صديقاتي حياتي

صباح/مساء الخير
هذي اول مشاركه لي واتمنى ان تنال اعجابكم >>واول خاطره من خواطري >> وهي تتحدث عن وداع صحباتي؟
نبدا
رغم التواصل والترابط حسيت في الروح اغتراب
ودّي ارجع مع صفوف المدرسه وركابها
للمدرسه وحشه ولكن ماهي وحشه للكتاب
للصحبه اللي ماتناست بالفراق اصحابها
شوقي لجمعتهم كثر ماتنثره بيض السحاب
كثر حنين المغترب عن ديرته لترابها
في ظل جمعتنا مرح يميت جو الاكتئاب
وفي شقاوتنا براءه نختفي بثيابها
ياكثر ماكنا نخالف في النظام وما نهاب >>اتوقع فهمتوا قصدي
حتى قوانين الاداره ما حسبنا حسابها
عودونا نلتقي بعد الاجازه و الغياب
اذا المدارس رحبت واستقبلت طلابها
والحين صار فراقنا فرقى ذهاب بلا اياب
ماعاد تجمعنا سنين المدرسه باحبابها
اتذكر اليوم الاخير المر والفرقى عذاب
الموعد اللي ساعته من قبل كنا نهابها
ودعت كل اللي احتوتني قلوبهم قبل الذهاب
قفيت عنهم ونثرت عيني دموع اهدابها
جبنا الشهاده وافترقنا غصب عنا للغياب
وانتهت اغلى ثلاث سنين مرينا بها
فمان الذكريات اللي صداها باقي ما غاب
يالصحبه اللي ما تناست بالفراق اصحابها
لن انساكم >>صديقتكم >>بنت حلاها غير