ستديو اورانوس يابنات الحسا

السلام وعليكم ورحمة الله وبركاته .....
انا بقول قصتي مع ستديو اورانوس اللي بالحساا .. لما تزوجت اختي كنت ادور على ستديو حلو
ولما دخلت التجمع للعرايس كان الجميع يمدح فيه ورحت وحجزته لاختي
والحين صار لاختي تسع شهور والى الحين ماانتهو من الصور ولما اكلمهم يكلموني وبكل وقاحه
ويقولون لي بعد سنه .. ولما ابي اناقشهم يقولون لي اللي مصورين من قبل سنه ماخلصو صورهم يسكرون السماعه في وجهيي ( بكل وقاحه يسكرون السماعه في وجهي )
والله من القهر اختي صارت تبكي .. ولما اقول لهم إذا ماراح تعطونا الصور عطونا اياهم بدون طباعه
يقولون لي اول تدفعين المبلغ كله ( شوفو ايش هالنهب )
بنات قولولي ايش الحل والله اني ميته قهر ... شلون كذا
ومن صار له مثل ماصارلي ؟؟؟؟
يعني إذا مايقدرون يخلصون الصور ليش ياخذون كميه كبيره من العرايس
والله حرام عليهم .. اختي حامل وكم شهر وتولد بتشوف ولدها والى الحين ماشافت صور زواجها