سوال للمطلقات خصوصا الي هم طلبوا الطلاق ووفسخو عقودهم ضروري

لاتفكري في شي راح فكري قدام
بعدين كيف تشتاقي لاشياء حلوه صارت من شخص تكريهه..؟؟؟؟
كيف كذا مدري بس ان شاءالله ربنا يرزقني ويرزقك الزوج الصالح
اللي ينسينا كل شي صار في حياتنا
بالتوفيق يارب

انا مو مطلقه..
لكن احساسك اتوقع انه حنين للحظات و ليس للشخص..
و تتمنينها تصير مع شخص اخر..فالمستقبل..
خلي املك بالله كبير..

السفيره كان بيننا حب
ووللاسف انا وفيه بدرجه خياليه ولأنسى العشره
بريق صادقه لان هذي مشاعري دووم تجيني لاي شخص كان له ذكرى حلوه في حياتي وانتهى منها
انا خفت اني مازلت احبه بغيت أنجن

هذا حنين للحظاتكم الحلوه مو له هو نفسه الله يوفقك ان شاء الله

الله يرزق كل وحده الزوج الصالح التقي

أنا مو متزوجة بس حبيت أرد عليك..
اقرأي سورة البقرة باستمرار..لأنها تغير الحال..
وبتحسين براحة نفسية عجيبة..
إذا حسيتي إن اللحظات دائما في بالك اشغلي نفسك بشي بعد قراءة القرآن
يعني مثلاً سوي طبخة..اقرأي كتاب حلو..وكذا..
وأهم شي إنك لما تقرين القرآن بتدبر..مو تقرينه قراءة بس ومخك في عالم ثاني..
حطي في بالك اللي تحسينه الحين شعور مؤقت والكل يمر فيه وخاصة البنت لأن طبعها وفيه,.
يعني فترة وتعدي..^_*
الفرج موجود بس احنا نستعجل ومانبي نصبر..
واستغفري كثير..ألا بذكر تطمئن القلوب
ثقي تماماً إنك راح تنسين هاللحظات بحلوها وبمرها المسألة مسألة وقت بس^_^
وبإذن الواحد الأحد بتتوفقين مع غيره وبتكون عندك لحظات أجمل بتتذكرينها
وبالتوفيق

الله يسعدكم بنات ويوفقكم.ويوظفكم يارب
حلم الخريف هذه افكارقبل النووم اقرى قران والغالب ادعي حد مانام
بس احيان اشتاق شوق موصاحي واناعم احارب هالافكار البايخه الي تتعب نفسيتي

مراحب ياحلوه انا نفس حالتك عقدت القران وتعبت معاه وطلبت الانفصال بقوه واكيد تجيك حالات تحني للحظات الحلوه وتجلسي تفكري فيه ويلعب عليك الشيطان عشان تحزني
رغم اني ابد ماندمت ع الانفصال بس انا في هادي الامورافكر بعقلي مستحيل اخلي قلبي ولا مشاعري هيا اللي تحدد مسار مستقبلي
ونصيحتي لك ياقلبي ثقي بالله اولا وآخرآ وتفائلي وتعلقي بالله وعليك بصلاة الليل ادعي ربي يجبر كسرك ويعوضك بخير مما تتمني وانسي
اللي فات تماما وعيشي حياتك واهتمي بنفسك وعليك بالاذكاروالاستغفار وربي مارح يخيبك
والله يوفقك

حبوبة المسألة مسألة وقت فقط مو خلل فيكي
لأن الله سبحانه أعطانا نعمة النسيان..
في كثير بنات كانوا محجوزين من يوم هما صغار وينوا أحلامهم وتخيلوا أنفسهم مع
ازواج المستقبل وملكوا وكونو لحظات سعيدة وحلوة بعدين انفصلوا
يعني أكيد راح يحسون باللي تحسينه وأزيد
بس مع ذلك تزوجوا غيرهم وخلفوا بعد
يعني انتي أحسن منهم بمراحل..~
والدنيا ماوقفت على أحد~
يعني حطي في بالك
الزمن كفيل إنه ينسيك كل شي
بكره بتروح هالذكريات وهالشوق الفاضي وبتحل محلها ذكريات ثانية لأن الذاكرة ماتكفي
ولما تتذكرين هاللحظات وتحنين لها على طول تذكري سلبياته ومواقفك المزعجة اللي كرهتك فيه