صاحبتي بتموت والسبب حبوب ريد اكتل

السلام عليكم
يابنات اليوم صاحبتي كلمتني وهي تبكي .....!!!
مادري وش فيها
قالت لي ان نفسيتها تعبانه
فكرت بينها وبين زوجها مشكلة
قالت لي ياليت......!!!
قالت:إنها راحت قبل اسبوع لدكتور وسوا لها تحاليل
وعطاها ريجيم وقال لها تبغين حبوب تكسر الدهون او تسد الشهية
قالت ابغى الي تسد الشهية ( ريداكتل)
المهم تقول من يوم اكلتها ونفسيتها دمار
وتحس بصداع شديد ودوخة
وبعد خمس ايام نزلت 7 كيلو
مع العلم كان وزنها 67
وبعد الريجيم صار 60
بس يافرحة ماتمت
يوم الأربعاء الي فات تعبت تعب شديد
وراحت للمستشفى في حالة هبوط شديد في السكر والمصيبة هنا
السكر نسبته 54
الدكاترة ماصدقوا عادوا التحليل كذا مره
وقالت لها الدكتوره انتي بغيتي تموتين نفسكي
وعطتها تهزيء لإنها كانت بتموت
كان ممكن تدخل في غيبوبة وجلطة وهذا الي قالته لها الدكتوره
وقالت لازم تعوضين الي خسرتيه
وهي الحين نفسيتها تعبانه مره تقول اخاف يكون فيني سكر
والمشكلة ان السكر مو راضي يرجع لمعدله الطبيعي
الله يخليكم الي عندها معلومات عن هالموضوع ترد علي ضروري
هل ممكن تصاب بمرض السكر؟؟
اسأل الله العلي القدير ان يشفيها يارب
وان يفرج كربتها ويخليلها بناتها يارب
والله يابنات لما كلمتني بكيت بكيت من قلب
تقول لي ان اتمنى من الله يرجعني زي ماكنت
وتوبة توبة اسوي ريجيم
ابغى ربي يعافيني ويخليلي بناتي
الي مو ذنبهم ينحرمون مني وهم صغار
الواحد يحمد ربه على النعمه الي هوفيها
ويارب تعطينا الصحة والعافية لي ولها وللجميع