شهر عسل ولا

** جان **

15-09-2022 - 07:20 am

السلام عليكم فراشات المنتدى... شلونكم؟؟ وشخباركم؟؟
ما راح أطول عليكم.. لكن بغيتكم في إستشارة.. وياريت تعطوني ردود لا تفشلوني
الأفضل .
. إني أسوي عرس فخم وكبير و إنظل شهر العسل في شقتنا..
. أو نسوي عرس بسيط ونسافر بره ...
مع العلم إنا سوينا خطوبة فخمة جدا وحلوه..
والله متحيره..
جاوبوني plz
زواجي شهر 4 إن شاء الله..

التعليقات (9)

ام مياسة

15-09-2022 - 10:03 am

حبيبتي صلحي زواجك بسيط وخلي الفلوس حق شهر العسل لان الزراج والعسل والوناسه حقك رنتي وزوجك مو حق الناس
والله لو حطيتهم فوق راسك هذيك اليله لازم يطلعو ويذمو في الزواج
اهم حاجه انتي وزوجك والله يوفقك يارب

أم الــخــيــر

15-09-2022 - 11:04 am

قوه خيتو
دامج من اهل ديرتي
ومعروف هاليومين بالبحرين اللي يسوي خطوبه فخمه خلاص الزواج بسيط وبين الاهل والاغلبيه يسوون حفله حنه وحفله جلوه وبس ويسافرون العروسين
فلاتخسرين بحفله فخمه ماوراها الا الخساير
وحجي الناس شوفوا شسويت وشلبست
على قوله المثل المشهور عندنا<<<الفرحه لثنين ولجنون لألفين
وخلج مع شهر العسل
لانه الاغلبيه يقولون انه فرصه ماتتعوض
وخلوا فلوسكم وروحي لج بلد حلووه
شهر 4 دول اوربا جوهم يهبل
ايطاليا واو انصحج فيها
وتونسوا انتوا بفلوسكم لاتخلون غيركم يستفيد منها
والله يهنيكم يارب
على فكره انا مومتزوجه بس خواني وخواتي المتزوجين هذا نظامهم كلهم حفله ملجه وحفله خطوبه كبيره للحريم وللرجال والزواج بسيط ويسافرون ويتونسون
بالتوفيق

همسه محبه

15-09-2022 - 12:05 pm

أولا مبروك
انا أقول من رايي انك تسوي عرس بسيط وتسافرين بره ومدامك سويت خصويه فخمه
خلالالالاص مو ماليه عيون النااس يعني!! اهم شي تسعدي بزواجك الناس مثل ماقالوا أخواتي ما يملى عيونهم شي
الله يسعدك في حياتك أختي .... بس يا عمري لا تنسين الدعاء وقرأة الأوراد انتبهي على نفسك...
الله يوفقك.... قولي آمين

أحساس الورد

15-09-2022 - 01:06 pm

مايبي لها
شهر العسل اكيد
احمدي ربك ترى الناس مالها الا الظاهر وةتجي وتاكل وتطلع وتتكلم بعد لو ولو
روحي سافري ولا تطوفينها
شوفيني انا لاخطوبة سنعه بس زواجي ان شاء الله فخم بس شكلة مو مسفرني دايم يضيع الموضوع

** جان **

15-09-2022 - 02:07 pm

هلا حبيباتي.. أم مياسة وأم الخير وهمسة محبة وأحساس الورد.. مشكورين على الرد..
والله صدقوني مادري إذا وحدة صارت بحيرتي ولا لأ.. بعضهم يقولون سوي عرس وبتندمين إذا ما سويتين.. والسفر يتعوض..
والباقي يقول لا سافري ومثل كلامكم.. وأنا وياكم..
خليتوني أفكر 70% في الكلام إلي قلتونه..
إختكم جان..
وأي الدول حليوه في شهر 4 و 5..
من جو ومن مناظر ومن كل شي.. لاني يمكن أسافر إسبوع واحد لا غير ورانا دراسة أنا وخطيبي

ام عبدالله 10/15

15-09-2022 - 03:08 pm

الله يوفقك حبيبتي شوفي انتي وش تبين وش تتفقين عليه انتي وزوجك

** جان **

15-09-2022 - 04:09 pm

شكورة أم عبدالله على الرد.. أكيد ..
بس تدرين للحين ماقلت لخطيبي شي....
وخاله الموضوع على ما أقتنع.

جـــــــورية الكـــــويت

15-09-2022 - 05:10 pm

انا من راي انج ماتسوين عرس
وتروحين الشهر العسل وتستانسين بعد ماترجعين تسوين استقبال خليه فخم اشوي من ناحيه اللبس والمكياج وتصورين اصور لج وبس

الشادن

15-09-2022 - 06:11 pm

مبروك حبيبتي والله يتمم لك بخير يارب
ياقلبي والله روحي وسعي صدرك مع زوجك وسافري وانبسطي وحفلة الزواج مالها داعي سوي حفله بسيطه بس
والله يوفقك يارب

ابي مساعده منكم ياذوق بلييز←
ليلة الحنا الغمرة بطريقة اهل مكة لاتفوتكم→