سويت رجيم وابيكم تشجعوني بليز

السلام عليكم ورحمة الله وبركاته
كيفكم يافراشات ان شاء الله تمام
السالفه ياحبايب قلبي اني بديت اسوي رجيم ولي الان ثلاثه ايام (ادري بتقولون وش معها كاتبه الرجيم بعد ثلاثه ايام لكن انا بريح بالكم من اللاقافه واقولكم السر هو ان النت كان مفصول وشبك اليوم عندي)
على العموم انتوا راح تتفاجئون مني ليش اني اسوي رجيم لما راح تعرفون وزني كم
انا ياشطار ماشاء الله تبارك الله وزني 59 وطولي 165
بس المشكله مو هنا ,,المشكله اني لما جبت بنتي كان وزني75 و شديت حيلي لحد ما وصلت الى الوزن اللي انا عليه الان بس ياحسافه جسمي طاح لاني ماسويت رياضه لما كان وزني ينقص ..فايش صار
صار جسمي نحيف من الخصر والساقين وسمين من الزنود الى الركب والله يابنات صار يفشل والمصيبه ان كل من يشوفني يقول جسمك يجنن بس ما يدرون عن الغصه اللي بقلبي يوم يقولوها وما خفي كان اعظم
لانه يطلع بالفساتين الطويله حلوا بس لما اللبس بناطيل او فساتين قصيره يبين ان فيه اختلاف في توازن الدهون في جسمي
والله واجلس مع حالي يوم الجمعه اللي طافت واقول يابنت الوضع ما ينسكت عنه انتي باقي صغيره لازم تنتبهين لجمال جسمك واخذ على نفسي عهد اني اللتزم بالرجيم والرياضه لحد ما اوصل الى الوزن اللي في بالي والشكل لجسمي اللي يعجبني
ومن يوم السبت بديت برجيم التمر واللبن
واشرب شاي اخضر واشرب 8 اكواب مويه
واللبس شورت السونا 4 ساعات وانا احاول اني اشتغل بالبيت واللعب رياضه طول ماهو علي
طبعا
الرياضه اللي اسويها مشي ربع ساعه
وانط على الحبل 250 نطه انط * كل 30 نطه على حده لحد ما اكمل 250 نطه
ما اكل نشويات نهائي شايله يدي عن الاكل وماكل ابد حلويات مهما كانت المغريات ((والله شكل الحلاوه اللي معه تغري شكلي بهون عن الرجيم ههه))
وملاحظه انا وزنت اليوم ولقيت نفسي خاسه كيلو يافرحتي والله احس الدنيا مو واسعتني وعقبال كل وحده تبي تنحف يارب
وبكذا اكون قولت لكم عن نظامي وان شا الله اني ازودكم كل يوم باللي يصير معي
بس
هالله هالله بالتشجيع والدعاء لي باني اوصل الى الوزن والشكل المطلوب
واشوفكم بكره وبدايه يوم جديد