سوي ليله جديده بدون أي تكلف ولا تسوق

1. المهم يا عزيزتي ..تحطين الولاعه في الغرفه وتقفلين الباب .


2. وتتصلين على زوجك وتقولين له نفسي بعشى من برى ..

اليوم الفكره خاصه للي حابة تفاجئ زوجها بليله مختلفه ..من غير ما تتكلف ولا تشتري شي جديد .
يا عزيزاتي الليالي الرومانسيه ..والحب الصادق ما يحتاج فلوس ولا سوق .. يحتاج نفسيه حلوة .. وزوجه ذكيه
تعرف كيف تسعد زوجها وتكسر الروتين ... وتخلي زوجها يعيش أحلى ليله مع أحلى زوجه .
تعالوا أعلمكم وش تسوون ..
الموضوع يتركز على التجديد وكسر الروتين إذا نبدأ بتغيير في أماكن الأثاث في أغلب زوايا البيت .
وأنا أبي أركز على غرفة الضيوف (المجلس ) وإذا عندك غرفة سفرة .
تروحين للمجلس تنظفيه زين . وتحطين على الطاوله صحون مكسرات وتحضرين القهوة والحلويات كأن عندك ضيوف بالضبط . وأهم شي البخور .
بعدين يا عزيزتي روحي لغرفة السفرة .. إذا فيها طاولة طلعيها بره ... وخليها فاضيه تماماً .
الحين نبدأ نفرش غرفة السفره فرش جديد ونحولها لغرفة نوم جديده مالها أي علاقه بغرفة نومك اليوميه ...
يعني تفرشين على الأرض فراش من اللحف والمفارش اللي عندك وما تحتاجين فرشه(مرتبه)
بس افرشي اللحاف وفوقه حاولي تحطين مفرش ساتان وتزينيه بطريقتك وذوقك . ووزعي شوية خداديات صغيره عليه عشان المنظر بس واملي الغرفه شموع وبس ... تجيبين الصحون الزجاجيه اللي في مطبخك ...وتملينها مويه ... وتحطين في كل صحن شمعتين أو ثلاث ... ( أتوقع لو نزلتي السوق مع زوجك واشتريتي شموع وبس مارح يجي في باله اللي تخططين له ههه

المهم يا عزيزتي ..تحطين الولاعه في الغرفه وتقفلين الباب .

وتتصلين على زوجك وتقولين له نفسي بعشى من برى ..

إذا جاب العشى حطيه في المجلس بعدين عبيله البانيو رغوه على بال ما تجهزين العشى بصحون البيت وتجهزين له شورت أو بجامه وإذا عندك نشافه حطي فيها البجامه مع روب الحمام أو المنشفه ... عشان إذا لبسهم يكونوا دافيين وبعدين اعزميه على المجلس .
واسهروا وسولفوا ... بعدين إذا قرب وقت النوم .... اركضي على غرفة السفره
وولعي كل الشموع .
والبسي قميص نوم قصير ومغري .
واعزميه بابتسامه ناعمه على الغرفة الجديده .
ونوم العوافي .