ضغطي واصل مليون

السلام عليكم
خففو عني ولا واسوني ولا انصحوني بس لا تطلعون بدون ردود يرحم والديكم
اه مشكلتي ياا اخواتي ان اهل زوجي كل ما جات عندهم عزيمه يجوون في مجلسناا بتقولون وش فيها
يا اخواتي طفشت طفشت طفشت ضاق خلقي انا وش دخلني في عزايم اهلك يجوون يحوسون مجلسي هم وبزارينهم ويروحون ويخلونه دمار
وانا اقهوي واشهوي فيهم وابخر وليتهم يستاهلوون المشكله كلهم جيراننا مو ناس ساكنين بعيد اخوه بيجيه خويه اتصل على زوجي باجي عندك وانا اللي اضيفهم
اخوه بيملك عزم قرايبه كلهم ويلا شاهي وقهوه
عمه مسوي عزومه لولده يلا عندنا وهاتك يا شاهي ويا قهوه اشتغل عند ابوهم وانا مدري
اه والله طفشت المشكله اخوات زوجي في نفس الحوش ورا ما يساهمون معي صبرت صبرت صبرت
طيب وبعدين
هم يخرجوو مناا وانا اكنس منا والحمام معدمينه اخوانه الصغار وبزارين معازيم اهله انظف وانا ابكي كل ما اقول يلا اخر مره ما ادري الا وزوجي جايني سوي شاهي وقهوه وحلا فلان عازم ناس عندنا
بالله عليكم هذا كلام الحين اكتب لكم واسمع في ازعاجهم
اوف بس
ملاحظه ترى ما قد شكيت لزوجي ولا تذمرت بس بعض الاحيان يشوفني ابكي وانا انظف وهو لا ينش ولا يهش
اقوله بعض الاحيان بس البزران لا يعدمون الدنياا يقول وش اسويلهم
المشكله الثانيه قبل شوي ولدي عمره سنه وشهر بنت اخوي نفس عمره تجري وراه ودفها ولدي
ما اشوف الا اخوي بالخيزرانه بيضرب ولدي وقاعد يتكلم عليه بصوت عالي
المشكله قدام امي وابوي واخواتي من جد انقهرت اقوله ولدي مطوع وبنتك زودتها تجري وراه
بغى يسوي مجزره
يعني انا ناقصه
وش رايكم فالحالتين مو شي يقهر ويرفع الضغط ..