صار لي فترة مملكة والملل تسلل لحياتي ساعدوني بأفكاركم الله يجزاكم خير

~ خيالية ~

29-10-2022 - 10:36 pm

السلام عليكم
بنات انا واقعه بملل مو طبيعي
قلت لصديقتي اللي بدورها قالت اكتبي بيوزري بمنتدى الفراشه وهم بيساعدونك
وكلي ثقه بالله ثم فيكم
انا مملكة صار لي 5 شهور وزواجي باقي له اكثر من ثلاث شهور .. يعني مطوله .. عندنا شوي ظروف : )
المهم
احس بملل مو طبيعي بسوالف زوجي ..
مااحس في انسجام
ولحظات كثير نسكت !
اوقات احسه يمل ويقفل مني ..
وانا بعد احاول اعمل اي شي واجيب اي سوالف بس ارجع امل .. هو تفاعله غريب
مايتفاعل الا مع اشياء مره محدوده
اعطوني افكار ..
كيف اقدر اجذبة لي ؟
وايش انواع المواضيع اللي ممكن افتحها معاه بحيث اني استشف عيشتي معاه كيف بتكون
ودي استشف افكاره .. وغيره
اللي ذابحني فيه انه كتوم مره
مايتكلم عن اهله ولا عن سوالفه معاهم الا نادر
وغير كذا اوقات يحسبني زعلانه وانا مو زعلانه ابد
يتعامل معاي كأني " زعوله " << ههه
مع اني نادر ازعل يعني روحي رياضيه
احسه مايفرق بين مزحي وجدي !!
مع اني مره واضحه
ادري جالسه افضفض لكم هنا تحملوني ..
بس بغيت منكم افكار وكلام ومواضيع حلوه ممكن تكسر هالملل
قلبي مفقوع من اسلوبه .. والمواضيع المعينه اللي مايتكلم الا فيها
مع انه اكبر مني بسنتين الا اني احسه شايب لأن اسلوبه اسلوب شياب
مره ثقيل واغلب كلماته
لو اقول له كلمة حلوه .. يقول الله يحفظك ويحفظ ابوك وكل اهلك والله انهم على راسي < ماادري وش دخل ابوي في السالفه .. واهلي كلهم .. ! ههه
اكون عايشه جو .. ويقلبه دعآء
اصير ماغير اقول آمين .. آمين .. الله يسلمك .. !
مو دايم طبعا كذا لكن اغلب الاحيان .. .. بس جبت لكم مثال على اسلوبه
انا مقدرة هذا الشي منه ..
بس كل شوي يجيب طاري اهلي وانه بس يدعي لهم ومن هالكلام ..
لكن اوقات لما ودي اعيش جو اي 2 مملكين .. يقلبها جلسة شياب ..
مع اني اوقات احس انه يبيني اعامله زي البيبي .. مره حساس من اي كلمة !!
بصراحه .. يالله يالله افهم له مع اني صار لي فتره طويلة اكلمة ..!!
لاتضحكون علي بس من جد ابي حل ههه انا وانا اكتب لكم مشكلتي جالسه اضحك على نفسي ..
ابي مواضيع اقدر اناقشه فيها
او طريقه اخليه يغير شوي من اسلوبه ويصير فرفوش ويتفاعل معي
وانتم من خلال تجاربكم قولوا لي وشي الاشياء اللي تندمتوا لأنكم ماسألتوه وقت الملكة او ايش الاشياء اللي تندمتو انكم سويتوها والعكس ..
يعني ابي اي شي يتعلق بهالفتره .. : )
ولكم دعوه من كل قلبي .. الله يسخر لكم ازواجكم وتعيشون بسعاده يارب : )
.
.
.
.
انتظركم

التعليقات (9)

^لياااان^

30-10-2022 - 01:53 am

شوفي ياقلبي زوجك شكله رسمي معاك
انتي غيري مثلا اساليه علي بيتكم قوليله هاه ايش صار علي البيت ايش راح تفرشوه مثلا قوليله وايش رايك نسوي كذا بالبيت ونحط كذا
واذا كلمك مره وكان مثلا وقت نومه قريب قولي له ايش رايك انومك اليوم عشاان تنام علي صوتي
ام
كمان اذا كان صوتك حلو خ قوليله ابغنيلك ايش رايك
ام وش بعد
انتي حاولي انه مايكلمك كل يوم عشان ماتملون يعني خليها اقل شي بعد يومين اوكثر
اسليه كمان ايش الحياه اللي يتمنها معاك
يعني زي كذا وصدقيني سالفه تجر سالفه
كنت ابغي اسالك هو يزورك في البيت
والله يخليكم لبعض ولا يحرمكم من بعض

~ خيالية ~

30-10-2022 - 02:54 am

اهلين ليان ..
من جد مره مبسوطه بردك .. ربي يعافيك ويجزاك كل خير
هو بمنطقه بعيده عن منطقتي حاليا .. الظروف وعمايلها .. مازارني الا مرات معدودات مره ..
وسالفة اني اخليه يومين .. مستحيله ههه
لأني لو اتركه يوم يقلب الدنيا
لأن انا عودته على انه ماينام الا على صوتي و يصبح عليه ..
وانا ابيه يتعود هالشي اصلا ..
وكون اني ابعد يومين .. اشوفها مره كثيره ..
انا ابي استراتيجيه بحيث اني اكسر طريقته شوي بالكلام
ومن ناحية اطربه بصوتي .. فأنا فقعت طبلة اذنه ههه
ينبسط علي
انا ابي اعوده يكون معي كصديق .. يشاركني بكل شي .. مو كزوج له واجبات وعلي واجبات وبيننا احترام وانتهى الموضوع
ومن ناحية انه رسمي .. فهو احسه مسيكين هذا طبعه اساساً
هو من عائله كبيره شوي ماشاء الله والبرستيج ذابحهم وهو متأثر شوي
كل كلامه .. طال عمرك وسم ... الخ
احسه يكلم واحد من الشباب .. مو زوجته حبيبته
صار لي فتره احاول اعود فيه بس شكل اسلوبي مافاد ..
احس باله مو طويل على اي سالفه تنفتح .. يبي يقفلها وخلاص !!!
عشان كذا قلت شكل اسلوبي يبي له تغيير ..
ابي اساليب ومواضيع فنتاستك للنقاش <
ههه
احس اني بحرب مو زواج ..
وربي يوفقك حبوبه ..
انتظرك ندردش مره ثانيه انتي وباقي الفراشات ..

^لياااان^

30-10-2022 - 03:55 am

طيب ماعمرك انتي وهو تكلمتوا في البيت اللي بتعيشي وكيف راح يكون
وحكايه انه لما ينفتح موضوع يقفله علي طول يمكن انه من النوع اللي يمل علي طول
بس اذا تكلمتي معاه كل يوم مارح تلاقي موااضيع جديده
طيب انتي عوديه يعني ايش اللي حصل معاك اليوم
وبعد ماتخلصي قوليله يلا قولي انت ايش حصل
معاك
واذا سكتوا صار مافي كلام <<<<صرت هندي
قوليله موقف يضحك صار لحد ويقوم هو يتذكر موقف ويقوله وعلي كذا
وسالفه طال عمرك وسم
صدقيني هو تعود عليه في معاملته مع الناس وصار يقولها لك بس مع الوقت بيكون كلامه شي ثاني
بس انتبهي لا يجي يوم وتتكلمي زيه خ
واذ عندك اي سوال انا حاضره

خدالقمر

30-10-2022 - 04:56 am

هلا حبيبتي
حسيت أنو زوجك ما ينفع معاه الا انك تحيريه وتشغلي باله
مثلا
قوليله حلمت فيك حلم يجنن واسكتي واذا سألك قولي ام ما أقدر اقوله ابدا
خلي باله يودي ويجيب
وكمان خليك مشغولة عنه شوي يعني لا تردي على طول او قولي امي تناديني او الابريق على النار زي كذا
واذا قفلتي منه استني شوي وارسلس مسج قولي معليش جونا ظيوف ما اقر اكلمك الآن
او في الليل مرة قولي امي تعبانة وجلست ادلكها
المهم اي شي مقنع ولا يحسك سهلة خليه يحس انك دايم مشغولة وهذا الشي غصبن عنك وانك نفسك تكلميه دايما وفي مواضيع كثيرة تبغي تستشيريه فيها بس
وان شاء الله تستفيدي يارب

فتون المدني

30-10-2022 - 05:57 am

انصحك بعمل اشياء تجعل زوجك يشعر بمفاجئات مثل عمل طبخات يحبها او بععض من الرومنسيه وان يشعر بأن اهتمامك به غير محدود وان يشعر بأنه طفلك

فلسطينيه

30-10-2022 - 06:58 am

الله يتمملك على خير
واضح فعلا انوا لازم تغيري اسلوبك انتي عليكي عامل كبير
يعني انتي شكلك لما بيقلب الموضوع رسمي او بيرد ردود الرسمية بتسكتي وخلاص لا بالعكس
حاوليها تقليبيها مزح
كيف يعني مثلا اذا حكالك طال عمرك احيكلوا لا قصر واضحكي قوليلوا انا زوجتك خليك عادي معايه صارلنا خمس شهور ما تعودت عليه
زي هيك كل ما يحكي رسمي انتي لطفي الجو بالمزح وفهميه لانوا لازم يفك معاكي بالمزح برضو
ولما يلاقيكي انتي بتمزح ومرحه هيفتح معاكي بدايه الصداقه الي بدوري عليها هتكون من خلق جو مرح بينك وبينوا هادا الشي الي هيشيل الحواجز ويخلي الامور تتطور
وبعدين اسألية ايش الشيء الي انت حاسه سلبي فيه ونفسك اغيروا قبل ما نتزوج هادا الشي هيخلي ينطلق
واحكيلوا انا ما بزعل اي شيء مضايق فيه على طول احكيلي اياه وفي نص الكلام احكيلوا حتى الاشياء الحلوه والغزل ما في منها مانع هيك انتي هتجرأيه
هوه يمكن متحفظ شويه علشان فاكر انوا هادا الشيء عاجبك لانوا في بنات ما بتحب انوا البساط يكون احمدي مع زوجها بتتقل يعني وحركات
وخبريها بالتتطورات اول باول

العسافية

30-10-2022 - 07:59 am

upup

~ خيالية ~

30-10-2022 - 09:00 am

ليان
ههه فديت قلبك ..
شكرا كثير من جد مو عارفه كيف اشكرك على تفاعلك معي ..
فعلا جبتيها .. من النوع الملول مره .. مايبي اي سالفه تطول او مايبيك تخوضين بالتفاصيل مره ..
ماادري وش السواه مع هالنوعية !!
فديت قلبك من جد تسلمين
انتظرك دائماً ^_*

~ خيالية ~

30-10-2022 - 10:01 am

خد القمر .,
ماتدرين وش كثر افدتيني
يمكن هو كذا ماجربت هذا الشي معه !
بس خوفي يبعد عني والله مدري وش اسوي ..
لكن ماراح اخلي شي مااجربه ..
هو فعلا من النوع اللي لازم ينشد بإسلوب معين ..
ربي يعين والله هالرجال ماينعرف لهم !
ههه
من جد تسلمين اسعدني مرورك وردك
لاتحرميني تواجدك ^_^

زعلانة كتير←
sa3dooniiiiiii→