صنية توست بالدجاج

بسم الله الرحمن الرحيم
و الحين نبدأ
صبنية التوست بالدجاج و الكريمة
المقادير
صدور دجاج مسلوقة و مقطعة شرائح يعني شاورما
توست طازج
بصل مقطع جوانح
فص ثوم مدقوق
فلفل ملون يعني فلفل اخضر +احمر+اصفر مقطع قطع طولية
جزر مقطع طوليا
علبة صغيرة ذرة+علبة صغيرة مشروم(فطر)
علبة او علبتين كريمة سائلة كي دي دي
ملح+فلفل اسود+بهارات مشكله
الطريقة
1-تحطين الزيت في مقلاة كبيرة و تحطين البصل يذبل شوية و الثوم و بعدين تحطين باقي الخضراوات و تحمسينهم مع بعض+الذرة و المشروم و بعدين تضيفين الدجاج و اتبلين الخلطة بالبهارات المشكلة و الملح و الفلفل الاسود.
2-تضيفين للخلطة السابقة الكريمة و تخلطينها مع بعض.
3-تجيبين بايركس و تصفين فيه التوست و تدهنين التوست بشوية من الكريمة و بعدين تحطين فوقه خليط الدجاج و تغطين الدجاج بطبقة اخرى من التوست و تسكبين الكريمة فوقها و ترشين على الوجه قليل من جبن البيتزا و يدخل الطبق الفرن الى ان يتحمر .
و يقدم ساخن و عليكم بالعافية