شاورما الدايت يمي يمي

اهلين بنوتات ..
بما اني باديه بالرجيم تقريبا من اسبوع وكل الايام اللي فاتت اصلح يادجاج مشوي او همبرجر مشوي واليوم مسكت معي شاورما اول اصلحها واشتهيتها ..
وهي دايت مافيه سعرات كثيره نبدا بسم الله ..
اول شي الدجاج..
صدر دجاجه نقطعه صغار
وبعدين نتبله بعصير نص ليمونه وبهارات وملح شويه
واذا بغيتو تحطو بطاطس نص مسلوقه وتقطعوها صغار
ونخليها شوي .. فيما نحضر مقادير خبز البر الرقاق
دقيق بر تقريبا ثلث كاس وكاس مويه وملح شويه
بعدين نجهز الصاج ونسوي الخبز الرقاق
بعدين بنفس الصاج نطبخ فيه الدجاج اذا ماعندك صاج سويه بالفرن الكهربائي او الفرن العادي بس بالنسبه لي الصاج اسرع
وبعدين نجيب مخلل خيار ومتبل رانش قليل الدهون او العادي
نقطع الخيار لمربعات
واذا خلص لدجاج نحطه على المخلل الخيار ونضيف لهم الرانش
وبس وبالعافيه عليكم ..
.. طبعا قبل الرجيم كنت اسويها بعجينة المطبق واضيف على الدجاج مع الرانش مايونيز ..
اتمنى تنال اعجابكم ..