شغالتي وزوجي

مساكم الله بالخير يافراشات
موضوعي وباختصار قبل سنه جت لي شغاله
طبعا بعد تعب واخذ وعطاء
الحمدلله جت الشغاله
طبعا طلبتها قد اشتغلت
وطيبه مع الاطفال
وهاديه
اكتملت الشروط
لكنها عنيده
وتحط راسها من راسي
ماترضى احد يقول لها اشتغلي ولا نظفي الصاله ولا كنسي
واذا قلت لها مثلا كنسي الغرفه
تطنش وتروح الحمام
ولا تكنس
وبعدها تروح تكوي
ولا اقول لها
امسحي الدولاب ولا كاني اتكلم
ااشر لها وتفهم بس تعاند
واذا ركبت السياره تقولون هي صاحبت السياره
قاعده مع الصغار تضحك وتسولف
واذا قلت لها اسكتي
تعاند
ولا كاني اتكلم
مع اننا عائله هاديه جدا
وكل يومين تتعذر بمرض
ياراسي يابطني يا ارجولي
والله اني اعاملها كوحده مننا وفينا
حتى الصغار اذا اشتريت لهم شي اعطيها من الي اشتريته
واذا رحت السوق ما اخلي شي الا اشتريه لها
حتى الجوال عندها
الصيدلية تروح لها اكثر مما أروح
تستعمل كريم نهار وكريم ليل والشعر كل اسبوعين تصبغه حناء سوداء
رواتبها كل شهر تتحول لحسابها
كسوة العيد واصلتها
واخليها تترتاح بعد الغداء
واخليها تنام على راحتها
وتقوم على راحتها
احيان اصحيها انا من النوم وبوزها شبرين قدامها
جننتني
لكن بهواها تشيل شغل البيت عني
والي يقهر اذا جو خواتي عندي
يقولون بيتك زي ماهو ماكان عندك شغاله
مايلمع
الله يعين مادروا اني قاعده وراها ادفدفها
وش الحل ياجماعه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
عنيده وراسها يابس
والادهى والامر
زوجي ابو عيالي معاها
كل ما شديت عليها أبيها تنظف زعلت وراحت له تبكي
وجاني يهاوشني وهي تسمع
حتى أهلي كلمتهم اشتكي منه
نني زوجي يقول لي خليها اذا تب تشتغل ولا بكيفها
باله هذا رد ..؟؟؟
يرفع ضغطي هو واياها
كلمها مترجم المكتب قامت تكذب عليه وتقول ما يخلوني انام وشغلهم كثير
بنت وحده والثانيه لسه مولوده وشقة تأجير ... وين الشغل ؟؟؟
بس مافي فائده
والحين خلصت سنه
ساعدوني ياخوات
حسبي الله ونعم الوكيل