سوالف وحدة كانت دب

منقول :: مساءكم // صباحكم
حبيت اسولف لكم ومعكم وإليكم>>>مروقه تخيلوا
كثير من البنات اللي يفكرون بالرجيم يعتقدون ان الفطور احسن يكون خفيف
فتلقينها تفطر على عصير او حبة فواكه..
من خلال تجربتي بالرجيم لاحظت ان وجبة الفطور مهمه
وخاصه لما يكون بينها وبين الغدا 6 ساعات تاكدي ان وجبة الفطور لما تكون شوياتها سمرا وخليه من الدهون والسكريات العاديه يعني مو سكر حميه للشاي مثلا,,تاكدي انها بتنحرق كلها قبل الغدا
الغدا هنا لازم يكون جيد لكن من الافضل انه يكون بروتين وخضار فقط
وتكون هالوجبه معقوله وخاليه قدر الامكان من الدهون
((طبعا ماتكون بعد الساعه 4))

• *لاحظوا ان الوقت له قيمته .. واهميته

#يعني وحده تقولك افطر 12 واتغدا 6 وتضرب بالفطور وتقول فطور وبينحرق وهي من 12 لين 6 ع النت
بالله كيف تحرق هالفطور لو سعراته اعلى من 500 كالوري؟؟!!
ووحده تقول افطر 6 وانام 8 انام لي ساعه بس
حلوها عاد
وتجي تقول انا وزني ثابت.!!
يابنات الدايت نظام للاكل ونظام وللحياة
نظمي نومك وقومتك
واصحي بدري وافطري وروقي

• *البعض يقول مااشتهي اول مااصحى

بقولك خذي ملعقة عسل الشفاء صغيره وكوب مويه كبير بحراره عاديه
وانتظري نص ساعه وشوفي

• *لك بالفطور لين 700 كالوري لكن بشروط

الخبز فيه بر وان حصل الرغيف الصحي يكون افضل..
والبيض لو حبيتي لاتكون اكثر من 2 بيضه
وتجنبي الطماط قد ماتقدرين
والجبن او اللبنه خليها لو فات

• *كنصيحه اللي تبي تاخذ فطورها شابوره تخليها مع شاي بدون حليب..
• * الغدا قلت لكم ممكن تاخذين الى 600 كالوري فيه لكن فقط بروتين وخضار بدون طماط ..

وكمية الدهون تكون لاتذكر..
الان نبي نجلس بعد الغدا لين الساعه 8 بالكثير للي تنام من 1 وطالع
اما اللي تنام قبل 12 تخلي براسها ان الاكل بعد الساعه 7 ممنوع.. لكن لاتنام قبل 11
هنا تجي وحده تقول يعني من 7 ماراح اكل ؟؟!!
بقولك تحملي هالنظام 5 ايام بس
ويومين تعشي لكن الغي وجبه من وجبات النهار....
7
7
لى عودة