شاركوني وشجعووني حياكم

السلام عليكم
كيفكم ياحلوات ويارشيقات
بنات
نفسي اسوي رجيم بس الكسل ذابحني << كسوله بالحيل
وزني كان قبل 55 وصار الحين 60
وابي انزل بس بس بس 10 كيلو ع الاقل او 5 << متحطمه حيل
وانا جسمي من النوع الي ينزل بسرعه و يرجع يسمن بسرعه
وكل يوم اقول اليوم ابد وكل يوم ع هالحال
من قبل 3 اسابيع الكل شاف جسمي قال متغيره حيل ناحفه كثير حتى الشغاله لاحظت والحين زاد وزني
وناس قالت لي يوم رجع وزني مايحتاج تغيرينه حلوو وانا ماابي
المهم انا قبل فترة كنت اسوي رجيم و الي خلاني اتشجع اكثر شفت امي تسوي
رجيم وتشجعت وتحمست اكثر اني أبد المهم رحنا انا وامي لدكتوره وقلنا لها نبي
نسوي رجيم قاست لنا نسبة الدهون و الوزن وعطتني انا نظام اتبعه وامي
نظام ثاني تتعبه وغير كذا اشتركنا بنادي مع المستشفى كل مابين يومين نروح
نسوي رياضه ع كل انواع الالات في خلال اسبوع بس نزلت 4 كيلو حتى المدربه الفلبينيه
كانت تقول لي انتي وش مسويه وزنك نزل بسهوله وغيرك مسكينه تصفق في عمرها وتركض عشان ينزل وزنها خ<<والله هذا كلامها لي
قلت لها بصراحه ماسوي شي غير اتبع نظام الاكل الي من الدكتوره واسوي معك رياضه وغير كذا بالبيت امشي ساعه ونص
وكنت قبل بجامعه كلها مدرساتها اوروبيات وماليزيات
نسوي رياضه يخصصون لنا حصتين بالاسبوع وكانت مدربتنا ماليزيه كل هذا ساعدني ع تخفيف وزني...
والحين ياليت ارجع مثل قبل واحسن
والي حابه تنظم معي تسجل اسمها هنا ووزنها والوزن المطلوب الي حابه توصل له
وكل يوم تدخل تقول لنا نظامها الي تسويه وش كان فطورها و غداها و عشاها والوجبات الخفيفه الي تاكلونها مابين
العشاء والغداء بس بحدود معقوول يعنى وكم ساعه تمشي والمشروبات الي تشربها
يلا بنات ابي حماس وتشجيع عشان مااهون واترك الموضوع الي فتحته عشانكم وعشاني ..
وزني 60
الوزن المطلوب 50
وكل جمعه نقيس الوزن ونشوف كم وصلنا ونستمر لين نحقق المطلوب ان شاء الله
وانا بحط لكم النظام الي اعطتني اياه الدكتوره واذا ماشفت فيه حمااس بحرمكم منه خ
ادري طوولت عليكم
سي يو