ساعدوني ولا تستهينون بمشكلتي

انا عارفه ان بعضكم بيتهزئ بمشكلتي وبيقول وش هالمشكله التافهه مقارنه بمشاكل بنات الله يساعدهم ويهدي سرهم يارب
انا متزوجه من 3 سنوات وانا مشكلتي بختصار مش جريئه وما عندي ثقه بنفسي وحساسه ولما تزوجت كنت ما اعرف اطبخ وزوجي طبعا علم اهله وانا انقهرت منه انا بالبدايه كنت اروح لهم ويدي فاضيه طبعا عروس اولا ولااعرف شئ بالمطبخ ثانيا ومع الوقت عجزت اتجرأ واخذ شئ معاي وسلايفي وخوات زوجي يتفنون بالحلى والطبخ فأحس اني اقل منهم , المهم مره تحمست واخذت سلطه ويوم وديتها على حظي طلبوا عشاء من برى و ما احد اكل منها جت بنفسي ومره اخذت حلى وما احد عبرني من بعدها صار عندي عقده عجزت اخذ لهم شئ اخاف اتفشل وشايله هم مره والله ودي اخذ شئ معي بس شايله هم شلون بدخل فيه وهم ما تعودوا على اني اجيب شئ معي ولما اجيب معي شئ وين احطه هل ادخله بمطبخهم ولا احطه جنبي بغرفة الجلوس ولا ايش اسوي واذا في استراحه نفس السؤال احطه جنبي واسلم عليهم ولا قبل اسلم امر المطبخ واحطه وهم ماشاء الله لما الوحده لما تجيب حلى تدور فيه وتقول ذوقوا حالي وتلزم وانا ما اعرف اسوي كذا!!!! بالله شوروا علي