صاحبات الكيد العظيم

السلام عليكم
زوجي العزيز صدته رايح بار
القصه من البدايه انا وابو الشباب نحب بعض من سنتين وهو ولد عمتي
من 6 اشهر طلع للبعثه وانا وياه
تركت اهلي وذقت لوعة الغربه دبل دبل دبل لاني اجتماعيه مره
بعد ماشكيت بتصرفات زوجي قررت اراقبه
وفي يوم الاحد الساعه 12 لبس الملابس المكويه وبخ العطر الغالي وحط الجل وقال سلام
قلت سلام
ووراه يا بنت ركبت التكسي مع رعب شديد الوقت مره متاخر
ودخلنا منطقه منوره وبنات تتسدح ع الشارع منظر قبيح تحسي كانهم حيوانات ويمكن الحيوانات تستحي بعد
وقف تكسيووقفت وراه
لقيت واقف قدام البار يكلم بجواله بعد وقت جو اخويااه الشيون كل واحد اخيس من الثاني
واكيد معهم خويااتهم ودخلو البار سوا
لحظتها انجنيت بكيت بكيت بكيت مقهوره مره
ع طول جاء في بالي ادخل واهزئه قدام ربعه وامسح فيه الارض
بس مااقدر زوجي والله احبه<<معشمها بهواه
جلست افكر وش بخسر وش بكسب لو دخلت<<طريقه تعلمتها من مملكة بلقيس
بخسر حبيبي
بخسر دراستي
بيصير مشاكل بين الاهل
علاقتي بتخرب مع عمتي<<احبها
وهو يعني لو قلت له طلقني راح يطلقني مو لانه مايحبني بس لانه بيكون مضغوط مني ويبي حل يريحني ويرتاح
والافكار تاخذني وتوديني
مره ابي اتصصرف بعاطفتي اللي تبي تقتله
ومره بعقلي اللي يبي يادبه
ماادري كيف سويتها بس سويتها
شفت بنت بتدخل البار قلت لها ابيك تصورين شخص بالجوال وراح اعطيك فلوس
قالت اوك وريتها صورته ودخلت بعد نص ساعه طلعت وتقول ماعرفته قلت لها لبسه قالت ادخلي ووريني
المشكله اني لابسه حجاب وشكلي بيكون شاذ قالت خذي قبعتي لبست قبعتها ودخلت وياليتني مادخلت
حسيت السقف بيطيح فوق راسي من هول اللي شفته
المهم لقيته ماخذ طاوله وياا ربعه وصديقاتهم وضحك وكركره
وراحت وصورته لي فديو وصور بعد <<متوصيه فيني
واخذتها ورحت البيت وانا قلبي يحترق للحين
صليت الفجر واستغفرت ربي وحمدته ع الاسلام حمدته كيف كرمني عن الفسق والزنا والدعارة
الحمد الله جسمي لي ولشخص يتزوجني ويصرف علي
من جد نعمة يارب لك الحمد
مااخفي عليكم بكيت لحد مانمت وصحيت الا هو جنبي
والله احس كنه كابوس اقول يمكني محلمه واقوم وافتح جوالي واشوف الصور وارجع ابكي
بس كنت معزمه ابي اادبه ولا اخسرة
ووبديت اجمع وارسم
زوجي يحبني موت<<هذي نقطه
زوجي يحب الفلوس<<نقطه مهمه
يحب المثاليه قدام اهله ويكره الفضايح<<نقطه
كل هالشغلات ساعدتني ابدء اتحرك
بعد اسبوع وكان اسبوع هادئ جدا وكنت احاول امثل اني طبيعيه
قبل لا يرجع من المدرسه حطيت ظرف قدام الباب فيه صوره بالبار وحاولت اركز ع صور البنات اللي حوله
الرجال لما رجع وشاف الظرف وقف عند الباب ولاعاد تحرك شوي وراح ههه
ضحكت ضحك ضحكت ضحك حق اسبو ووع كامل
بادبه يعني بادبه
رجع بعد 4 ساعات وانا مسويه ولهانه عليه وكنت اتصل ولا يرد
رجع نام ع طول ولا تكلم
ههه وضحك بقوه ضحك
بعد اسبوع حطيت له نفس الظرف من غير صور وكتبت له بالانجليزي <<طبعا بالكمبيوتر لانه بيميز خطي
كتبت له اني برسله كل اسبوع الصور اللي عندي لشقتك
ولما تخلص الصور راح انشرها باليوتوب وكل موقع عربي وبرسل نسخه للملحقيه
لو مانفذت كلامي
هذا رقم حسابي كل شهر ترسلي الفين دولار ولا راح تندم
مسكين انواع التغير في المزاج ههه بعدها غير شقتنا ولا قلت شيء ونفس الشيء الرسايل توصله ههه بينهبل
رقم حساب كانت لصديقتي العربيه اللي تدرس بالمعهد وقلت لها انه بيجيني تحويل وماابي زوجي يدري عنه
وجاتني وقالت وصلت الفلوس ههه
رحت وعشيتها باحلا مطعم ومن بعدها كل شهر توصل الفلوس ليومكم هذا ههه
السالفه ماقلتها حتى لامي اقرب الناس لي <<ماابي احرق قلبها
ولا لصديقاتي ولا لاقرب الناس لي
حتى صاحبة الحساب ماقلت لها لاني مااحب احد يمسك علي شيء او يتشمت بزوجي<<مااقلكم احبه ههه
بس حبيت اكتبها لاني محتاجه اتشمت فيه شوي
هذا غير اني عشت تجربه انقلها لكم
التاديب يا صاحبات الكيد العظيم
بعدها ههه زوجي زي الدجاجه ينام بكير يصحى بكير ههه
والله تغير كثير كثير
وادبته انا ههه
صحيح صحت كثير بس النتيجه 10-10
وبوسه كبيره للحاضرات والناقدات
وبوسه اكبر للضاحكات
منقول من ايميلي