صديقتي و كلمتها اللي فتحت لي ابواب مسكرة معقول كلامها

أصابع يدك مو سوا يمكن زوجها كذا وحكمت على كل الرجال..
لا تشكين بزوجك إلا إذا شفتي منه شيء بس كذا من كلام صديقتك لا حرام وش ذنب زوجك..
إرمي كلامها وراك...

انتي ادرى بزوجك مو الناس

لالا مو كل انسان قال كلام حلو معناه انو كذاب انا مو متزوجه لكن نصيحتي دام زوجك انسان بمعنى الكلمه معك اتركي الناس على جنب

ياحياتي ياحياتي لاتصدقين هالكلام ونصيحتي استمتعي بكلام زوجك ولا راح تندمين وتسيرين باردة عاطفيا ساعتها راح يطل لغيرك نصيحة لاتخسري زوجك عشان سوالف بنات

لالالالالا ياقلبي بالعكس موشرط اكيد زوجك يحبك وإلا مااختارك من بين هالبنات كلهم إلا لأنك عاجبته
حبيبتي اتركي عنك كلام الحريم الي مايودي ولا يجيب بالله عليك بالعقل إذا كل رجل قال لزوجته كلام حلو وهي بتفسر هالشي على ماقالت صديقتك عزالله ان نص الحريم متطلقات من زمان اش هالكلاآآآم الي حتى البزر مايصدقه
حيآآآآتي ابتعدي عن مجالس الحريم الي مااتنفعك الي تجيب لك الهم والغم بس << على فكره انا بنوته لسا ماتزوجت لكن قهرني كلامك ومن القهر قلت مااطلع إلا وانا راده على هالمسكينه لا تصدق وتقلب على زوجها ههه مو احنا يالحريم مانصدق خبر

possy cat
ماشاالله عليك قلتي احلي الكلام وانا نفس رايك

حبيباتي اللي ردو
فعلا سؤالي حسيته مره مو طيب
بس من جد بعض البنات تحب تخرب على غيرها
:(

الكلام فيه شيء من الحقيقه
بس مو كل مره بيقول كلمه حلوة يعني يلعب بعقلك
وانتي مثل ماقالوا البنات انتي بتكوني ادرى بزوجك من كل الناس
وخلي عنك كلام الحريم اللي ربعه اسمعيه والباقي طنشيه

غاليتي
حلو يكون فيه ثقة متبادلة بين الزوجين ويكون في بينهم ود واحترام بس انا من راي أنه الموضوع ما يكون 100 % يعني لازم يكون فيه نوع من الحماية
حماية زوجك وبيتك من الناس الي يحبون يخربون البيوت
انا اقصد ان ممكن يكون زوجك تمام 10 على عشرة لا يطالع يمين ولا يسار ومحترم ويحبك ومو ممكن يحب غيرك بس وش يدركي مين يقابل في حياته ؟؟؟ مين يلعب براسه ؟؟؟ مين يضحك عليه برا ويحاول يخرب بيتك وحياتك ؟؟؟
ما أقول كل وحده لازم تعرف كل صغيرة وكبيرة عن زوجها وعن علاقاته أيا كانت بس اقول لا ترمي الثقة كاملة وتقعد بعد كده مصدومة أنها ما أخذت أحطياتها لأن غيرها استغل هالثقة بطريقة خطأ
ولا كمان تقعد تنكد على حياتها وعلى زوجها بالشك وكثرة الغيرة المفرطة
بس تكون ذكية أحنا في زمن مليان فتن والرجل يشوف أشكال والوان وسهل جدا تقع عينه على الي أحلى من زوجته وسهل جدا يفتن لأنه في النهاية بشر صحيح هذه مو قاعدة لكنها أصبحت شئ مسلم فيها
الزوجة منا لازم يكون عندها وعي بالمخاطر الي ممكن تهدد بيتها وتخربه وتحاول من البداية انها تحمي نفسها وبيتها وزوجها
شوية من عدم الثقة بينها وبين زوجها يحميه ويحميها ويخليها تقدر انها تستدرك أي مشكلة انها تحصل من البداية
بالنسبة للكلام الي يقول ان الرجال الي يعرف كلام حلو يعني هو راعي علاقات هل ينطبق هالكلام على المرأة أيضا؟؟؟؟؟ لو لا إذن ما يحتاج نتعب نفسنا لأن الكلمة الحلوة ما تحتاج منا ان نكون أصحاب خبرة علشان نخرجها
موفقه