سفرتي لأحلى قمرين بالدونيا أخواني حبيبيني حياكم

السلام عليكم ورحمة الله وبركاته
اليوم كلموني اخواني انهم حيتغدوا عندي
طبعا بما أنو الموضوع موضوعي وما في أماكن أفضفض فيها
وأعبر عن مشاعري إلا هينا
فأبغى أقولكم أنو هذولي الشخصين مرا آموت فيهم
يعني ولا مخلوقه بالدونيا كولها تحوب أخوانها زيي والله العظيم
الله لا يحرمني منهم ويخليهم ليّا
المهم
سويتلهم ذا الغدا وصورتلكم حبيت تشوفوا
تبعا السفره ترتيب الشباب لأنهم كانوا مستعجلين عشان حيروحوا يذاكروا عندهم اختبار السبت ياليت كنا نعر ف انو أجازه عشان يقعدوا معايا
أترككم مع الصور
صورة السفره ككل
هينا دجاج في الفرن بتتبيلة زعتر وبابريكا مرا لذيذ
طبعا طريقته من يمنع ذكر اسماء منتديات آخرى
ودا دجاج صيني مع رز بالليمون
جمعت طريقة على طريقة على طريقه الين ما وصلت لنتيجة مرضيه جدا الحمدلله
اللي تبغاها بس بدون خطوات مصوره على راسي
بس ترا سهله مرا مرا
وهينا بيتزا المكرونه مرا لذيذه طلعت بطريقتي الخاصه هع
ودا الحلى
كيك ساريتا بالصينيه
وحطيت اي شي لذيذ بالدولاب والثلاجه وخلطتهم
طلع شي لذيذ جدا جدا بس مو متماسك مرا
ودي صوره عامه للسفره بعد ما شبعوا ياريتو عوافي ان شالله حبيبيني
الأولاد يكركبوا اوم الدونيا عالأكل هع
أعرف مو شي جنب سفركم وكيذا بس حبيت تشوفوا معايا
وحياكوم كولكم