شعري لين نص فخذي وهذي نصائحي

1. سادساً:بعد التروش افك شعري يجف طبيعي لان الاستشوار هو اللي دمركم.


2. سابعاً:كل شهرين او ثلاث شهور اقص اطرافه.

بسم الله الرحمن الرحيم
السلام عليكم ورحمة الله وبركاته
اشحالكم ان شاءالله بخير وعافيه حبيبات قلبي
دائما اجي هالقسم واقرى خلطاتكم ومعاناتكم يابنات ترى الموضوع ابسط مماتتخيلون
اسمعوا كلامي ماراح يضركم شي اعجبكم كان بها مااعجبكم حصل خير
المهم ياحبيباتي فديتكم صلو ع النبي قبل بعدها انا شعري شوي ويوصل ركبتي مشاءالله تبارك الرحمن
انا طبعاً مايهمني الطول بقدر انه يهمني ان شعري يكون صحي يابنات انا بقولكم نمط حياتي مع شعري
وانتوا احكموا هل انتوا مخطين بحق شعوركم او لا
اولا :انا نهائيا ماستخدم الاستشوار ابدا الا مره فالسنه اذا عندنا زواج يعني مجبوره بس .
ثانياً:مايمر يومين ورى بعض الا وازيت شعري بأي زيت متوفر مره بزيت زيتون مره بالسمسم مره بعافيه مره اخلطهم مره اخلط الدابر مع السمسم مع زيت الزيتون مع اللوز مع الخروع واحيانا كل واحد لحاله.
ثالثاً:مايمر ثلاث ايام الا احني شعري اسبوع بالكثير مره اخلط الحناء بماء حار وملعقه من اي زيت موجود
او اخلط الحناء بزبادي وبيضه وزيت زيتون والحناء طبعا حنا المدينه لانه الافضل.
رابعاً:لاغسلت شعري من الحناءاغسله بماء فقط واقعد لين يجف شعري وينحت الحناء لحاله وعلى طول ادهنه سواء بزيت او كريم.
خامساً:الشامبو ماستخدم الاشامبوهين صانسلك بالبيض او شامبو جونسن للأطفال اذا ماتوفر واحد غسلت بالثاني احط شوي بوعاء واخلطه بماء واغسل شعري بعد ما اغسله احط بلسم ع اطراف شعري واخليه لين اغسل جسمي واغسله عقب البلسم(فاتيكااو فاشكول او بلسم جونسن للاطفال).

سادساً:بعد التروش افك شعري يجف طبيعي لان الاستشوار هو اللي دمركم.

سابعاً:كل شهرين او ثلاث شهور اقص اطرافه.

ثامناً:اذا ماوراك طلعه ولا لك خلط حناء ولا زيت مشطي شعرك بقهوه شلون يعني لاسويتوا قهوة العصر وباقي شوي قهوه فالبريق مافيه اضافات لاهيل ولا زعفران صبيه فكاس وامسحي فيه شعرك وامشطيه هذي نصيحه من جدتي طول الله في عمرها فديتها وقريت عنها فالنت ان الشعر بحاجه للكافيين ليستعيد صحته فعلا يقضي ع التقصق.
هذي نصائحي لشعر صحي ومرتاح اي سؤال واستفسار انا جاهزه لاني عندي خبره بالشعر بكل خورافي واقراء واطلع كثير ع هالموضوع فديتكم..