شوفو شسوولي مشغل ليلتي بالجوف

1. >>>>ياواثق خ


2. مثل ذي


3. وريتها الصوره بجوالي


4. وكل ماقلتلها ليش ولا علقت على شغلها عصبت وقعدت تنافخ


5. هذولي شايفاتنا مانعرف للمكياج فيلعبون علينا.....كلهم كذا ...الا ماقل

مسائكم /صباحكم...ورد وعنبر وكادي
كيفكم حبايب قلبي ...أنشاء الله انكم بخير...
بقولكم قصتي مع مشغل ليلتي :>>>>امحق قصه...
انا منبنات الجوف ...وتحديدا دومه الجندل
المهم الله يسلمكم.... ويسمنكم....عندي خطوبه اخوي.
وقاعده احوس ادور بمشغل حلو.
مدحولي كم مشغل بس من قرادتي ماسمعت كلامهم....قلت بروح لمشغل ليلتي
..بشوف شلون شغلهم>>>أنغريت من كثر هالرسايل اللي يرسلونهن ع الجوالات....
>>>لدينا خبيره تجميل خبره 20 سنه...لدينا ولدينا....
المهم ياطويلات العمر....
رحت وخذيت معي كل مكياجي>>>ماقصدي يرخصون لي أو شي...وبس لأني واثقه من اغراضي وكلهم ماركات عالميه ....وبعدين اساسآ أنا ماخذه دورات بالتجميل...وعندي خبره سابقه...

>>>>ياواثق خ

عاد المهم .... قامت تفتش بمكياجي ... وأنجنت عليهم..هذا بيجنن وهذا منين جايبتو..... وكلون ماركات ....وبعد كل هالهذره قامت تقولي أنا مابعرف الا لمكياجي وانا مكياجي كثير وحلو غالي ....واسمحيلي مارح أستخدم مكياجك...مشيتها لها وقلت طيب....سويلي من مكياجك...((يقولون الحق الكذاب ليما يوصلك الباب))....مادري ليش ناغزني قلبي من شفتها مبين الكذب من عيونها
طلبت منها تسريحه رومانيه

مثل ذي

وريتها الصوره بجوالي

لا ومن شافتها قامت تفلسف هاي مو حلوه وهاي اسمها الملكه".....""تستهبل تحسبني غبيه قلتلها هذي رومانيه ....قالت بتعلميني بشغلي....قلتلها انا الي تعلميني بشغلي انا مسويتها كم مره بس ماعرفت اسويها لنفسي....قامت تخربط وتسوي نفسها الفاهمه...كبرت عقلي وخصرتها
طبعآ هالتسريحه تعتمد ع الفير أولآ واخيرا...ولازم الشعر مستشور قبل
قامت ملت راسي رغوه ولفت شعري بيدها وعملت"طريقتنا باللف عن طريق الاصبع وبعدين تحطين المشبك....أكيد عرفتوها...
وعملتلي بف من قدام وفككت شعري ....يعني التسريحه بوادي وشغلها بوادي.....سكت بشوف نهايتها
بدت تعملي المكياج....كريم اساس وبودره بس... يعني مافي مرطب ولا مثبت ولا اساس ولا خافي عيوب ولا مزيل الهالات السودا............ولا شي من ذول
جايبه كريم اساس ainuoلو تروحون لسوق تشوفون سعره ب20 ريال......والبودره حقتها نسيت اسمها بس المهم انها ام 10 أنا اعرف الرخيص والغالي....

وكل ماقلتلها ليش ولا علقت على شغلها عصبت وقعدت تنافخ

طبعآ الضل حقها مائي وهو اسواء انواع الضل وارخصها كمان ....وكحل ماتستخدم حطتلي من نفس الضل لون اسود....وهذا دليل على ردائت شغلها... لان الكوافيره الشاطره هي اللي تعملك بالكحل...لان الضل اسهل شغله وشكله سيئ مره ع العين...
جينا لأحمر الخدود...والله ما أكذب عليكم ولا ابالغ بأي حرف....والله الشاهذ علي.... خذت من الروج اللي استخدمته لي.. حطت على خدودي وبعدين قامت تمسح بيده....بالله هذا شغل كوافيره لها 20 سنه
وقالت لي خلاص....قلت لها وين الأضائه وين تعديل الانف وين محدد الشفايف وين البلاشر ع الخدود والجبهه والذقن ...وين المثبت
>>>>قامت تقول هذول مو مهمين وبيشوهو وشك...والطبيعه احلى...امحق طبيعه
اللي ماتعرف للمكياج مستحيل تعمل هالعمل....تخيلو تدهن كريم الاساس بأصابعها....وين الفرشه
احمر خدود :::تحط روج بداله متى صارت ذي:
قالتلي يالله ديري وشك شوفي....
يابنات انصدمت
و.و وا>>>> طبعآ هذي صرختي
مغيرتي 180 درجه>>>>>>>>>>>للأسواء طبعآ
والله يابنات ما ابالغ ....أنا والله الحمد حلوه وملامحي ناعمه...هي شوهتني
بس ابغاكم تتخيلو معي((وجهي ابيض كنه مكحوح بهمود>>>على قولت امي الله يسلمها....والشدو واصل لأذني والله خط الكحل...الي مو كحل طبعا
لقبل اذني بشعره....والضل حدث ولا حرج احمر ووردي واصفر واسود وذهبي....لا والمصيبه انا لابسه فستاني ابغاه تسويلي مثله هو لونه سكري....ابعرف هالالوان اللي حاطتهن بعيني منين مستوحيتهن....مادري
ولا اروج الله لايوريكم حاطتلي وردي فاقع ....لون كريه بالمره مو الوردي اللي تتصورونه....ولا فيه تناسق مع المكياج
الكحل داخل العين....احمر.....قسم اللي يشوفني يقول سكرانه
أنصدمت...ماتتصورون شلون....انصدمت ...وراي خطوبه والحين اهلي بيروحون وانا بهالشكل...
المهم تخانقت معها....:على انها تعطيني فلوسي ولا تغيره.... الا أذن المغرب واهلي عند الباب يستنوني اطلع
طلعت من عندها وانا ادعي عليها...رجعت للبيت ولما شافته امي وخالاتي وخواني كلهم قالو غسليه مخرب وجهك
غسلته وبسرعه بسرعه حطيت لي مكياج ناعم بسرعه ...والكل اعجبه..:وقالولي توها تبين ملامحك الحلوه مو قبل كنك مولان..
اما التسريحه فبعد المغرب بلضبط خربت مافي معالم كيرلي....او بالأصح تلفف.... انفك اللف ...وانحست حوسه الله لايعيدها من حوسه.....تخيلي خطوبه اخوك وانتي بأسواء حاله و شكل...الله لايعيدها على مسلم
حبيت انبهكم عنها والله مالي مصلحه ولا اعرفهن حتى اسبهن ...بس مابغى أحد يمر باللي مريت فيه.....

هذولي شايفاتنا مانعرف للمكياج فيلعبون علينا.....كلهم كذا ...الا ماقل

امانه من تقراء موضوعي تنبه كل من تعرف عنهم والله خذوها مني انا خبيره بالتجميل ....شغلهم اي كلام ..... حتى وحده من صاحباتي تقول رحت ابغاهن يستشورن شعري استشورته بمكوى السرميك وطلبت منها تعملي بفير اطرافه راحت حطت رغوه ولفته بيدها بلفاف....بالله هذا شغل:
لا وكله كوم ....وقيمه شغلها كوم....المكياج الزباله قيمته 250 رسال
التسريحه 300
الله لايوفقها هي وصاحبت المشعل....ياعل هالفلوس اللي دفعتها علي بالخلف وعليها بالتلف
ادري صجيتكم بهذرتي.... سامحوني عزيزاتي
بس والله ما أبغى احد يطيح باللي طحت فيه
دمتم بود