صدقة بطريقة مختلفة

1. لكن ماتحسي فيها او بمعنى اخر ماتعرفي الناس اللي راحت لهم

بسم الله الرحمن الرحيم
السلام عليكم ورحم ه الله وبركاتة
ارجعتكم من جديد
كيفكم صحيح نسيت؟؟ ان شاءالله الجميع بخير
احلى باقة ورد (() لاحلى عرايس لعام1432هه
قولوآآمين
بدخل بالموضوع بسرعه شوفت موضوع بالمنتدى بالقسم الاسلامي
وبصراحة اعجبني قلت في ببالي مو خسارة فيكم لانكم بتستاهلو كل خير وربي
وهو عن الصدقة واسمو صدقة بطريقة مختلفة
لاخت ام الطعمين
الله يجزيها الخير
ان شاءالله يعجبكم وتستفيدو منو
ونكسب الاجر والثواب من الله
السلام عليكم ورحمة والله وبركاتة
اخواتي الفراشات كلنا ان شاء الله نتصدق وتختلف الطريقة اللي نتصدق فيها ممكن تعطي فلوس للجمعية الخيرية او لهيئة الاغاثة او ممكن تجمعي ملابسك وتعطيها للجمعية الخيرية او ...او ... او ...

لكن ماتحسي فيها او بمعنى اخر ماتعرفي الناس اللي راحت لهم

قبل كم يوم وانا رايحة انام جا في بالي افكار للصدقة تخليني استشعر المتعة والذة غير ادخال الفرحة في نفس الغير على سبيل المثال:
1_دحين بعد اسبوع بيكون الترم الثاني في الدراسة طيب في كثير ناس بيكون عندهم هم لهادا الموضوع انا قلت بسأل اهلي وجيراني لو يعرفو ناس محتاجة وعندهم اولاد في المدرسة لو عندهم بنت او بنتين مثلا بروح المكتبة واشتري شنطتين حلوة وبعبيها دفاتر واقلام والوان وطوابع واي شي يمر في يدي واحس انة حلو والله ان الناس الفقرا يحز في نفوسهم ان اصدقائهم عندهم اشياء مايقدرو هم يجيبوها بهادي الطريقة اكون دخلت الفرحة على قلب فقير
ولو عندهم ولد او ولدين ممكن نعمل نفس الشي
ومع كل راتب احاول اخصص مبلغ ولو بسيط ادخل فية الفرحة على هادي العيلة الفقيرة
2_ممكن يكو ناس عنهم اطفال رضع يصير خلاص مع كل راتب اشتري كيسين حفايظ كبيرة وعلبتين كبيرة حليب وكلنا عارفين قد اية الحفايظ والحليب تسحب فلوس
3- ممكن عيلة ثانية مع كل راتب اشتريلهم خيشة رز وخيشة سكر وكرتون اندومي
والشهر اللي بعدة اخد لهم معلبات وفواكة
الشهر اللي بعدة اجيب لهم خيشة بطاطس كرتون دجاج
شهر اجيب كم قطعة كسوة
4_في بعض الناس يكون عندهم اب عاجز او احد معاق على السرير يصير نشتري لهم حفايظ والفرش اللي ينفرش على السرير (الازرق حق المستشفيات )
5_ممكن يكون احد عنده دوا غالي يصير خلاص انا اشترية
6_ ممكن في ايام البرد نشتري بطانيات وشراريب وجاكيتات
المقصود من موضوعي انك تعرفي العيلة ايش ناقصها وتصير هادي العيلة قد ماتقري تخصيصي لها ولو 100 ريال مع كل راتب وتدخلي الفرح على قلوبهم
والله ياجماعة وانا افكر في الموضوع حسيت اني بفروح قلوب فقيرة قلت اقول لكم امكن تعرفو ناس فقرا
ونتعاون
داعوتككم
ربي يوفقكم ويسعدكم