شاورما مع المخلل من مطبخي خطوة بخطوة وبالصور

السلام عليكم
شخباركم ياحلووات
والله اليوم بنزل طريقتي للشوارما بالتفصيل الممل انا سويتها و صورتها من رمضاان بس ماكان عندي وقت انزلها وبما احنا بالعطلة قلت انزلها مرة وحدة ان شاءالله تعجبكم..
طبق صدور دجاج " الوطنية" بدون عظم بعد غسله وتنظيفه يتقطع بهاذا الشكل زي الي في الصورة..
قطعي بصل حبة جوانح مع ملعقتين زيت في الطوة زي الي في الصورة..
بعد مايذبل البصل " يذبل فقط و لا يحمر" ضعي الدجاج
بعد مايطلع الدجاج مويته وياخذ 7 دقايق أو اكثر ضعي البهارات "عبارة عن بهارات مشكلة"...
تقلين البطاطس مربعات صغيرة اثناء طبخ الدجاج "البطاطس حوالي 4 حبات وسط"..
لاحظي كيف اصبح لونه لما نشفت موية الدجاج..
تحطين الدجاج في صينية بايركس كبيرة ...
بعدين تحطين البطاطس بعد ماصفتيها من الزيت على الدجاج ...
حظري الخلطة هي عبارة عن علبة قشطة 4 ملاعق جبنة سائلة ...
اخلطيها مع بعض زين ..
كتيها على صينية البطاطس والدجاج زي ماانتم شايفين بالصورة.. ودخليها الفرن من الاسفل لمدة 10 دقايق وبعدين من الاعلى لين ماتشوفين الخلطة تختفي شوي..
لين ماتنتهي مدة الصينية بالفرن تعالوا نسوي مخلل الخيار وهو بسيط وسهل..
زي ماانتم شايفين قطعيها شرايح بالطول أو دوائر لكِ حرية الاختيار ..
نحط الخيار في قدر ونحط عليه نص كاس خل ابيض و نحط مويه ساخنه لين تغطي الخيار و 3 ملاعق ملح ونحطه على النار لمدة 7 الى 10 دقائق فقط ...
ويطلع لكِ بهاذا الشكل ..
هنا نحظر رغيف لبناني صغيرة ونفتحه الواحد اثنين زي الي في الصورة ... ونحط شوي من الدجاج البطاطس و نحط مخلل معاه ...
ونبدا نلفه بهاذا الشكل... و أنا لفيته بورق السندويشتات الابيض..
وهاذا الشكل النهائي
وبصراحة طعمه لذيذ ومن يومها ماصرنا نشتري الشاورما من برا لانها خفيفة مو مثل الي براا..
الي تجربها تقولي..
ان شاءالله تعجبكم
وادعولي
..
.