شاورما يعني شاورما صور

بسم الله الرحمن الرحيم
اول شي سامحوني على التصوير مو مرة واضح المهم هذا غدانا اليوم وكنت مرة مسرعة وانا اطبخ واصور
المقادير حسب الصورة
لحم مشوي
فطير
طرشي
صوص حار
سلطة طحينة
سلطة خضرة
طبعا الوجبة تكفي 3 اشخاص
نجي للحمة
انا استخدم البقري وبدون عظم نص كيلو اوكي؟
قطعي اللحم واضيفيله فص ثوم وكم شريحة بصل وملعقتين زيت وفنجان موية وبهارات بدون ملح وخليه على نار دقة لين يستوي
بعد ما يستوي وتنشف الموية حتسمعي تش تش ارفي الغطاء وابدئي بالتشويح واضافة الملح
وبعد ما تتحمر اللحمة مضبوط حطيها في زبدية بغطاء عشان تتبخر
وفنجان فيه ملعقة سمن حطي الفحمة وغطي الزبدية على طول وخليها شوية عبال ما تكملي شغلك..
نجي للفطاير
3 كاسات دقيق ملعقتين سكر ذرة ملح ملعقة زيت بعد العجن ملعقةخميرة ذرة باكنج كاسة موية دافية وحسب ما تجي معاك العجينة
خليها تخمر بعدين كوريها وسويها على الصاج او الطاوة مع دهن قطرات زيت في قاع الصاج
ستة فطاير بالعافية
نجي للصوص الحار
انا مقاديري ماكانت كاملة فاستبدلت بعض الاشياء بس انا حقلك المقادير المضبوطة
علبة طماطم
باكت كامل ماجي
ملعقتين سكر
3ثوم
نص بصلة
2فلفل احمر او اخضر المهم حار
شوية زيت تقريبا نص فنجان
فنجان شطة
4 ملاعق جبنة كرفت السايلة
فلفل اسود شوية
حطي المقادير بالخلاط بعدين على النار وقلبي كل شوية لين ما تصبح غليظة زي صلصة الطماطم
وبعد ماتستوي وتتماسك حطيها بعلبة واحفظيها بالتلاجة
بقي سلطة الطحينة وهي سلطة عادية على كيفك بس اهم شي تكون مرة غليظة مو سايلة
والسلطة الخضرة خس وبقدونس وبصل
وال طر شي اللي يعج بك
ابدأي لفي الساندويشات
ممكن تلفيها على طول بس انا عملتها زي لفة الفرموزة
ست ساندويشات
و أول وحدة ترد لها شاورمتين.............
بالعافية على قلوبكم واشكر كل من تقرا الموضوع حتى لو اكرمتنا بردها..