صديقاتي الرجاء المساعده من أبتكاراتكم

السلام
حبيبتي في طريقه عاجبتني بس مادري يمكن قديمه..
في عند محلات تغليف الهدايا صنادق خشب حلوه وفخمه((مو كبيره حيل)) مخصصه للشبكه..
انا شفت واحد عجبني حيل صندوق وفيه ادراج ((مغلف من داخل..مبطن..ستان احمر))
حلو طريقته..الصندوق ينفتح من فوق عادي وتنحط الشبكه .. والادراج اللي تحت ينحط فيها المهر او اللي تبين...
اتمنى انها تعجبك...
اختك الغلا

اهلين درونه انا كنت بالسوق وشفت الصندوق اللي قلت لك عليه وصورته لك..
لقيته عند محل يبيع بخور وعطور عربيه...
(( مثل القرشي و الشركة العربيه)) شوفي يمكن تلقينه عندهم..
وهذي الصور..
هذى شكل الصندوق من برا..
وهذ من داخل ((اللي فوق في بخور وعطور ودهن عود..ومن داخل ادراج للمهر او اي شي ثاني..
وفيه اشكال والوان كثيره
ان شالله تبين الصور عندك

مشكوره صديقتي على أفكارك الرائعه بس أبي شي فخم يعني تستفيد منه العروسه في بيتها
ويواجه ينحط بالملكه يعني
زي الأشياء الفضيه وصراحه جداَحلوه العلبه بس أبي أفخم من كذا وشاكره على مرورك..

ين الناس وين العالم زعلتوني أبي افكاركم وبتكاراتكم .

انتي بجده روحي محل الكرستال في طريق المدينه النازل تلاقي عندهم اشياء تعجبك

حبيبتي تقدرين تجيبين صندوق فضي بس يكون فخم مع صينيته ومن جوا الصندوق تنقشين اسم اخوك وعروسته بالخيوط الفضيةعندواحد مختص زي نقشة كسوة الكعبة المشرفة اقصد نوع الخط والخيوط الصناديق تلاقينها عند فتيحي اصلا هي صناديق شبكة والظاهر اذا طلبتي هم ينقشون الاسم والتاريخ ودعوة حلوة بعد على الصندوق بس بيكون غالي لان الصندوق من الفضة والصينية حقته مع خيوط النقش بتكون من الفضة بعد
وفيه طريقة ثانية ارخص واسهل وهي انك تجيبين صينية لونها فضي مو لازم تكون غالية لانك بتغطينها بعد ما تشترين الصينية وديها عند محل ورد مرتب اذا كنتي في الرياض انصحك تحطينها عند زهرة الربيع لانهم يبدعون في الحركات وخليه يغطي الصينية بالورد و الورق الاخظر حقهم وفي نص الصينية خليه يحط هيكل وتتفرع منه زي الاغصان وهو يكون مغطيها بالورد والكريستالات الي عندهم والشبكه انتي توزعينها على الاغصان مثلا الخاتم في غصن والحلق في غصن ثاني وهكذا
وبس واتمنى اني اكون افدتك ومبروك شبكة اخوك والله يوفقة ويسعده ان شاء الله ويكتبله الخير والصالح