صبايا مين ماكان يدق بابها أحد ولا يجيها خطابين وتزوجت تعالوا أعطونا بصيص أمل

1. الموضوع مفتوح للجميع


2. ا نا من عندي في قصة قريبة جدا لي ألا وهي قصة أخي

مثل مو بالعنوان....حبيباتي الفراشات من جميع الفئات والأعمار ...واسونا بتجاربكم الجميلة وأخبرونا مين ماكانت تنخطب يعني لا يدق بابها أحد ولا يجيها خطابين بالرغم من أن قريناتها وقريباتها كان يجيهم خطابين أو كانت من عائلة غير اجتماعية او غير معروفة أو مغتربة أو أو أو
ثم فجأة جائها الفرج من العدم ورزقها الله زوجا من حيث لا تدري ولا أحد يدري وبالرغم من استحالة الظروف والوضع؟؟؟؟
فرحونا بتجاربكم أعطونا بصيص أمل يافراشاتي الغاليات...

الموضوع مفتوح للجميع

ا نا من عندي في قصة قريبة جدا لي ألا وهي قصة أخي

اخي خطب من كم شهر بس...خطيبة اخي تكون بنت خاله بالرضاعة وهو مابيعرف عنها شي يمكن غير اسمها وبس وانو عندو بنت خال بالرضاعة هي فلانة ويمكن ماكان بيعرف...هالانسانة متدينة خلوقة جميلة مهذبة حلوة لكن كانت تمر عليها فترات كتير تسمن وترجع تنحف هلق وقت خطبها كانت نوعا ما مليانة منيح يعني بس هي طويلة ماشاءالله
هالبنت صار عمرها 27 هي أكبر من اخي ب 7 شهور...سبحان الله اخي كان بدو يخطب بس ماكان جدي وكان يشوف بنات بشان يسكت اهلي بس واحيانا نحسو بدو ماكنا نعرف شو قصتو...كنا بسوريا اجازة واخر شي قبل مانرجع عالسعودية بكم يوم ابن عمي قلو لأخي في عندي بنت خالي كذا وكذا وورجاه صورتها وقلو انا مارضيت اخطبها لانها قدي واكبر مني وانا بدي بنت اصغر مني مع انو هو بعمر اخي تماما...قلو اخي طيب انا عجبتني بدي روح شوفها...طبعا دق رجلو بالارض ونحن كنا بعد يومين مسافرين سياحة على تركيا وكل شي جاهز خرب الدنيا بدو يروح يشوفها ماعرفنا شو سبب هالاصرار المفاجئ سبحان الله وراح شافها مع ماما وبابا ووقع بحبها من اول نظرة وخطبها فورا وكتير اصر وديق الموضوع علينا لكن اهلي استجابو لرغبته وهي البنت جدا معروفة ببلدنا واهلها جدا اجتماعين لكن سبحان الله ما انخطبت قبل اخي وتخيلو كانو يبعتولها خطابين يتصلو وماحدا يرد السبب انو كانو اهل خطيبة أخي يفصلو خط التلفون من شدة الاتصالات والازعاج لانو امها مدرسة دين معروفة جدا والكل بيتصل فيها بكمية مزعجة...سبحان الله بعد ما انخطبت عرفت من ناس انو ليش ماكنتو تردو على تلفوناتنا وهي مالها خبر أبدا انو جاييها خطابين وكانت مكتئبة وحزينة لكن صابرة وكل قريباتها انخطبو ورفقاتها تزوجو لكن نحن محظوظين فيها والحمدلله كل هاد صار حتى تصير من نصيب اخي وكل امورون ميسرة بطريقة غريبة طبعا بالاضافة انها ماكانت كتير مرغوبة بسبب سمنها وتذبذب وزنها لكنها طلعت من نصيب اخي واخي ماشاءالله جميل جدا طول واشقر وعيونو زرق وهني هلق عاملين متل روميو وجولييت حب مو طبيعي وهلق رح يكتبو الكتاب دعولون الله يتمملون على خير وقولو ماشاء اله تبارك الله
لكن انا بدي اسمع قصصكون اكتر بشان اتفائل اكتر لانو انا ماحدا بيعرفني واهلي ابدا مو اجتماعيين