شعرك تآلف جآف منتهي من الصبغآت تعآلي هنآ وبتدعين لي خلطة مضمونة

dween

12-10-2022 - 06:51 pm

السلآم عليكم ..
كيفكم فرآشآتنآ
بدخل بالموضوع دوغري ..
انا انسآنه شعري كآن جميل مآشآء الله
نآعم + اسود + كثيف ..
ويضرب به المثل بالعآيله من جماله ونعومته وكثآفته ..
مآشآء الله ..
في يوم من الايآم وسوس فيني الشيطآن
وقلت ابي اغير شكلي .. بالاخص لون شعري ..
تحمست بقوه لان الموضه كانت الالوان الفاتحهه ..
وخواتي حمسوني .. اكثر لآنهم اصبغو كولهم ..
الزبده ..
صبغت .. وتنيلت ..
حطيت ميش + صبغه ..
وكان شعري اسود فحمي
واضطرت الكوافيره تحط لي اوكسجين قوي حيل
مع الصبغه والميش على شان يطلع اللون المطلوب ..
تقصف شوي ..
اعتنيت فيه وكنت فرحانه باللون ..
بعد فتره 3 شهور ..
طلعت المصآيب
بس شعري انعدم
راحت نعومته .. لمعته ..
صار جآف حيل
متقصف بشكل فضيع !
اطرآفه هشه ..
و اذآ أشتشورته يطلع شكه بشع !!
اطرآفه تطلع موقفه كأنهآ آسلآك < يمديكم ع التشبيه !
لو اسحبها بيدي تنكسر بسرعه ..
اذا مشطته يهرر ويتسآقط ..
آلله لآ يوريكم آزمه قسم بالله
جربت اكثر من خلطة ..
صرفت فلوس
زيوت .. شآمبوهآت .. حمامات زيت .. علاجات
امبولآت , فيتآمينآت !!
كل شي حطيته بشوشتي مانفع !!
يأست ..
ورحت قصيت شعري .. قلت يمكن ينفع وهيك ..
قصيت و التقصف رآح صحيح ..
اسبوعين وتقصف من جديد .. ومآ آستفدت شي
لآن شعري آسآسآ تآلف ..
الى ان طحت بالصدفه
على الخلطة السحريه المجنونه !!
كنت حاطتهآ بمفكره بجهازي مع مجموعه من الخلطات ..
وهي الخلطة الوحيده اللي ماجربتهآ ..
قلت دامني فآضيه ..
اسويها واروح اذآكر انساها على شعري ..
سويتهآ وشفت النتآيج فتآكه من اول استخدآم اليوم !!
انهبلت وربي على شعري
اقسم لكم ان التقصف راح بنسبه 70 بالميه !!
شعري صآر ناعم !!
الجفآف رآح .. !
وفيه لمعه مجنونه !!
وربي ماصدقت انه شعري !! ..
الخلطه هي :
صفآر بيض .. ( انا استخدمت بيضتين .. )
لان شعري لين رقبتي ..
زيت زيتون .. ( على حسب طول شعرك )
زيت نآرجيل (جوز الهند) .. ( على حسب طول شعرك )
ا لزيوت تحطينهم بكميآت متسآويه ..
مثلآ ملعقتين زيت نارجيل + ملعقتين زيت زيتون
ملعقة حمام زيت بآنويل : مشمش .. ( على حسب طول شعرك )
هالحمام الزيت جميل جدا
فيه منه بالمشمش وفيه بالقمح ..
انا عندي الاثنين
بس حطيت اللي بالمشمش
هذي صورته ..
خلطتهم كويس
وخليتهم ساعتين على شعري ..
وطبعا لفيت شعري بغلاف بلآستيك حق الاكل
بعدين غسلته بشآمبو الاندونيسي ميتآل .. ( لآني آبي اطول شعري )
ومعروف انو شآمبو ميتآل يجفف الشعر ..
حطيت ع الاطرآف حمام زيت بانويل على شان مايجف شعري ..
و اذا ماعندك شآمبو ميتآل
عآدي اغسليه بأي شآمبو ترتاحين له ..
واستشوريه او جعديه او سويه قرنين .. اللي تبين
ورآح تشوفين النتيجه
ورآح تدعين لي بأذن الله ..
الموضوع تجربه شخصيه ..
والتجربه كانت اليوم ..
شفت النتيجه المذهله من اول استخدام ..
ماقدرت اصبر لآزم انزلها للفرآشآت ويستفيدون مثلي ويدعون لي
وان شآء الله مع الاستخدآم المتكرر بقول لكم النتيجه كمآن ..
بالنهآيه اتمنى انكم تستفيدون من تجربتي ..
و اللي تستفيد تدعي لي بالتوفيق بأختبآرآتي ..
آي سؤال انا حآضره ~

التعليقات (9)

مغروره وابوي السبب

12-10-2022 - 09:36 pm

جزاك الله خير عزيزتي على ذكر تجربتك

نداء الروووح

12-10-2022 - 10:37 pm

طرح مميز جدا
وتجربتك أكثر تميزا
والأكثر تميزا هو أنها تجربتك الشخصية
تتهني ياقلبي

dween

12-10-2022 - 11:38 pm

مغروره وابوي السبب
آمين يآرب ..
مشكوره حبيبتي ع المرور ~

dween

13-10-2022 - 12:39 am

نداء الروح
مشكوره حبيبتي ع المرور ..
آلله يسعدك = )

~يارا

13-10-2022 - 01:40 am

يسلمو على الوصفة وان شاءالله يطول شعررك

آحضان العمر

13-10-2022 - 02:41 am

حلو الله يهنيك يارب
بس ترى حمامات الشعر تسبب تساقط ..
موفقة

المشتاقة للجنان2

13-10-2022 - 03:42 am

مشكورة اختي راح احاول اجربها ان شاء الله

افــــراح

13-10-2022 - 04:44 am

رائع والروعه هو حبك الخير لصديقاتك بالمنتدى فلم تقتصري مااستفدي فقط على نفسك

توته الهلوبه

13-10-2022 - 05:45 am

ياحبيبتي ربي يسعدك ويعطيكي عل قد نيتك الطيبة
ان شاء الله شعرك يرجع زي أول وأحسن بأذن الله
واحنا كلنا معاكي عاجل غير أجل
شوفي ياقمر أنا بأسوي زيك كدا . بس هاقولك علي شئ
خلي حمام الزيت في الخلطه مره بالأسبوع او مرتين علي حسب ماتشوفي عندك خرجه او طلعه لأنه بيخليه مره حلو ماشاء الله
والخلطه نفسها لاتغيريها ..بس أستبدلي حمام الزيت بالزبادي وحطيه الخلطه يوم أيوه ويوم لا
حاولي لا تغسلي شعرك كل يوم لانه سمعت مو كويس
خصوصأ وهو جاف وناشف بالشكل هادا
وبأذن الله راح يتعدل
بالتوفيق ياغاليه

زيت دابر أملا←
ساعدوني بنات شعري والصبغة→