سويت أشعة الصبغه أخيرا

أخت القمر2005

15-08-2022 - 02:14 am

كيف حالكم يابنات ...
اليوم الله يسلمكم كان موعد أشعة الصبغه عندي ... طبعا أنا كنت ميته من الخوف ... لأني كان المفروض أسويها من قبل بس ماقدرت من شدة خوفي ...
بس هالمره توكلت على الله وقلت لازم أسويها ... طبعا أنا أراجع في مستشفى سعد ... وطبعا سويتها هناك ...
كان فيها ألم بسيط في البدايه لأني كنت خايفه وشاده كثير ... بس بعدين صار اوكي ....
ولما حقنت الصبغه صار فيه مغص زي الدوره ... وس شوي وقالوا لي خلاص وأنا مو مصدقه اني خلاص سويتها ...
كانت فيه ممرضه واقفه عند راسي وماسكه يدي .. ياقلبي عليها لطيفه جدا ... أحسها شوي وتبكي معي .... الله يسعدها ....
وطبعا بكره موعدي مع الدكتوره ونشوف النتيجه وان شاء الله خير ....
دعواتكم لي ... وانا بس حبيت انقل لكم تجربتي ... علشان لو فيه وحده خايفه مثلي تتوكل على الله وتسويها ...
وصح نسيت أقولكم ان تكلفتها 450 ريال ..
دعواتكم ...

التعليقات (9)

حاملة الامانه

15-08-2022 - 05:12 am

الله يرضى عنك انا سويتها الخميس
الله يفرحك

ام اسماء225

15-08-2022 - 06:13 am

حمد لله على سلامتك وان شاء الله تكون النتيجه خير
وتطمنيينا عليكى

تالين22

15-08-2022 - 07:14 am

الحمد الله على سلامتك ..
انا لسى ما سويتها وافكر لو ابغى اسويها بعد شهرين .. والله كريم ..
وان شاء الله بعد الاشعه تحملي يارب ويرزقك بالولد الصالح المعافى وباقي الفراشات يارب العالمين ..

عشقي جنوني

15-08-2022 - 08:15 am

وش يعني اشعة الصبغه؟؟
اش فايدتها تساعد على الحمل والا مجرد فحص ؟؟
وش سالفتها بالضبط؟؟

أم ريان وروين

15-08-2022 - 09:16 am

الحمد لله ع السلامة وربي يفرحك بالنتيجة ..
اللي تسأل عن فايدة الأشعة هي لمعرفة أذا كانت الانابيب مفتوحة أو فيها انسداد ..

روح المحبه..

15-08-2022 - 10:17 am

الحمدلله على سلامتك ..

بنت الخوالد

15-08-2022 - 11:18 am

أنا أرسلت لك رساله على الخاص وكنت حابه استفيد منك أنا بعد سويتها يوم الخميس طبعا تكلفتها ريال غير الابره الي خذيتها قبل وعطتني قبل بليله الي هو يوم الربوع كبسوله واعطتني تحميله مهبليه ليه ما أدري
أسباب هذا التحليل؟
لاني أخذ ت الكلوميد شهور بس مو متواصله خذيته شهرين وقطعته شهور ورجعت له
كان عندي التبويض
وخذيت الابر التفجيريه فستغربت الدكتوره قالت يمكن فيه انسداد هو الي عايق الحمل لما سويتها حمدلله ماطلع انسداد طلع التهاب في الانبوب وعطتني علاج له ادعو لي تكفون

حاملة الامانه

15-08-2022 - 12:19 pm

سويتها ب400 بالخليجي بالشفا الرياض
الله يرزقك

حاملة الامانه

15-08-2022 - 01:20 pm

ماخذت تحميله

المساج←
عملية التنظيف وتأخر الحمل→