتغشله غسل جيده لان عيب النوع هذا هي وساخته وتنقعه لمدة ربع ساعه لا تتجاوزها ابداً واذا انتهت لحمتك افتح الكاتم وطلع اللحمه وجب لك غضاره(سحله ، طاسه) وشيل من المرقه واتركه على جنب وبعدين حط الرز وتكون المرقه مستواها مايتجاوز (أنملت اليد) اوبحدود خمسه سنتيميتر والحين خذ بالك معاي ،، اذا حطيت الرز ساوه زين بالقدر ورجع الغطاء حق الكاتم بدون ماتقفله او تكتمه اترك الغطاء عادي يعني طبخ قدر عادي مو كاتم وخلك مقصر على النار واترك الطبخه لحدود خمس دقايق ثم ناظر الرز اذا لقيته على وشك الماء ينشف جب لك سمن بري او فارم ويستحسن فارم(البشاور اذا ماحطيت زيت مايطلع نثري يجي متلاصق فالزيت هنا هو مربط الفرس) ،، جيب لك معلقتين ثم حطها على الرز بالتساوي واتركها لحد ماينشف الماء تماماً لازم تحط في بالك ان الرز لازم اقرب مايكون للحب منه للنضوج حتى يجي نثري(في البشاور فقط) وبعد كذا تجيب لك جمرتين كبار وبيالتين زيت وتحطهم بالقدر وتحط الجمر عليهم وتسكره لمدة 3 دقايق
مرقة سبانخ
المقادير ..
بصله مفرومه .
طماطه مفرومه .
فص ثوم مدقوق .
ماجي مكعب . وملح حسب الرغبه .
شدة او كيس سباانخ مغسول ومقطع قطع صغار ..
حبيتين بطاطس .
ملعقتين صلصه .
الطريقه ....
احمسي البصل كويس مع الزيت طبعا لين يصفر بعدين حطي الثوم والطماط ..
وعدلي المح وحطي الماجي اذا شفتي الطماطه ذبلت حطي ملعقتين صلصه طماطم .. وحطي البهارات ..
بعدين حطي البطاطس المقطع ... وحركيه مع حمسة البصل والصلصه بعدين صبي الماء المغلي وخلي البطاطس تطبخ بس شوي يعني خمس دقايق بعدين حطي السبانخ وخليها تطبخ عشر دقايق يعني كلها ع بعضها ربع ساعه ..
بس انتبهي لاتكثرين الماء خليه شوي علشان تكون متسبكه ..
سبانخ باللحم
.
المقادير
#نصف كيلو لحم ( طبعا مقطع قطع مناسبه يعنى متوسطه أو صغيرة)
# نصف حزمه سبانخ
#طماطم واحده
#بصله واحده
# ملح ؛ بهارات حسب الرغبه
.
.
الطريقة
يوضع اللحم بقدر ويوضع عليه الماء ويوضع على النار
يسلق السبانخ لمدة دقيقه بكميه ماء قليله وبعد ان يبرد يوضع فى الخلاط ويخلط ويمكن اضافه فلفل له حسب الرغبه.
يوضع قليل من السمن بمقلاه ويضاف له البصل ويقلب ثم يضاف الطماطم ويقلب حتى يذبل
بعد ذلك يضاف الملح والبهار وخليط السبانخ
ثم يضاف خليط السبانخ والطماطم والبصل الى اللحم عندما تكون قد نضجت ويقلب معا لمدة دقيقتين ؛
.
بعد ذلك تقدم بالهنا والعافيه؛

اشكركم جميعا ولكم خالص حبي وتقديري.......
الحمد الله تمت العزيمه بسلام......لدرجة ان خالتي ام زوجي يومشافت السفره قالت شكلك مانمتي مته امداك تسوين السفره؟؟؟؟؟؟

الحمد الله اختي تمت على خير والله قاعده ادعيلك موفقه